مصافحه أولى !!

[احمد الهاجري]

..




السلام عليكم ورحمة الله وبركاته



اشكر من دعاني إلى هذا الصرح الرائع واتمنى لكم التوفيق..










اسـدل الليـل مالـك علـم ياطيـر=يـوم سمعـي فقـد نـوح الحمامـه
وين ابلقاك قلـي../ ياعسـى خيـر=خايف الليـل مـن شـدة ظلامـه ؟
سقـت رجلـي وياكثـر المشاويـر=مالحقنـي معـه غـيـر النـدامـه
حالتي حلـم مايحتـاج [. تفسيـر .]=بـس عيّـا يـزوره فـي منـامـه !
جـرح حطيـت لـه مليـون تبريـر=مانفع.../ قـال:- خلّـه للإقامـه .!
كـل ماجتنـي جروحـه./ مساييـر=فـز قلبـي وبــادر بإهتمـامـه !!
ماكفـاه الـذي فـي حالـي يصيـر=تدمـع العيـن / وتشـح الغمـامـه
كان يبغى العمر مامـن.../ مخاسيـر=صرت كلي على شانه [. كرامه .] !!
إن توفـى./ بياخـذ معـه تفكـيـر=وإن توفيـت./ مالـي كـود خامـه
وكـان وده فراقـي يـا.../ معاذيـر=ليه ؟ ينصب علـى صـدري خيامـه
والله إن اعشقـه عشـق المناعـيـر=(. للوفا , والشجاعه , والكرامـه .)
ماتـرك شـئ./ حنـي يامقاديـر !=روّح الليـل والبـاقـي كـلامـه !!
وانت ياطيـر ويـن القـاك ياطيـر=ماعلـى العاشـق الوافـي مـلامـه
هذهـي عاودتنـا حــزّه عصـيـر=وهـذا انـا تلنـي نـوح الحمـامـه
ضـف جنحانـك وودعنـي وطيـر=اسبـق الليـل لايـسـدل ظـلامـه
روح قلّـه محبـك حالـتـه غـيـر=راح وقتـه علـى عضـة ابهـامـه
يكتبـك شعـر ويصخـرك تعبـيـر=بيـن/ دمعـه وغصّـه وإبتسامـه !!
ولو يقول.../ ومتى ينسى على خير؟=قول له:- هو متى يـوم القيامـه ؟!
السلامـه.. معـه هـات التباشـيـر=بنتظر لين [. ترجـع بالسلامـه .] !!













وسلامتكم ..,

[ميس عمر]

المتألق/ عبدالعزيز السبيل

حياك الله في رحاب المختلف

صــ//ـح لسـانـكـ//ــ

ولاتحرمنا المزيد من باقاتك الشعرية

دمت بخير..

[محمد بن جغيثم]

يكتبـك شعـر ويصخـرك تعبيـر=بين/ دمعـه وغصّـه وإبتسامـه
ولو يقول.../ ومتى ينسى على خير؟=أقول له:- هو متى يـوم القيامـه

عبدالعزيز السبيـل ,,

صـح لسـآنـك .. والله لايحرمنا من ابدآعآتك الجميله


يعجبني تصوريك وتعجبني سهولة الفآظـك ..

في انتضار المزيــد والمـزيــد من كتآبآتـك

تقبل مروري

اتركك بوود .,,.

[خالد بن جغيثم]

عبدالعزيز ياهلا و مرحبا فيك في محلك ومنتداك وتو مانور المنتدى طال عمرك

وصح السانك ودائماً مميز وشاعر لك وجود في الساحة وابرك الساعات تواجدك معنا


وتقبل خالص تحياتي ومروري المتواضع


اخوك