شيــلة / البارحة ربـي كتب لي ومريت .. .. دربٍ عليه بروق الأحباب لاحت

[سلامه العايد]

بسم الله الرحمن الرحيم

السلام عليكم ورحمة الله وبركاته

هذه القصيدة من روائع الشاعر .. / محمد بن فطيس .. / وأداء هذه الشيلة .. / سعود الفايز




البارحة ربـي كتب لي ومريت
دربٍ عليه بروق الأحباب لاحت

..

جيت المكان اللي جمعنا وخفيت
وقامت جروحي للجوارح وصاحت

..

ياليتني في لفة الدرب زليت
كان العيون مـن الدموع استباحـت

..

التم غيـم الدمع من يوم لفيت
ورقا القصيد لشوفة الغيم ناحت

..

وضحكت ما أبغي الناس تدري يبالفيت
لكنها غصبٍ على العين ساحت

..

حارت دموعي في عيوني وصديـت
وأرمشت مابيها تبيـن وطاحـت

..

وعقبه برق في العين براق واسقيت
خدي ووناتي بصدري تلاحت

..

وأنا أحسب إني في فراقه تشافيت
وان عبرتي من مدخل الزاد زاحت

..

اللي يحسب إني على البعد سجيت
والا ان عيوني للرقاد استباحت

..

ياليتني من قبل لا أحبه اقفيت
والا ان دروبي عن دروبه تناحت

..

أهون علي من البكا والتناهيت
وأشلا من سدودٍ على الناس باحت

..

عرفت كيف الحي يفرق عن الميت
وعرفت قيمة نعمتي يوم راحت

..

قولوله اني عقـب بعده تدانيت
ورجلي عن دروب المعافين شاحت

..

البعد نار وطاعـة العذل كبريـت
يقصر على بعده ترى الكبد فاحت



http://www.4shared.com/audio/_MOC-I9O/____.html

[سمو الحرف]

تسلم ياسلامه لاهنت
ابن فطيس شاعر مميز وراقي
والشيله ذوق
ودي

[نسناس الهوى]

وعليك السلام ورحمة الله وبركآته..

روعه هالقصيده ياخوي.. لاهنت ع الطرح

واسمح لي اضع هاالمقطع..

http://www.youtube.com/watch?v=SeulySLZaM4&feature=related