والله إنك بطل

[عبدالرحمن الرويس]

.
.









وش بتخسر لو تردّ المراسيل= كيف حالك وأنا مانيب حولك ؟

هي دموعك تجف وترجع تسيل =هو غيابك بـ صمت آخر حلولك

في غيابك تعبت آحط وآشيل=صعب فرقاك والأصعب وصولك

جيتك أمشي بـ ليل بلا قناديل=مامعي غير خوفي من ذبولك

ألمح الغيم وآجرّ المواويل=وأسأل الليل عن لحظة حلولك

قدّ ماغرّق الدمع المناديل=قدّ مااجدبت واشتقت لهطولك

يمكن أحيا فالأيام المقابيل=ويمكن آموت لو غيري ينولك

والله إنك بطل وأتقنت تمثيل=وأكثر جروح قلبي صفقـّولك


.
.

[خالد ال جويعد]

ومرحبا وهلا وغلا


يعطيك العافيه

وصح لسانك يا عبد الرحمن


والله لا يحرمنا
من جديد

اخوك



ولا

[خالد بن جغيثم]

عبدالرحمن صح صح صح السانك ودائماً مبدع في قصائد والله لايحرمنا من جديدك وابداعك

وتقبل تحياتي

اخوك

[محمد بن جغيثم]

وش بتخسر لو تـردّ المراسيـل=كيف حالك وأنا مانيب حولـك ؟

صـح لسـآنـك مـلآيـيـن ,,

ولآهـآن بـوحـك ,,,


شاعر قدير ومتمكــن ,,

اتـركك بـوود .,,.

[نايف السبيعي]

الأخ عبد الرحمن الرويس


><><><>

تابعت العديد من قصائدك في منتديات أخرى

وللأمانة وليس من باب المجاملـة ..

أنت شاعر جميل ونتمنـى لك دوام وفائق الاستمراية

ولك مع الـــتـــألق موعد وحضور ..

دمتـ على الود دائمــــــا

[ماجدالخمعلي]

بسم الله الرحمن الرحيم

الحمدلله والصلاةوالسلام على رسول الله وعلى آله وصحبه أجمعين






جيتك أمشي بـليل بلا قناديـل
مامعي غير خوفي من ذبولـك
ألمح الغيـم وآجـرّ المواويـل
وأسأل الليل عن لحظة حلولـك
قـدّ ماغـرّق الدمـع المناديـل
قدّ مااجدبت واشتقـت لهطولـك
يمكن أحيـا فالأيـام المقابيـل
ويمكن آموت لو غيري ينولـك








عبد الرحمن الرويس




صح لسانك وسلم بنانك

كتبت وأجدت فأبدعت وأمتعت

لك من الشكر اجزلة ومن التقدير ابلغة

تقبل فائق احترامي واسمى تقديري وصادق دعواتي

[اجريس المطيري]

صح السانك ياعبدالرحمن

ولاهنت

[سعد الشقحاء]

صح لسانك ولاهنت
على الابداع
تقبل مروري
ولك تحياتي

[سعدالجميلي]

وش بتخسر لو تردّ المراسيل=كيف حالك وأنا مانيب حولك


ياسلام عليك ياعبدالرحمن


والله انك مبدع من جد



تقبل اعجابي

[عـسـاف]

والله انك بطل واتقنت تمثيل &&&& واكثر جروح قلبي صفقولك

شاعر بمعنى الكلمه وماقصرت عالقصيده

بس اذا ممكن اخوي ( عبدالرحمن ) تفيدني على اي بحر القصيده؟


اكون شاكر لك



اخوك عساف .......

[عبدالرحمن الرويس]

أخوي عساف

بحر القصيدة هو الهجيني الطويل مع اختلاف قليل مثلاً :

من بادي الوقت هذا طبع الأيامي
عذبات الأيام ماتمدي لياليها

وبحر قصيدتي ناقص حرف من الصدر وحرفين من العجز

فـ كأنك تقول :
من بادي الوقت هذا طبع الأيام
عذبات الأيام ماتمدي ليالي


والسلام عليكم ورحمة الله وبركاته ...