مع المختلف يخلف وضعنا غير ** مصافحه **

[هيام الشمري]

شلونكم أعضاء

المختلف

حبيت أقد لكم مصافحه متواضعه أتمنى تروق لكم

وأعذروني لأني مرشحه اليوم :p وماقدرت أثبت الوزن

أخليكم مع النص



مع المختلف يختلف وضعنا غير=نكتب أعذب أحلا الشعر وأصدقه
أرسم شموخ الشوق أقطف نواوير=بنت الطنايا شمسي اليوم أشرقه
أهيم في بحري وأحافظ على السير=ما اميل لو مالت خطوط الأطرقه
ماهمني بعض البشر والمشاهير=أكبر همومي بين دفتر وورقه
جيت أصافح والمصافح له مسير=خوذوا عهد بنت الطنايا بحلقه
ومع المختلف يختلف وضعنا غير=نكتب أعذب أحلا الشعر وأصدقه

وسلامتكم

هيام الشمري

[ناصرمحمدالأيداء]

بدايه وتجربه جميله ياهيام والقادم

أجمل وأنا متأكد والله يوفقك


وتقبل تحياتي

[محمد بن عجيل الهاجري]

هيام الشمري ونعم في الطنايا شمر نص جميل الله يوفقك

[سامي بن علي الجوير]

ابداع والى الامام

تجربة جديده وكلنا مررنا في هذه المرحلة الاخت هيام اتمنى ان ترجعي التفعيلات الشعرية الموجوده في كل منتدى مثبت صدقيني مسألة وقت والوزن بيكون بيدينك النصيحه اهداء وليست فلسفه .....

تستاهلين كل خير ويبدو ان لديك جرس موسيقي ينقصة الوزن فحياك بين اخوانك لكي تفيدي وتستفيدي

تقبلي مروري

[شاعرة زماني]

أهيم في بحري وأحافظ على السير
ما اميل لو مالت خطوط الأطرقـه
ماهمني بعض البشر والمشاهيـر
أكبر همومي بين دفتـر وورقـه


صح السانك ياهيام والله لايحرمنا من جديدك

وكلنا بالمختلف غير ومختلفين عن الغير

[خالد بن جغيثم]

هيام الشمري

صح السانك ونعم والله في بنت الطنايا يكفي انك من لابة لها مكانتها في الجزيرة العربية

ومصافحة مشرفة والله لايحرمنا من جديدك وابداعك وتميزك وفكرك ياهيام

وقصيدة تعتبر وسام للمنتدى والاعضاء ومنها الى الاعلى

وتقبل تحياتي وتقديري لك

اخوك

[منصور البقعاوي]

صح لسانك يــا هــيــام
يبدو اننا على موعد مع الإبداع المختلف منك في المختلف


سلامتك وماتشوفين شر

[عمربن عجرف الشمري]

صح السانج اختي هيام
ماهمني بعض البشر والمشاهيـر
أكبر همومي بين دفتـر وورقـه
جيت أصافح والمصافح له مسيـر
خوذوا عهد بنت الطنايـا بحلقـه




تقبلي مروري


اخوج


عمربن عجرف الشمري