خميس بن علي الحوسني
07-22-2008, 07:52 PM
أول قصائدي المتواضعة أضعها بين أيديكم.....
أبا أوْصلّه طويل العمر لو دونه صفوف جنود=أبا أحكي له عن الشايب وعن مستقبل عياله
عن اللي ما يهاب الا إلهٍ واحدٍ معبود=عن اللي كد من يومه وأجره ما بعد ناله
عن اللي معتلي شانه وراسه شامخٍ كالطّود=أبويه اللي معلمني حسن الأخلاق بأفعاله
قضى التسعين من عمره ولا لهْ في وطنْه حدود=على كتفه حمل همٍ جبل (افرست) ما شاله
حياته مالها معنى مدام أن الدرب مسدود=يمر أكبر شنب جنبه ولا ينشد عن أحواله
وغيره ياصل القمّة ولا يبذل لها مجهود=لأن النفس ميّاله مع اللي يجيب موّاله
نفوس الناس ما تقنع تبا فوق العطايا زود=وكلٍ بانيٍ قدره حسب ما تدفع أمواله
فكيف اللي ردي حظّه يعيش فعالمه مقرود=إذا كل الذي حوله هياكل ناس محتاله
سباع الدار مستاءه وجيران النشاما هنود=وشوق الذيب ما يخمد يبا عمّه ويبا خاله
طلبت العلم يا أهْل العلم يوم أن البقايا رقود=وأثاري العلم ما ينفع فوقتٍ غالب هباله
قسم بالله من صغري أداري العيب والمنقود=ولا أرضى الناس تحكيبي وصير امْبينهم عاله
أنا يا سيّدي رجلٍ وعند النايبه معدود=ولي وقفت شجاعٍ ما ارتخت في ضيقته حباله
طويل العمر ماجيتك بليّا دافعٍ وشهود=على القانون والقانون ما يحمي سوى رجاله
رحل زايد يا بوخالد وأشوفه بيننا موجود=إذا أنّي شفتك قبالي كأني جالس قباله
ذخر شعبك هبة ربّك ونورٍ فالليالي السود=شبل زايد شبه زايد ورثته بكامل خصاله
عريب الجد أبيض يد وقفت وماقفك مشهود=زعيم الغد ند الضد نظره منك تغتاله
بحر ممتد جزر ومد يسابق في عطاه النّود=بشوش الوجه بسمه منك تسر المشتقي باله
كريم الساس شديد الباس سياسي فارسٍ جلمود=حكيم أقوال طيب أفعال كل الناس تسعاله
وأنا من ظمنهم جيتك وعندي دافعٍ وشهود=على القانون والقانون ما يحمي سوى رجاله
أرجوا أن تنال على إعجابكم
أبا أوْصلّه طويل العمر لو دونه صفوف جنود=أبا أحكي له عن الشايب وعن مستقبل عياله
عن اللي ما يهاب الا إلهٍ واحدٍ معبود=عن اللي كد من يومه وأجره ما بعد ناله
عن اللي معتلي شانه وراسه شامخٍ كالطّود=أبويه اللي معلمني حسن الأخلاق بأفعاله
قضى التسعين من عمره ولا لهْ في وطنْه حدود=على كتفه حمل همٍ جبل (افرست) ما شاله
حياته مالها معنى مدام أن الدرب مسدود=يمر أكبر شنب جنبه ولا ينشد عن أحواله
وغيره ياصل القمّة ولا يبذل لها مجهود=لأن النفس ميّاله مع اللي يجيب موّاله
نفوس الناس ما تقنع تبا فوق العطايا زود=وكلٍ بانيٍ قدره حسب ما تدفع أمواله
فكيف اللي ردي حظّه يعيش فعالمه مقرود=إذا كل الذي حوله هياكل ناس محتاله
سباع الدار مستاءه وجيران النشاما هنود=وشوق الذيب ما يخمد يبا عمّه ويبا خاله
طلبت العلم يا أهْل العلم يوم أن البقايا رقود=وأثاري العلم ما ينفع فوقتٍ غالب هباله
قسم بالله من صغري أداري العيب والمنقود=ولا أرضى الناس تحكيبي وصير امْبينهم عاله
أنا يا سيّدي رجلٍ وعند النايبه معدود=ولي وقفت شجاعٍ ما ارتخت في ضيقته حباله
طويل العمر ماجيتك بليّا دافعٍ وشهود=على القانون والقانون ما يحمي سوى رجاله
رحل زايد يا بوخالد وأشوفه بيننا موجود=إذا أنّي شفتك قبالي كأني جالس قباله
ذخر شعبك هبة ربّك ونورٍ فالليالي السود=شبل زايد شبه زايد ورثته بكامل خصاله
عريب الجد أبيض يد وقفت وماقفك مشهود=زعيم الغد ند الضد نظره منك تغتاله
بحر ممتد جزر ومد يسابق في عطاه النّود=بشوش الوجه بسمه منك تسر المشتقي باله
كريم الساس شديد الباس سياسي فارسٍ جلمود=حكيم أقوال طيب أفعال كل الناس تسعاله
وأنا من ظمنهم جيتك وعندي دافعٍ وشهود=على القانون والقانون ما يحمي سوى رجاله
أرجوا أن تنال على إعجابكم