صقار الجزيره
09-11-2008, 03:06 AM
القيض طرف هبهب البرد ياعيد=وزاد الحنين لدار وافين الاشبار
لا يا عميلي دنلي بندك الصيد=كمل زهابك يافتى وقتنا صار
وشيل اللذي تالق عليه التحاميد=فرخ الحرار اللي نشا بعش سنجار
وحرص على السيقان من سطوة القيد=توه وحش يجلس على كف صقار
اشقر عديم وبارز الراس والجيد=كنه زعيمٍ باغي الحرب والثار
صافي عمد مابه دقوق وملاهيد=ساقه قصير وضافي الريش حدار
نبني عليه آمال ذبح الشواريد=لامن تفرق اول الجول لاطار
نبي الجزيره آخرٍ ليلة العيد=بالغردقيه نزلنا اول الدار
فيها القطا يملي فياضٍ من البيد=اليا صفق جنه طرف عج وغبار
فيها الحباري جازياتٍ مباعيد=بارضٍ خليه عن نظر كل سيار
بفياض شيحٍ تجعد الروح وتعيد=تشوف جرات الحباري على الطار
جنه وشم بزنود بنت الاجاويد=الجادل اللي تودع العقل يحتار
برزلهن ياعيد من يودع الصيد=كنه معارة جيش من عقب الاخطار
وليا غشانا الليل عدنا مجاهيد =شبيت ضون يجذب الضيف والجار
ارجي عليها دلتن هيلها زيد=تجعد خوي الراس من بعد الاسفار
قلط عشانا يابعد كل رعديد=عقب العشا تبدا القصايد والا خبار
هذي حلاة العمر ثبت ٍوتوكيد=اخير من حبس النفس بين الاسوار
واكرم من اللي يسكن براج مدريد=مايسمع إلا حس طبلٍ ومزمار
اشوف بالمقناص عزٍ وتمجيد=وصبرٍ على الشدات لا صار ماصار
لا يا عميلي دنلي بندك الصيد=كمل زهابك يافتى وقتنا صار
وشيل اللذي تالق عليه التحاميد=فرخ الحرار اللي نشا بعش سنجار
وحرص على السيقان من سطوة القيد=توه وحش يجلس على كف صقار
اشقر عديم وبارز الراس والجيد=كنه زعيمٍ باغي الحرب والثار
صافي عمد مابه دقوق وملاهيد=ساقه قصير وضافي الريش حدار
نبني عليه آمال ذبح الشواريد=لامن تفرق اول الجول لاطار
نبي الجزيره آخرٍ ليلة العيد=بالغردقيه نزلنا اول الدار
فيها القطا يملي فياضٍ من البيد=اليا صفق جنه طرف عج وغبار
فيها الحباري جازياتٍ مباعيد=بارضٍ خليه عن نظر كل سيار
بفياض شيحٍ تجعد الروح وتعيد=تشوف جرات الحباري على الطار
جنه وشم بزنود بنت الاجاويد=الجادل اللي تودع العقل يحتار
برزلهن ياعيد من يودع الصيد=كنه معارة جيش من عقب الاخطار
وليا غشانا الليل عدنا مجاهيد =شبيت ضون يجذب الضيف والجار
ارجي عليها دلتن هيلها زيد=تجعد خوي الراس من بعد الاسفار
قلط عشانا يابعد كل رعديد=عقب العشا تبدا القصايد والا خبار
هذي حلاة العمر ثبت ٍوتوكيد=اخير من حبس النفس بين الاسوار
واكرم من اللي يسكن براج مدريد=مايسمع إلا حس طبلٍ ومزمار
اشوف بالمقناص عزٍ وتمجيد=وصبرٍ على الشدات لا صار ماصار