ما إكتفيت من الغياب !!؟

[حـــره]

يُجْبُرِنْيْ ..
عَلَىْ أَنْ أَتْرُكْ كُلّ شَيْء
لِـ أُنَاجِيْ غِيَاْبْه فَقَطْ .. !






لعنبوك ان كنت قاصد هالغياب وهالتغلّي
................ لجل تشعّل في خفوقي نار شوق ونار غيره .. !



والله ان الشوق فيني طاغيٍ حتى بمحلّي
................ وكل عرقٍ من عروقي ينتظر عطرك يثيره .. !



هذا طيفك لو يجيني قمت أرحب به واهلّي
................ واسكنه في وسط عيني وآتنفس من عبيره



وهذي عينك لو تشوفن عقب بعدك وش حصل لّي
................ كان ماتمسي بليلك الا وعيونك ضريره



تدري اني يوم جيتك مالفيتك ومتسلّي
................ جيت حبٍ صعب غيرك يرتوي من قاع بيره .. !



جيت لك عشق بدويه لآنتخت صاحت ياخلّي
................ ماتهاب الا الغياب وشوف عينك يستثيره



جيت متشفق غرامك واهبه بعضي وكلي
................ صادق احساسي بحبك راضي بشرّه وخيره



يعني يكفي ياغناتي .. يابعد حيي وملّي
................ مالقلبي في غيابك غير اسمك اي سيره .. !




ما كفاك اني بموت من التجافي والتغلي .. !!؟
................ ارجع لقلبٍ في بعدك لمّته مليون حيره









جنّة من الورد لمن قادني هُنا
وجنّة من الورد لأعضاء .. المختلف

http://aam1617.jeeran.com/photos/1599290_s.jpg

[محمد بن جغيثم]

جيت متشفق غرامك واهبه بعضي وكلي = صادق احساسي بحبك راضي بشرّه وخيره

حـرره ..


صـح لسـانـك قصيـده جميلـه ...

أنتي تملكين الأنسيابيـه بالطرح ..


وتملكين عذوبة الحروف وسهولة الالفـاااض


وتسخرينهآ لما تـريـديـن ,,

اشكرك على الطرح ..

اتـركك بوود .,,.

[عبدالله خالد السبيعي]

صح لسانج ولاهنتي على القصيده التي اجمل من الرائعه قصيده ترقى بالمعاني والاحاسيس
وارد اقول لاتعبتي وصح لسانج والشاعره حره شاعره قديره
واقولج فالج البيرق والمليون
واختامها من اخوج ومغليج :عبدالله السبيعي
ودمتي كما تحبين

[سلطان الشمري]

حررره

اهلاً وسهلاً بكي في منتداك\

وبين اخوانك


وصح لسانك يالمبـــدعه

شاعره من الوزن الثقيل


واشكرك على تلبيـة الدعـوه


ولله درك


انتظر جديد


تقبلي مروري


اخوك / سلطان الشمري

[غلا]

ياهلا فيك حـــره..


صح لسااانك ولا هنتي
قصيده رائعه بمعنى الكلمهـ..

لا تعليـــــــــــــــق على هذا الأبداااع..

دمتي بخير..

[خالد بن جغيثم]

حره

ياهلا ومرحبا مليوووون ونشكرك على تلبية الدعوة وتو مانور المنتدى

وصح السانك والله لايحرمنا من جديدك وابداعك وفكرك وقلمك المميز

وتقبلي تحياتي ومروري المتواضع


اخوك

[اجريس المطيري]

حره

ومنور المنتدى بوجودك معنا

صح السانك


ويعطيك العافيه

[حـــره]

شاعر المشاعر ..

صحّ نبضك / وشكراً على كلماتك اللطيفه
ممتنه كثيراً لهذا المرور

[حـــره]

عبدالله السبيعي ..


صحّ بدنك .. ومشكور على كلماتك الجميله
ممتنه والله لهالحضور