فلاح بن مبخوت العجمي
09-09-2008, 12:45 PM
السلام عليكم ورحمة الله وبركاته
احب ان ابارك لكم الشهر الفضيل
واحب ان اشكر اخي الشاعر
احمد العكشان
على تقديم الدعوه
المصافحه الأولى لي هنا
وهذه القصيده اللتي شاركت بها في برنامج شاعر المليون3
وتمت اجازتي لمرحلة ماقبل ال48
واتمنى من الله التوفيق والنجاح
ملح الحياه
تقدمنا بذكر الله.. نعد امـن القصيـد إجـزال
على حد النظر قمه وانـا مـن عـام خابرهـا
سرجت احصان..مايفحم..ولايقصر مع الخيـال
سواده ليل واوصافـه تبيـض وجـه ذاكرهـا
كحيلاني..أغر..أمحجل..أمضمر..عليه إجـلال
على قد النوا يصمل من اولهـا الـى آخرهـا
اسميه البحر..واضرب على مد السهول اجبـال
كذا عزم الرجال افعـال لاهاضـت مشاعرهـا
بديت وغايتي لجل الوطن والديـن والأجيـال
بديت ورحلتي صعبه ولا ادري وش مخاطرهـا
اخذت السيف من صدق الحديث وموقف الأبطال
واخذت الدرع من نقدي على الفكره وشاعرهـا
واخذت الرمح للدقه..أصـوب كلمتـي بمثـال
وآحارب فتنة الشهـره ولـو زانـت منابرهـا
تعالي يالهجوس افواج ..ذا مخرج وذا مدخـال
بصور لزمن صـوره تعيـش بعيـن قابرهـا
تموت احلام هالعالم ولا تبقـى كمـا التمثـال
ياصغر الأرض في نبض الشعور اللي مهاجرها
صحيح إن الأمل يكبر..يزيد من الظلال اظـلال
كذلك نار فـي جنبـه تشـب ابمـا يجاورهـا
ماطاح الياس لو مره ولا طاح ابسببه إرجـال
ولـو دارت رحـاه وكملـت نـاره مجازرهـا
معارك مع بني الانسان حسب الحل والترحـال
هنا نخسر..هنا نقطـع لعيـن الـذل دابرهـا
هنا قوه..هنا نصنع رجـال المـال والأعمـال
هنا تشهد لنـا الدنيـا بماضيهـا وحاضرهـا
تعال ودقق النظره وشوف الحال بآيـة حـال
جلد واجهاد وامكافح مـع افقرهـا وتاجرهـا
ابـد مانلتفـت لهـل الكـلام الميـت البطـال
على باب التشائم جـاك صاغرهـا وكابرهـا
ترا ملح الحياه افعال يوم ان الرجـال أشكـال
ولاضاقـت علـى مسلـم ولاعـدد خسايرهـا
يسايرها يجاهدها ..يحط آمـال فـوق آمـال
ياكبر الأرض في نبض الشعور اللي يسايرهـا
وآنا والحلم ..والواقع..على نفس البحر والجال
على نفس المضيق اتضيق ..ماضاقت معابرها
يقولون الرجال أحظوظ..قلت إن الرجال أفعـال
يقولون الخشوم اتباس..قلت اقطـع مناخرهـا
توكلنا على الله وحده..بأمـره يطيـب الفـال
فلاننظر عيـون النـاس لاطاحـت نواظرهـا
تثقفنا بعلـم الشايـب اللـي جـرب الأهـوال
فـلا ناكـل بإيـد الغير..طايلهـا وقاصرهـا
ولا ناكل بأسم الجد لامن قيـل هـو مـن..آل
وإذا بك خير..خل أحفادك اتجاهـر حناجرهـا
ولا نطلب حدٍ فزعه ولـو إن الحمـول إثقـال
إذا ماجات من ربعي مارحت أكشف سرايرهـا
ولا نقحم عزاوينا على ايـة حـال ولا أهبـال
وإلا حامت سما..حمنا على حومـة كواسرهـا
ولا نجهل حـدود السلم..والعيّـال لـه عيّـال
ولا ناكل حقـوق النـاس مسلمهـا وكافرهـا
هذاك المجد وانواره..هذاك الحـزن والأطـلال
هـذاك الشـرع والمله..نواهيها..أوامـرهـا
كذا حال الدروب انواع..مايصمل سوا الرجـال
وآخير الخلق عند الله ..مجاهدهـا وصابرهـا
وانا ويا البحر ذالليل في راس الجبـل نجتـال
عساه إيقال صح إلسـان شاعرهـا وناشرهـا
احب ان ابارك لكم الشهر الفضيل
واحب ان اشكر اخي الشاعر
احمد العكشان
على تقديم الدعوه
المصافحه الأولى لي هنا
وهذه القصيده اللتي شاركت بها في برنامج شاعر المليون3
وتمت اجازتي لمرحلة ماقبل ال48
واتمنى من الله التوفيق والنجاح
ملح الحياه
تقدمنا بذكر الله.. نعد امـن القصيـد إجـزال
على حد النظر قمه وانـا مـن عـام خابرهـا
سرجت احصان..مايفحم..ولايقصر مع الخيـال
سواده ليل واوصافـه تبيـض وجـه ذاكرهـا
كحيلاني..أغر..أمحجل..أمضمر..عليه إجـلال
على قد النوا يصمل من اولهـا الـى آخرهـا
اسميه البحر..واضرب على مد السهول اجبـال
كذا عزم الرجال افعـال لاهاضـت مشاعرهـا
بديت وغايتي لجل الوطن والديـن والأجيـال
بديت ورحلتي صعبه ولا ادري وش مخاطرهـا
اخذت السيف من صدق الحديث وموقف الأبطال
واخذت الدرع من نقدي على الفكره وشاعرهـا
واخذت الرمح للدقه..أصـوب كلمتـي بمثـال
وآحارب فتنة الشهـره ولـو زانـت منابرهـا
تعالي يالهجوس افواج ..ذا مخرج وذا مدخـال
بصور لزمن صـوره تعيـش بعيـن قابرهـا
تموت احلام هالعالم ولا تبقـى كمـا التمثـال
ياصغر الأرض في نبض الشعور اللي مهاجرها
صحيح إن الأمل يكبر..يزيد من الظلال اظـلال
كذلك نار فـي جنبـه تشـب ابمـا يجاورهـا
ماطاح الياس لو مره ولا طاح ابسببه إرجـال
ولـو دارت رحـاه وكملـت نـاره مجازرهـا
معارك مع بني الانسان حسب الحل والترحـال
هنا نخسر..هنا نقطـع لعيـن الـذل دابرهـا
هنا قوه..هنا نصنع رجـال المـال والأعمـال
هنا تشهد لنـا الدنيـا بماضيهـا وحاضرهـا
تعال ودقق النظره وشوف الحال بآيـة حـال
جلد واجهاد وامكافح مـع افقرهـا وتاجرهـا
ابـد مانلتفـت لهـل الكـلام الميـت البطـال
على باب التشائم جـاك صاغرهـا وكابرهـا
ترا ملح الحياه افعال يوم ان الرجـال أشكـال
ولاضاقـت علـى مسلـم ولاعـدد خسايرهـا
يسايرها يجاهدها ..يحط آمـال فـوق آمـال
ياكبر الأرض في نبض الشعور اللي يسايرهـا
وآنا والحلم ..والواقع..على نفس البحر والجال
على نفس المضيق اتضيق ..ماضاقت معابرها
يقولون الرجال أحظوظ..قلت إن الرجال أفعـال
يقولون الخشوم اتباس..قلت اقطـع مناخرهـا
توكلنا على الله وحده..بأمـره يطيـب الفـال
فلاننظر عيـون النـاس لاطاحـت نواظرهـا
تثقفنا بعلـم الشايـب اللـي جـرب الأهـوال
فـلا ناكـل بإيـد الغير..طايلهـا وقاصرهـا
ولا ناكل بأسم الجد لامن قيـل هـو مـن..آل
وإذا بك خير..خل أحفادك اتجاهـر حناجرهـا
ولا نطلب حدٍ فزعه ولـو إن الحمـول إثقـال
إذا ماجات من ربعي مارحت أكشف سرايرهـا
ولا نقحم عزاوينا على ايـة حـال ولا أهبـال
وإلا حامت سما..حمنا على حومـة كواسرهـا
ولا نجهل حـدود السلم..والعيّـال لـه عيّـال
ولا ناكل حقـوق النـاس مسلمهـا وكافرهـا
هذاك المجد وانواره..هذاك الحـزن والأطـلال
هـذاك الشـرع والمله..نواهيها..أوامـرهـا
كذا حال الدروب انواع..مايصمل سوا الرجـال
وآخير الخلق عند الله ..مجاهدهـا وصابرهـا
وانا ويا البحر ذالليل في راس الجبـل نجتـال
عساه إيقال صح إلسـان شاعرهـا وناشرهـا