أحمد العكشان
09-07-2008, 07:24 AM
http://www.abohassan.net/images/oyster2.jpg
(( شــرار اللــول ))
الخيال اجمل من الواقع وانا املك خيال=لاسرابي كل صوره تجعل الواقع حرير
امسح اجروحي تفائل وابتسم في كل حال=مابكيت الا على فقدان والدنا الكبير
يايبه شفني كبرت وصرت من روس الرجال=مايعذربني كريم ولايرافقني حقير
ماخذيت من الحياه اسراب والدنيا منال=الطموح ان زاد حده لايجار ولايجير
غايتي الحق مداها لو يقال البعد طال=حكمتي لايأس حتى ينتهي حد المسير
احشم الكلمه واثمن جملتي فيما تقال=ماصغر في عيني إلا من يشوف اني صغير
من رقا فوق الجبل شاف القمم فوق الجبال=ماحقره الا صغيرٍ نظرته في قاع بير
هيه ياللي تحتميلي بالتشائم والهبال=كل ماقلت استوت لي قلت لا يمكن تصير
البطوله ماوصلها غير ذربين الفعال=وانت لاوالله خلك في رجا حبلٍ قصير
لو تشوف البدر كامل قلت لله الكمال=كيف صور أنس يضوي في ظلامي مستنير
كان تفهم ليش اعاند لو تقول الحظ مال=لبا كلمت شد حيلك من شفاه الزين غير
ياعذابي ياشرار اللول يادم الغزال=ملمس ابهامي وأكثر بس في شيٍ يسير
وردتينك بالخجل تضوي ولو من خلف شال=ياشعاع النور وجهك ياصباحٍ فيه خير
يارموش العين ياللي في محاجرها ظلال=ياسوادٍ في بياضٍ يابياضٍ في جفير
سلة السيف الصغيره مايشابها مثال=حاجبينك والجبين اقواس والغره تطير
ليلك المنثور هذا ليل من سود الليال=استخير امن الوصايف ياحبيبي استخير
يوه يابعض الوصايف لاحرام ولاحلال=فوق هذا يالحبيبه شاعرك جدٍ يغير
والله انك في عيوني من يمين ومن شمال=ماوصفتك في خيالي لجل اقول اني مثير
لكن احيان الاجابه تنطلق قبل السؤال=ويمكن احيان السؤال اقوى من السيف الشطير
صورتك احلا من التصوير والواقع جمال=يختلف ظني وشوفي والمعاني تستدير
((الخيال اجمل من الواقع وانا املك خيال))=والحقيقه عكس ذلك واقعك احلا كثير
(( شــرار اللــول ))
الخيال اجمل من الواقع وانا املك خيال=لاسرابي كل صوره تجعل الواقع حرير
امسح اجروحي تفائل وابتسم في كل حال=مابكيت الا على فقدان والدنا الكبير
يايبه شفني كبرت وصرت من روس الرجال=مايعذربني كريم ولايرافقني حقير
ماخذيت من الحياه اسراب والدنيا منال=الطموح ان زاد حده لايجار ولايجير
غايتي الحق مداها لو يقال البعد طال=حكمتي لايأس حتى ينتهي حد المسير
احشم الكلمه واثمن جملتي فيما تقال=ماصغر في عيني إلا من يشوف اني صغير
من رقا فوق الجبل شاف القمم فوق الجبال=ماحقره الا صغيرٍ نظرته في قاع بير
هيه ياللي تحتميلي بالتشائم والهبال=كل ماقلت استوت لي قلت لا يمكن تصير
البطوله ماوصلها غير ذربين الفعال=وانت لاوالله خلك في رجا حبلٍ قصير
لو تشوف البدر كامل قلت لله الكمال=كيف صور أنس يضوي في ظلامي مستنير
كان تفهم ليش اعاند لو تقول الحظ مال=لبا كلمت شد حيلك من شفاه الزين غير
ياعذابي ياشرار اللول يادم الغزال=ملمس ابهامي وأكثر بس في شيٍ يسير
وردتينك بالخجل تضوي ولو من خلف شال=ياشعاع النور وجهك ياصباحٍ فيه خير
يارموش العين ياللي في محاجرها ظلال=ياسوادٍ في بياضٍ يابياضٍ في جفير
سلة السيف الصغيره مايشابها مثال=حاجبينك والجبين اقواس والغره تطير
ليلك المنثور هذا ليل من سود الليال=استخير امن الوصايف ياحبيبي استخير
يوه يابعض الوصايف لاحرام ولاحلال=فوق هذا يالحبيبه شاعرك جدٍ يغير
والله انك في عيوني من يمين ومن شمال=ماوصفتك في خيالي لجل اقول اني مثير
لكن احيان الاجابه تنطلق قبل السؤال=ويمكن احيان السؤال اقوى من السيف الشطير
صورتك احلا من التصوير والواقع جمال=يختلف ظني وشوفي والمعاني تستدير
((الخيال اجمل من الواقع وانا املك خيال))=والحقيقه عكس ذلك واقعك احلا كثير