عبدالله العصيمي
07-05-2008, 09:48 AM
متواضعه للتواصل
اتمنى ان ترقى للذائقه
الدمعه اللي حدرت في ضحى العيد = خنقتها خنقتها واخنقتني
ثم فيضت واسقت قفار جراهيد = لكنها تحت المدامع كوتني
والحقتها ونه وحنه وتنهيد = وضربت صدري من كثر مابلتني
كثروا علي مدورين المناقيد = ناس تدور زلتي واشتمتني
لو ان بعض الهرج مثل العباريد = قدمه صخر لو صابني مانحتني
والهرجه اللي جات من زيد وعبيد = طمرتها طنخه ولا عذربتني
اكحل العذال واكيد للكيد = واقدح بزندي واتعصى بمتني
ناسٍ تقول العشق ماظن به فيد = وكلن على همه وشوفه نعتني
ماذاقوا اللي ذقت من شرد الغيد = سكرات حب وعلةٍ طاولتني
لاني عشقت من الظبى قايد الصيد = عنقاً سبت كل الغلا ثم سبتني
مدعوجة العينين منتوقة الجيد = اللي تمنى فرحتي واهبلتني
لاجيت اعلمها من الشعر وازيد = ثم اهمست واغضت بعينٍ بلتني
تقول يفدونك جميع القواصيد = واقول انا فدوة عيون اهبلتني
واليوم دون القرب حل التصاديد = ويش السبب واللي هوتني جفتني
العيد راح وخلد الهم تخليد = من يومها غابت ولا عايدتني
كانت تقول ايامنا كلها عيد = واليوم زل العيد ما عايدتني
وسلامتكم
اخوكم عبدالله العصيمي
.
اتمنى ان ترقى للذائقه
الدمعه اللي حدرت في ضحى العيد = خنقتها خنقتها واخنقتني
ثم فيضت واسقت قفار جراهيد = لكنها تحت المدامع كوتني
والحقتها ونه وحنه وتنهيد = وضربت صدري من كثر مابلتني
كثروا علي مدورين المناقيد = ناس تدور زلتي واشتمتني
لو ان بعض الهرج مثل العباريد = قدمه صخر لو صابني مانحتني
والهرجه اللي جات من زيد وعبيد = طمرتها طنخه ولا عذربتني
اكحل العذال واكيد للكيد = واقدح بزندي واتعصى بمتني
ناسٍ تقول العشق ماظن به فيد = وكلن على همه وشوفه نعتني
ماذاقوا اللي ذقت من شرد الغيد = سكرات حب وعلةٍ طاولتني
لاني عشقت من الظبى قايد الصيد = عنقاً سبت كل الغلا ثم سبتني
مدعوجة العينين منتوقة الجيد = اللي تمنى فرحتي واهبلتني
لاجيت اعلمها من الشعر وازيد = ثم اهمست واغضت بعينٍ بلتني
تقول يفدونك جميع القواصيد = واقول انا فدوة عيون اهبلتني
واليوم دون القرب حل التصاديد = ويش السبب واللي هوتني جفتني
العيد راح وخلد الهم تخليد = من يومها غابت ولا عايدتني
كانت تقول ايامنا كلها عيد = واليوم زل العيد ما عايدتني
وسلامتكم
اخوكم عبدالله العصيمي
.