راكان بن بدن السبيعي
07-20-2008, 11:47 PM
رابط القصيدة على موقع الـ يوتيوب :
http://www.youtube.com/watch?v=VVYzJo8K3Pc
ماعاد باقي للقصيده غيـر نظـرات الـوداع=يافكر سقها والزمـن بيـن الرجـال يسوقهـا
والله لجنّبها عـن الـزلات ودروب الضيـاع=وأني لحفظ حقوقها مادمت اعْـرف حقوقهـا
وأن كان ماتروي ضمى عطشا ولاتشبع جياع=ماني وأنـا راكـان عاشقهـا ولا معشوقهـا
سمْت سمْت لين اجزمت بأن البسيطه دون قاع=وراحت سواة الغيمـه اللـي تستلـج ابروقهـا
لها من العين ومـن الإذْن النظـر والإستمـاع=ومن العقول أهل الفكر وأهل المـروّه ذوقهـا
والها علي اروي عطشها فكر .. قدر المستطاع=عهدٍ على نفسي وأنا عيـب العهـود أبوقهـا
وأن كان ماتحمل هموم أمّـه ولاحـل النـزاع=لاهيب من طرقـي ولانـي بـادعٍ طاروقهـا
سلام منّي ياأمّة الإسـلام فـي شتـى البقـاع=يا أمـةٍ تِقهـر وتَضحـك للعـداه اشدوقهـا
تشبّعت بالذل ليـن أحساسهـا بالنصـر مـاع=ولا صمد فيها لو أنّه عـرقٍ امـن اعروقهـا
وتغلغلت فيها ثقافة " عش ترى الدنيا متـاع "=حتى تلاشـى فعلهـا بعـد اتسـاع حلوقهـا
أليا متى ووجيهنا تدمـن علـى لبـس القنـاع=ورغـم المذلّـه ألسنتنـا تفخـر بمنطوقـهـا
وأليا متى وجروح الأمّـه كـل يـومٍ باتسـاع=وحنّا نعْرف أن كـل يـدٍ يـد ربـي فوقهـا
وأليا متى وأفضل وسيله للهجوم أنـك دفـاع=وأليا متى طعم الخسـاره كـل يـوم انذوقهـا
احقوق الأعداء تنتزعها أعدائنا غصب انتـزاع=وحنّا أمّةٍ عجزت تجيب احقوقها مـن عوقهـا
ياليتها تاخذ مـن الماضـي وقـود الإندفـاع=يوم الفعـل يحمـا مواردهـا ويحمـا نوقهـا
ويوم الخطر لامن تقدّم شبر تمشـي لـه ذراع=وأرواحها لادندن الحـرّاب يرخـص سوقهـا
هناك .. ماسادت سياسات القهـر والإنصيـاع=وهناك .. كان النصر للأمّه هو أعظم شوقهـا
مايبعث أمجاد الشعوب الها سوى القلب الشجاع=وأصعب من إفلاتت مكانـات الأمـم لحوقهـا
والدين طرس .. وكل مجدٍ ينثني دونه يـراع=والعين مايصفا نظرها .. لين يصفـا نوقهـا
والمجد قلعه .. ساسها يُبنى بطوب الإجتمـاع=وثوابت الأمـه درر .. واسلامهـا صندوقهـا
وكلّش يهون .. ألا الكرامه لاتـداس ولاتبـاع=أمّـه بلياهـا عـبـاةٍ ماتـخـاط افتوقـهـا
وأكبر دليل أن التخلي عـن مبادينـا ضيـاع=وأن الزمن كفيل يظهـر للرجـال افروقهـا :
صرنا بعد كانـت أوامرنـا ليـا قلنـا تطـاع=جنايـزٍ رز الزمـن نصايبـه مـن فوقـهـا
http://www.youtube.com/watch?v=VVYzJo8K3Pc
ماعاد باقي للقصيده غيـر نظـرات الـوداع=يافكر سقها والزمـن بيـن الرجـال يسوقهـا
والله لجنّبها عـن الـزلات ودروب الضيـاع=وأني لحفظ حقوقها مادمت اعْـرف حقوقهـا
وأن كان ماتروي ضمى عطشا ولاتشبع جياع=ماني وأنـا راكـان عاشقهـا ولا معشوقهـا
سمْت سمْت لين اجزمت بأن البسيطه دون قاع=وراحت سواة الغيمـه اللـي تستلـج ابروقهـا
لها من العين ومـن الإذْن النظـر والإستمـاع=ومن العقول أهل الفكر وأهل المـروّه ذوقهـا
والها علي اروي عطشها فكر .. قدر المستطاع=عهدٍ على نفسي وأنا عيـب العهـود أبوقهـا
وأن كان ماتحمل هموم أمّـه ولاحـل النـزاع=لاهيب من طرقـي ولانـي بـادعٍ طاروقهـا
سلام منّي ياأمّة الإسـلام فـي شتـى البقـاع=يا أمـةٍ تِقهـر وتَضحـك للعـداه اشدوقهـا
تشبّعت بالذل ليـن أحساسهـا بالنصـر مـاع=ولا صمد فيها لو أنّه عـرقٍ امـن اعروقهـا
وتغلغلت فيها ثقافة " عش ترى الدنيا متـاع "=حتى تلاشـى فعلهـا بعـد اتسـاع حلوقهـا
أليا متى ووجيهنا تدمـن علـى لبـس القنـاع=ورغـم المذلّـه ألسنتنـا تفخـر بمنطوقـهـا
وأليا متى وجروح الأمّـه كـل يـومٍ باتسـاع=وحنّا نعْرف أن كـل يـدٍ يـد ربـي فوقهـا
وأليا متى وأفضل وسيله للهجوم أنـك دفـاع=وأليا متى طعم الخسـاره كـل يـوم انذوقهـا
احقوق الأعداء تنتزعها أعدائنا غصب انتـزاع=وحنّا أمّةٍ عجزت تجيب احقوقها مـن عوقهـا
ياليتها تاخذ مـن الماضـي وقـود الإندفـاع=يوم الفعـل يحمـا مواردهـا ويحمـا نوقهـا
ويوم الخطر لامن تقدّم شبر تمشـي لـه ذراع=وأرواحها لادندن الحـرّاب يرخـص سوقهـا
هناك .. ماسادت سياسات القهـر والإنصيـاع=وهناك .. كان النصر للأمّه هو أعظم شوقهـا
مايبعث أمجاد الشعوب الها سوى القلب الشجاع=وأصعب من إفلاتت مكانـات الأمـم لحوقهـا
والدين طرس .. وكل مجدٍ ينثني دونه يـراع=والعين مايصفا نظرها .. لين يصفـا نوقهـا
والمجد قلعه .. ساسها يُبنى بطوب الإجتمـاع=وثوابت الأمـه درر .. واسلامهـا صندوقهـا
وكلّش يهون .. ألا الكرامه لاتـداس ولاتبـاع=أمّـه بلياهـا عـبـاةٍ ماتـخـاط افتوقـهـا
وأكبر دليل أن التخلي عـن مبادينـا ضيـاع=وأن الزمن كفيل يظهـر للرجـال افروقهـا :
صرنا بعد كانـت أوامرنـا ليـا قلنـا تطـاع=جنايـزٍ رز الزمـن نصايبـه مـن فوقـهـا