جــاري الإرســال ... [الأرشيف] - منتديات المختلف افضل منتدى ادبي اكبر تجمع للشعر والشعراء

عبدالعزيز الحربي

04-22-2011, 06:54 PM

بسم الله الرحمن الرحيم

أعضـاء وزوّار منتديات المختلف :

الســــلام عليكــــم ورحمـــــة اللـــه وبركــاتـــــه ..

يســرني أن أفـتتح هــذه المدوّنـه الخـاصّـه - في هذا المنتدى الراقي - وأتمنــى أن تجــدوا ما يسرّكــم هــنا .

حيث سيكـون - بمشيئة الله تعالى - حـديث أخيكـم: أبـو عمر (شعـراً) ..
أي أنني سأخاطـب العضو أو الزائر (المتلقّي) , عن طريق الشعر ,

ولست ممن يحبون تمجيد أنفسهم ..

لــذلك سأبـدأ حـديثي الشعــري وأترك للقـاريء الكـريم حريّـة المتابعـه والنقــد .

وارحّـب بأي رأي أو ملاحظة أو نقـد , بشرط أن يكون النقـد في مكانـه , وليس اي كلام .

وتقبّلــوا تحــيات وتقــديـر أخوكــم : أبـو عمـر .

عبدالعزيز الحربي

04-22-2011, 07:31 PM

سجّلت عضويّتي بالموقع الراقي=المختلف في مهمّاته وتنظيمه
أببذل الجهد والله عنده الباقي=وكلِِّ يقدّم ويحصد زرع تقديمه

عبدالعزيز الحربي

04-22-2011, 11:38 PM

أكرم كريم وتملكه مثل ما قيل ... واكرم لئيم وشوف كيف ايتمرّد
بعض البشر مسكين بالحيل بالحيل ... الياشكرته من حياه ايتجرّد
واللي يمثّل قصة الطيب تمثيل ... يكشف ويصبح بين ربعه يطرّد
الشكّ مثل النار جمله وتفصيل ... لشبّ في راعيه صعب ايتبرّد
والحقد ماسر أبرهه صاحب الفيل ... اللي بغزو البيت يبغى ايتفرّد
واللي قضى على أبرهه طير أبابيل ... مقرود واللي معه ناسٍ مقرّد

عبدالعزيز الحربي

04-22-2011, 11:55 PM

في رحلتي شفت كل أنواع خلق الله .... الطيّب المحترم واللي على عكسه
مـار الـوفــا مابغـيت ألقـاه مـن قـلّــه .... الوضـع مقـلوب والافـكــار منتـكـسه
واللي بقلـبـه غلـيـل ومهـلـكـه غـلّـه .... أردى من اللي قضى عليه باتكسه
يقطعـك يارفقـةٍ ماهـي علـى الملّـه .... تقول رفقة خطاب الفاكس مع فاكسه

_______________________________

(( تقول رفقة خطاب الفاكس مع فاكسه ))

عبدالعزيز الحربي

04-22-2011, 11:56 PM

هذا زمانٍ فيه خلط القضايا ..... عجّ الردا عكّر مزاج الشريفين
فيه الأمور العوج تهدى هدايا ..... وفيه العداله تنشرا بالملايين
وفيه المخازن بالمطامع ملايا ..... وفيه العوارف بالنصايح شحيحين
ثوب الوفاء لبسه خبيث النوايا ..... والغدر ثوبه لبّسوه الوفيين

عبدالعزيز الحربي

04-22-2011, 11:59 PM

بركان حبك تفجّر داخل عروقي ..... لين الظمير أرتوى من نار بركانك
يامالك القلب عطني كامل حقوقي ..... ماتدري أني هجرت الناس من شانك

عبدالعزيز الحربي

04-23-2011, 12:04 AM

عطني مواثيق المحبّه وانا أعطيك ..... ميثاق حبٍٍّ مستحيل التراجع
لعلّ من حاول عن الصدق يثنيك ..... يندم على فعله ويأثم وياجع
تكفـا ترا ماعـاد لي حيلـةٍ فيـك ..... أخاف يفجعني من الهمّ فاجع

عبدالعزيز الحربي

04-23-2011, 12:10 AM

طيارة أشواقي على موعد إقلاع......طيّارها قلبي وركّابها أشواق
كشّافها الضوئي تقل برق لمّاع.......أخيلها بالجو مزنه وبرّاق

عبدالعزيز الحربي

04-23-2011, 12:11 AM

غيرك مكانه خارج الجسم برا ...... مثله مثل غيره من الناس الآخرى
أما أنت في داخل فؤادي تذرا ...... ولك في ضميري ألف ذكرى وذكرى
مافيه أحد على غلاك يتجرا ...... معزتك في داخل القلب كبرى

عبدالعزيز الحربي

04-23-2011, 12:12 AM

الحب والشوق والتقدير والفرحه......جمعتهن كلهن وارسلتهن يمك
غلاك يصعب عليّه وصفه وشرحه......بس الأكيد أني بعينيني أضمك

عبدالعزيز الحربي

04-23-2011, 12:13 AM

ألا ياكبر هقواتك ياراع البشت والبرده.....تبا تنطح جموع الهمّ في مجهودك الفردي
ترا ماهو غريب أن الأسد يشرد من القرده.....سباع الليل قدام الكلاب يعوّدن شردي
أشوف اللي طردك العام جيت اليوم مطّرده.....ياراع البشت والبرده تحقق حلمك الوردي

عبدالعزيز الحربي

04-23-2011, 12:16 AM

المنافق غاية أمره منافق باختصار......أجربٍ لو تلمسه مايطهّرك الغسل
ثابتٍ وقت السعه مايعرف الانهيار......باول الطابور وان قامت الحرب أنّسل
لو حلف بالله حلفه مايوخذ باعتبار......مثل مايحلف على الكذب بيّاع العسل

عبدالعزيز الحربي

04-23-2011, 12:18 AM

المال قطّاع الطرق يسرقونـه.......بس القصيد أظن من يسرقه دلخ
واللي يبيع الشعر منهو زبونه؟......ياناس ملّينا من النصب والصلخ
يامنتحل شكل الحرامي ولونه.......أنته وهو فراغ شرطه نقاط ألخ

عبدالعزيز الحربي

04-23-2011, 12:17 PM

الوصل واجب والمسافه بعيده=الله يعين اللي على الوصل شفقان
والشاعر اللي هرجته في قصيده=قضى حياته بين معنى وقيفان
شغله يقدّم للحبايب نشيده=ويزورهم عبر القصايد والالحان

عبدالعزيز الحربي

04-23-2011, 12:25 PM

حتى وانا اسولف تجيني هواجيس=واجاوب الهوجاس لو ماسألني
شفت الغرام اللي قتل عنتر وقيس؟=قتلني ومتّ وحييت وقتلني
كلّه سبب طفاقة النفس وابليس=والاّ وش اللي في غرامك شغلني؟

عبدالعزيز الحربي

04-23-2011, 12:34 PM

ياحظ منهو ذاق طعم السعاده=في جنّةٍ عرض السماوات والارض
والاّ ترا الدنيا هموم ونكاده=ألاّ لعبدٍ ودّه يصلّي الفرض
وان ماخذيت من الليال إستفاده=ذوّقك مقراض الدهر قوّة القرض
لكنّ طعني ياقويّ الإراده=اعزم على التوبه وباللي يجيك ارض

عبدالعزيز الحربي

04-23-2011, 10:37 PM

صدّ وتنكّر عقب ذيك الرفاقه=
ياليتني عن رفقتي ذيك خيّرت
اتلا العهد به يوم قطع العلاقه=
للغرب سيّر يوم للشرق سيّرت
قدمي طريق الخير واسع نطاقه=
ولياتغــيّر صاحـبـي ماتغــيّرت
طلعت سالم لو شعرت بحماقه=
مسّتني الطيره وانا ماتطيّرت
اللي علشانه كرهت الصداقه=
ألاّ صـداقـة واحـدٍ فـيـه نيّـرت
ماعـاد يحـزنّي جفـاه وفراقه=
فرقــاه عـيد وعقـبها ماتحيّرت
الله عطاني عقل فهم ولباقه=
اليابغـيت أخـتار صاحب تخيّرت

عبدالعزيز الحربي

04-23-2011, 10:56 PM

ياطول ليلي ياهوى البال طولاه=الفجر عيّا لايجي والقمر غاب
هذا الزمان اللي غريبه مزاياه=الرابح اللي يكتشف للفرج باب
ياللي تبي باب الفرج وين تلقاه؟=فكّر وجاوب قبل أسمّيك كذّاب!

عبدالعزيز الحربي

04-23-2011, 11:01 PM

الصبر مفتاح الفرج كيف تنساه؟=لاتغلق ألاّ بابٍ يجوز غلقه
وان ضاع صبرك دوّره لين تلقاه=وان مالقيته دوّره زين والقه
مايجلس المومن على حيد مركاه=ويقول ابي من كلّ الارزاق شلقه

عبدالعزيز الحربي

04-23-2011, 11:05 PM

جذبتلك من صافي الشعر حتّى:=أرواك واروى كلّ من جاك ضامي
مدح وغلا واعجاب وانواع شتّى=وازيدهن تحيّتي واحترامي
وتخفي حروفك ماعدا الواو والتّاء=حتّى كلامك مايوافق كلامي

عبدالعزيز الحربي

04-23-2011, 11:11 PM

مالقيت أكذب من الاعلام تلفاز وصحافه=الحقيقه شي واللي يذكرونه شي ثاني
مصدرٍ موثوق صرّح.. هاه يامصدر خرافه؟=ويش عندك غير تعقيد الشوش هي والاذاني؟
كل علمٍ تذكره تنسى وتعطينا خلافه=تلك حالات الكذوب اللي من الدوخه يعاني
دوخة الكذّاب ماهي من تعب والاّ كلافه=في نظام الكذب سرّك ينكشف باربع ثواني!
مدمنين الكذب من زود الحقاره والسخافه=في نظرهم كل خلق الله حروف بلا معاني!

عبدالعزيز الحربي

04-24-2011, 12:09 AM

قالوا فقير وقلت بالعكس تاجر=
تلقون في بنك القناعه رصيدي
ياهل الجواهر والذهب والبناجر=
المال زايد والمتاعب تزيدي
وش فايدة مالك لياصرت فاجر=
ناسي جهنّم والعذاب الشديدي
حاجرك عن روس المراقيب حاجر=
واصبحت في وحل المعاصي مريدي
وصفق المعاصي مثل طعن الخناجر=
وان قلّ أثرها مثل حذف الصعيدي
شد الرحال وشيل عفشك وهاجر=
من الطمان إلى العلا تستفيدي
الموت ساكن في حبال الحناجر=
أحسن ممات فراش والاّ شهيدي

عبدالعزيز الحربي

04-24-2011, 12:24 AM

بحثت عن كلمه تعبّر عن غلاك بداخلي=لكن غلاك بداخلي عجز اللسان يعبّره
أشتاقلك وارتاحلك وانته بعد ترتاحلي=يالله أنا طالبك مفجوع الفراق تصبّره
ياعيني اللي تذرفين الدمع عادي واصلي=أبكي بدون شروط مادام الامور مدبّره
أنا القتيل اللي لازلت أجهل ملامح قاتلي!=ياقاتلي كان الأمر صغير ليه تكبّره؟
قبست نارك في ضلوعي واحرقت مفاصلي=واليوم خبّر عنّي اللي مادرابي خبّره

عبدالعزيز الحربي

04-24-2011, 12:28 AM

لقيت لك في جسمي أربع جماهير=
الفكر والاحساس والشوف والسمع
إن غبت عني صار بالمخ تغيير=
ما ميّز القسمه من الطرح والجمع
وان جيت جتني كل فرحه بتعبير=
بالكشف والإشعاع والقدح واللمع
يامشغلٍ عندي جميع التفاكير=
شمعت قلبي فوق برج الهوى شمع

عبدالعزيز الحربي

04-24-2011, 12:37 AM

ياساكن القلب قلبك مسكن لقلبي=قلبك سكن قلبي وقلبي سكن قلبك
فيك الوفا إيجابي ومنك الردا سلبي=عنك الردا شدّ يوم الطيب نازلبك
ان كان لي حقّ عندك لاتماطلبي=شفني تحمّلت كل إيجابك وسلبك

عبدالعزيز الحربي

04-24-2011, 12:42 AM

نسيت سجّاتي علشان سجّه=أصلاً سبايب سجّتي كلها منك
ياليت صدري في يدينك تفجّه=حتى تأكد ان بالقلب مسكنك
القلب والتفكير يمّك توجّه=والعين حتّى في غيابك تعاينك!
ماعنك لا صدّه ولا عنك هجّه=يافرصتي بالعمر غصب اتحيّنك

عبدالعزيز الحربي

04-24-2011, 12:48 AM

عساك بالدنيا تعيش بسعاده=وبالآخره عساك في جنّة الخلد
يامن خذيت الطيب مذهب وعاده=لعلّ من عاداك للسجن والجلد
من رايي الشخصي عطيتك شهاده=في مثلكم لا تحمل أنثى ولا تلد

عبدالعزيز الحربي

04-24-2011, 12:53 AM

يا عــيـوني لا تهلّــيـن دمعـات الــوداع=لين مايبقى من الناس حـولك غـير أنـا
صار حزني راس حربه وانا قلب الدفاع=وان بدا الشوط النهائي تضاعف جهدنا
ياسلام الله على الذيـب من بــد السبـاع=لـو دنـت كـل السـبـاع وتـدنـّت مادنــا
لو يجرّ عواه إذا حـسّ بالغربـه وجـاع=بسّ عنده عزّة النفس هي ساس الغنى
منك ياسرحـان أخـذت الطبيعه باقتنـاع=والقنـاعـه كـنـزها كـنـز يـبـطـي مافـنا

عبدالعزيز الحربي

04-24-2011, 12:56 AM

ياهل الوفا والعرف يازين الكـلام الواقعـي=اللي يسرّ النفس ويعدّل مزاج المحترم
بعض الكلام الياسمعته ودّي اشيله معي=أقـدّره واقـدّر اللي فيه ينطـق ويحكـم
لاكن كلام الفارغين أنعى الذي قاله نعي=حيث العقول الفارغه متوفّيه منذ القدم
الفرق ماهو بالمؤهل ثانوي او جامعي=الفرق بعقول الآوادم واستلم يامستلم
حنّا نعرف الحنبلي ماهو عدوّ الشافعي=والمالكي وابو حنيفه كلّبوهم والنعـم
وحنّا نعرف مسيلمه كذّاب مهما يدّعي=وحنّا نعرف إبليس هو ساس المذمّه والندم

عبدالعزيز الحربي

04-25-2011, 10:55 PM

لا تغلا والتغلّي مايجوز=أنت من دون التغلّي لك مقام
أنت لو نافسك غيرك مايفوز=في سباق المعرفه والاحترام
تستحق المال كلّه والكنوز=وفوق ذلك تستحق أحلا سلام

عبدالعزيز الحربي

04-25-2011, 11:05 PM

أدري وبعض أحيان ماودّي أدري=لو قلت داري قلت ماني بداري
لا ناقصٍ حاجه ولا قلّ قدري=عاقل وهذا مقصدي واعتباري
أضحك واوسع بالسواليف صدري=التغطيه زينه والارسال جاري

عبدالعزيز الحربي

04-25-2011, 11:09 PM

العقل لايشرا ولاينتبدّل=أنصحك ياعاقل تدبّر وفكّر
ان كنت مخطي درب حاول تعدّل=وان كنت صاحب معرفه لاتنكّر
لو زاد ضغطك ضعت لو كنت مدّل=وان قلّ ضغطك تطعم الملح سكّر

عبدالعزيز الحربي

04-25-2011, 11:10 PM

لاضاق صدري وارتفع ضغط دمّي=دقّيت سلف ورحت يمّ المدينه
ثم انشرح صدري وفارقت همّي=وحسّيت بالراحه وطعم السكينه

عبدالعزيز الحربي

04-25-2011, 11:14 PM

وشلون ابسمع مطاليبه وانفذّها=لاصار مايعجبه فعلي ولا قولي
أنا أعرفه زين قبل الروح ياخذها=وهو ماعرف منّي ألا عرضي وطولي
روحي غريقه عسى الرحمن ينقذها=في بحر حبّه غرقت وغرقت سطولي

عبدالعزيز الحربي

04-25-2011, 11:24 PM

هلا باللي عيوني لاحظر قامت تهليبه=يفزّ القلب مع صوته وتفرحبه شراييني
وانا أفرح لاطلبني شي والبّي مطاليبه=وانا اسلّيه لاجاني علشانه يسلّيني
وله عندي هديّه غاليه بمناسبة طيبه=أقدّم له على حسن التعامل قلبي وعيني

عبدالعزيز الحربي

04-26-2011, 12:02 PM

البيت من دونك ظلام ومتاهه=ماتنفع اللمبه ولاينفع الكبس
عن غامض المعنى وزود اشتباهه=خذ واقعٍ مافيه شبهه ولا لبس
شفت القمر في منظره واتّجاهه؟=يعني غلا عبله قتل عنترة عبس

عبدالعزيز الحربي

04-26-2011, 12:09 PM

الغلا ماهو هلا يامرحبا=ولاله حروفٍ مع حروف الهجاء
عن وكالة (تجربه) رد النبا=الغلا شيٍٍّ إلى قلبي لجا
غير هذا العلم قلّي وش تبا؟=يكفي ان الياس يمحاه الرجا

عبدالعزيز الحربي

04-26-2011, 12:12 PM

ان كان قرّبت قرّب صح والاّ أبعد=البعد نوب يتحوّل قرب صدّقني
وان شفت مزن المصايب يبرق ويرعد=أبعد وقل كان لي اصحاب تلحقني

عبدالعزيز الحربي

04-26-2011, 12:15 PM

كل ماصدّيت عنها في جهه=التفت وليانّها قدمي تحوم
وان تكلّم طيفها صعب أسفهه=لازم أخذ معه واعطي بالعلوم

عبدالعزيز الحربي

04-26-2011, 12:17 PM

كل التقدّم وازدهار الحضاره=موجود لكن في حدود الفضيله
العلم يبغى مخّ فنّ وشطاره=والاّ الهبيله طول عمره هبيله
والحظّ رجوى والمكاسب مهاره=والنصر غايه والمعارك وسيله

عبدالعزيز الحربي

04-26-2011, 12:24 PM

يقولون الرجال أهل التجارب للتجارب دور=نجاحك بعد توفيق الولي للتجربه يرجع
وانا بضيف معلومه واوزعها على الجمهور=رسوب العبد في دنياه لايقتل ولايفجع
تعثّر .. ماتعثّر .. واصل المشوار واخذ الشور=تشجّع لين تصبح من شجاعة عنتره واشجع

عبدالعزيز الحربي

04-26-2011, 07:28 PM

كلمة (هلا) من صاحبي تبعد همومي وتعبي=يامحلا كلمة (هلا) من صاحبي عقب التعب
هي رغبتي هي غايتي هي منيتي هي مطلبي=تصوّروا كلمة (هلا) تسوى قناطير الذهب

عبدالعزيز الحربي

04-26-2011, 07:35 PM

سجّلتني في صفحة كتاب ذكراك=وانت الذي موجود بكتاب ذكراي
أفقدك من عيني وفي قلبي ألقاك=موجود طول الوقت ياغاية مناي
لقياي مرضاتك وفرقاي بلواك=ولقياك مرضاتي وفرقاك بلواي

عبدالعزيز الحربي

04-26-2011, 07:48 PM

غلاك كالألماس لا والله أغلا=معك أترك الألماس واضرب عليه أكس
لو مانت غالي كان ماقلت لك لا=في حزّةٍ فيها نعم تنفهم عكس

عبدالعزيز الحربي

04-26-2011, 07:52 PM

تبغى تجي حيّاك ربّي وبيّاك=وان كان مانت بـ جاي فرقاك رحمه!
ماودّي أشوفك ولا احب فرقاك!=سبّبت لافكاري تناقض وزحمه

عبدالعزيز الحربي

04-26-2011, 08:04 PM

بمسلسل (العقرب) على شاشة المجد=راشد يمثّل دور (رايح بيدها)
(رايح بيدها) مصطلح عند أهل نجد=يعني زرع عوج الامور وحصدها
ياقاع الارض أسبر على قمّة المجد=واعرف مقام القمّه ومن صعدها
والاّ التوجّد مانفع عالم الوجد=اللي هواها هو سبايب نكدها

عبدالعزيز الحربي

04-26-2011, 11:42 PM

يامرحبا برسالتك يوم جتني=ترحيب عن ميّه وتسعين ترحيب
منك الرسايل يالغلا معجبتني=غالي ولك عندي حقوق ومواجيب

عبدالعزيز الحربي

04-26-2011, 11:46 PM

يامدوّرين المجد في راس مشعاب=المجد يبغى معنويات عليا
وشلون أدوّر حرف في محتوى كتاب؟=واشرح تفاصيله من الألف للياء!
وشلون أسوّي فعل واوضّح اسباب=وصدور خلق الله من الحقد مليا؟!

عبدالعزيز الحربي

04-26-2011, 11:51 PM

ياللي قدحت الزند لو تقدح الزند=الزند مايطمس شعاع الثريّا
هات القلم والبند واكتب على البند=ماكل مطلب للآوادم تهيّا

عبدالعزيز الحربي

04-26-2011, 11:58 PM

يانجمةٍ بين النجوم المضيئه=ضوّك يضوّي ضامي الشوق بدري
متلبّسه بالجرم وانتي بريئه!=من لبّسك في لبس الاجرام مادري؟!
الآدمي مهما ارتكب من خطيئه=لاشاف مخطي قال ضيّقت صدري!

عبدالعزيز الحربي

04-28-2011, 01:12 PM

شربت كاس الحب من كف ساحر=واصبحت من كاسٍ به السحر مسحور
راع الهوى منحور والحب ناحر=وانا الذي من دون سكّين منحور!

عبدالعزيز الحربي

04-28-2011, 01:18 PM

كان لك قدره على ظلم البشر=أذكر اللي قدرته فوق الجميع
كيف تنسى القبر واهوال الحشر=وانت لا جاهل ولا طفلٍ رضيع
القشر يرجع على راع القشر=وكل صاحب حق حقه مايضيع
ماربح وجهٍ لياجيته كشر=بينه وبين السعد حصنٍ منيع
ومن تولّع بالمراجل مادشر=وش يجيب الذيب للحمل الوديع
قلتها في عشره وسبعة عشر=واربع اميه والف قدّام الربيع

عبدالعزيز الحربي

04-29-2011, 01:38 AM

رفيقك اللي لاقضى حاجته منك=صد وتخلاّ عنك خلّه يولّي
أنساه وانسى رفقته واتركه عنك=اللي تخلاّ عامله بالتخلّي
ان كان تبغى الهمّ والضيق والضنك=عليك باللي من وجودك يملّي
وليابغيت اللي مايجحد محاسنك=هذاك شخصٍ مع قدومك يهلّي
ولياكتشف موضوع حاصل ومحزنك=حاول ينسّيك الحدث بالتسلّي
الصاحب اللي وسط قلبه مخزّنك=واجب تخلّي له بقلبك محلّي
اللي تحصّل فيه خصله من البنك=غنى إقتناع ولا غنى بامجلّي

عبدالعزيز الحربي

04-29-2011, 01:55 AM

يامدوّرٍ من نبتة الحنظله ورد=الورد والحنظل لايمكن تواجه
ألاّ إذا ريم الفلا يشبه القرد!=على كذا حتّى الحبارى دجاجه!

عبدالعزيز الحربي

04-29-2011, 03:33 PM

في مدرسة قنص الخواطر تعلّمت=فنّ النعامل مع جميع الخواطر
أوصّل المقصود لو ماتكلّمت=شغلي وانا في شغلي إنسان شاطر
وانا الذي من زود حبّك تألّمت=حب الشرف يجمع آمان ومخاطر
وان قلت حالم؟ قلت لك ماتحلّمت=ضرب البرَد ممزوج مع رشّ ماطر
الياعرضلي عارض الشوق سلّمت=لو كان دمعي فوق خدّي تقاطر

عبدالعزيز الحربي

04-29-2011, 03:38 PM

أنا لقيتك هنا وهناك تلقاني=جمله مفيده تحتها خطّ واعربها
أحبّ ذكراك وانت تحبّ نسياني!=أحسب لنفسك قبل ربّك يحاسبها
وحده من الحالتين أختار يافلاني=الاوله ودّها والثانيه جبها
من جد تبغى تفارق جزءك الثاني؟!=والاّ تغشمر معي والروح تسلبها؟
هنا كتبت المعاني تحت عنواني=هنا حروفٍ توضّح حال كاتبها

عبدالعزيز الحربي

04-29-2011, 08:15 PM

تعال اباخذ معك بالهرج واعطي=الروح تدله مع كلامك وتسلا
فاقدك قبل شوي واقول مبطي=حيثك علي أعزّ مخلوق واغلا
وان كان أنا عليك يازين مخطي=لو تطلب أحلا شي ابهدي لك أحلا
ماتدري ان الحب بالقلب يسطي=سطو الفهد للظبي في راس مفلا
وانا هواوي لكن الصدق شرطي=عالي مقامك لكن العزّه أعلا

عبدالعزيز الحربي

04-30-2011, 01:54 AM

الوصل مكسب والقطاعه خساره=والمال زوده نقص من عهد قارون
والمرجله ماتنعرف بالاشاره=حبل المراجل بالمهمّات مقرون
والطيب واجب والتأنّي شطاره=والعقل نعمه والمجانين يدرون
والذلّ: في وجه العدو إستداره=وعند الرخا راعيه هتلر وفرعون
والفكره أمّا خير والاّ شراره=صحوة عقل والاّ تصاريف مجنون
والمزح وقت الجدّ مثل الدعاره=والعلم حكمه والجهل يعمي عيون
والكذب ماينقض صحيح العباره=والزور يجعل صاحبه دوم مفتون

عبدالعزيز الحربي

04-30-2011, 02:05 AM

بكيت لين انّه صفا راسي وجفّت دمعتي=ماردلي كثر البكا غالي ولا عيّنت خير
ياوقت سجّل كلمتي واكتب بقايا حكمتي=هو منهو اللي رجّع المفقود بالدمع الغزير؟!

عبدالعزيز الحربي

04-30-2011, 02:15 AM

ياطويل العمر من لا عرف قدر الرجال=ضاع قدره مع رجالٍ عزاز نفوسها
تدّعي بالكذب والكذب هو ساس الضلال=ضلّل أصحاب الريا كذبها وفلوسها
ليه ماتاخذ تجارب من دروس الليال؟=الليال السود تنفعك بعض دروسها
مثل درس (إحساس الانسان يعطيه إحتمال)=ومثل درس (أخبار الامطار عند عسوسها)
ومثل (إذا تجهل طريق العرب روح وتعال=ثمّ عدّل مشيةٍ كنت قبل تحوسها)
ومثل (حسن أخلاق الاحباب يدعو للوصال)=ومثل درس (أفزع للاصحاب ترفع روسها)

عبدالعزيز الحربي

04-30-2011, 02:21 AM

هذي رساله واضحه ماتبي شرح=مضمونها: ماعاد لي خلق بالنّت
النتّ ضيقة خلق وانا احسبه مرح=ياليتني في عالمه ماتبيّنت
ياجرح تدري ويش يعنيلي الجرح؟=الجرح يوم انّك بقلبي تمكّنت
ياللي بنيت بداخلي عالي الصرح=تعال واسكن داخل الصرح لاهنت

عبدالعزيز الحربي

05-01-2011, 12:00 AM

ياناشدٍ عن سجّتي سجّتي غير=أنا لياسجّيت سجّيت مظبوط
لا خير في راسِ بليّا تفاكير=لو ابتسم راعيه ماهو بمبسوط

عبدالعزيز الحربي

05-01-2011, 12:05 AM

ياعزوتي في حزّةٍ مابها ضحك=ألاّ إبتسامة وجه تعني وداعاً
تعني وداعاً من خويٍٍّ مسامحك=روحه وروحك قدّمن مااستطاعن

عبدالعزيز الحربي

05-01-2011, 12:09 AM

ياكثر ماقلنا سلام ومسا الخير=وياقل مانسمع هلا يامسا النّور
صدفه تجي وتروح من دون تبرير=تجري مع الايام وتلفّ وتدور
المسأله تبغى تأنّي وتفكير=ابحث وحلّل واستشر واقبل الشور
ترا التجارب مدرسه وضعها غير=والآدمي طالب والايّام دكتور

عبدالعزيز الحربي

05-01-2011, 12:21 AM

بالله لو سمحت خدمه بسيطه=أبغاك في موضوع طاري وعاجل
جرحٍ فتقته ياهوى البال خيطه=ياليت تفزع عاجلاً غير آجل

عبدالعزيز الحربي

05-05-2011, 01:59 AM

فرصه سعيده نلتقي مع بعضنا=لقاي مع شرواك فرصه سعيده
اليانتهض شوق الوداد انتهضنا=وليانخفض كلمة (هلابك) تزيده

عبدالعزيز الحربي

05-05-2011, 02:29 AM

الحب ماهو كلمة أحبّك=لو كلمة أحبّك تهزّ قلوب
الحب فتّش عنه في قلبك=تلقا حبيبك داخله مكتوب

عبدالعزيز الحربي

05-05-2011, 01:03 PM

شريتلي من حلالي علّةٍ صرما=ماقال راع المثل قلته وطبّقته
وانا احسب الرجل من يمناه مايرمى=ولا ينّجم عن طريقه وسط منطقته!

عبدالعزيز الحربي

05-05-2011, 01:08 PM

ظلما الجهل فوق نور العلم معتليه=حاجه غريبه ولكن صارت وحصلت
ياوقت مالي أشوف الناس مبتليه؟=ماكنّ أحد من سياج المشكله يفلت!
دنيا غثاها تعدا الكبد للكليه=تشابكت مع نوايا إبليس واتّصلت
فيها دروب الحيا بالشوك ممتليه=وفيها طريق الخطر مرصوص ومزفلت!

عبدالعزيز الحربي

05-06-2011, 01:10 AM

أحدٍ سلاحه وارد الهند شامان=واحدٍ سلاحه روسي الصنع رشّاش
مار البلا من بندق الرامي فلان=كم واحدٍ منها دخل غرفة انعاش
لها شرار ونار من دون دخّان=وليارمت جابتك لو كنت منحاش
من يشفي المعيون من عين معيان=غير أنت ياللي تعلم السر والجاش
لو تجنمع كل المشايخ والاعيان=ولو الأطبّاء تحظر البنج والشاش
تعبوا ولاقدروا يداوون مرضان=إلاّ بآمر الله والاّ البشر ماش

عبدالعزيز الحربي

05-06-2011, 01:18 AM

ياسجّةٍ مع توال الليل شالتني=في مركبٍ مع محيط الفكر ودّاني
وانا لاكبرت همومي شالها متني=أشيلها واحتملها فوق الامتاني
وان شفت عوجاً من أصحاب الرخا جتني=جنّبت عن دربها حتّى تعدّاني

عبدالعزيز الحربي

05-06-2011, 01:35 AM

الا ياصاحبي ماعاد لك مخرج ولا حجّه=على تقصيرك الماضي تأسّف واعلن التوبه
مادامك عارف انّي مع طريق الخير متوجّه=طريق الخير واجب لاعرفته تتّجه صوبه

عبدالعزيز الحربي

05-06-2011, 01:45 AM

حبّك يذكّرني بعنتر وعبله=عبله هوت عنتر وعنتر هواها
والحب لو كل البشر تنتسبله=تبقى مواصيله بعيدٍ مداها

عبدالعزيز الحربي

05-06-2011, 01:51 AM

ليتني مقتول في معركة مؤته شهيد=أو قتيل بيوم أحد مثل حمزه واخوياه
أو بجيش أمين الامّه وجيش ابن الوليد=أو مع اللي حصّلوا داخل الخندق حصاه
خيرلي من عيشةٍ ترضي القلب البليد=البليد تقرّبه والذكي تقلع مداه
والله انّي عارفٍ منهو اللي مستفيد=واحدٍ من دون تنبيه يصحي للصلاه

عبدالعزيز الحربي

05-06-2011, 02:35 AM

هنا شيلة قصيدتي ( ضاعت لميس )
آمل أن تحوز على رضاكم :-

http://www.gulfup.com/G.png (http://www.gulfup.com/Xo01kua6jlz400)

عبدالعزيز الحربي

05-09-2011, 01:08 AM

خططلها أوباما وصفّقلها بوش=والجايزه تحسين سمعه ورتبه
المعركه قامت وميدانها حوش!=واسلام آباد بكبرها مادرتبه!

عبدالعزيز الحربي

05-10-2011, 10:35 PM

يالمختلف لو نختلف مانختلف=ترا إختلاف الراي مايعني خلاص
نمشي على الدرب العدال ولانلف=ونمرّر الفكره كما تمرير باص

عبدالعزيز الحربي

05-10-2011, 11:37 PM

دقّقي في كلامي ياهدوء الزوايا=واسمعي وش يقول ابو عمر يوم غنّا
قال: ماينفع المخطين غير الخطايا!=الخطايا دروس وردّوا العلم عنّا

عبدالعزيز الحربي

05-10-2011, 11:48 PM

يوم أتعذّر عنك واقول كبوه=من باب حسن الظن ماهي غباوه
ممشى النقاوه ماتجي فيه حبوه=خل إحبيانك وامش ممشى النقاوه
إبليس زارعلك على الدرب عبوه=وان كان ماصدّقت جرّب وخاوه
يصرفلك البخّاخ والربو ربوه=ويعطيك سمّ وتحسب انه حلاوه
وان مارجمته باستعاذه وهبوه=رجمك بسياسه وخبث وعداوه

عبدالعزيز الحربي

05-11-2011, 05:11 PM

اقتباس:
المشاركة الأصلية كتبت بواسطة عبدالعزيز الحربي http://www.m55f.com/vb/Tr/buttons/viewpost.gif (http://www.m55f.com/vb/showthread.php?p=590387#post590387)
هنا شيلة قصيدتي ( ضاعت لميس )
آمل أن تحوز على رضاكم :-

http://www.gulfup.com/G.png (http://www.gulfup.com/Xo01kua6jlz400)

عفـــواً على الخطــأ العفــوي

هــذا هــو الرابــــط الصحــيـح :-

http://www.gulfup.com/Xo01kua6jlz400

عبدالعزيز الحربي

05-12-2011, 01:55 AM

ليت السعوديّه ودولة فلسطين=مابينهم حاجز ولابينهم فرق
حتى الفلسطيني يزور الحرمين=وحنّا نزور القدس ممشى ماهو درق

عبدالعزيز الحربي

05-13-2011, 01:45 AM

والله ان القوافي يا (حديث القوافي)=تشهد بجودة الابداع قدم العداله
أسمعوا ياجماعة خير والقلب صافي:=ماتليق الجزاله غير باهل الجزاله
كل وافي تبا تنظرله الناس وافي=ومن تجمّل يبا يجني ثمار الجماله
بيّض الله وجهك يالزميل السنافي=عند شرواك محفوظه حقوق الزماله

عبدالعزيز الحربي

05-14-2011, 12:58 AM

سلام الله على اللي سجّل أسمه في سجل الطيب=صحيح النعم كايد بس راع الطيب يستاهل
إذا بالناس مثل الذيب نايف هو شبيه الذيب=كلامٍ يقنع العاقل ويطلب شرحه الجاهل

عبدالعزيز الحربي

05-18-2011, 10:55 PM

بين الحزازيّه وبين الحقيقه=حربٍ كما حرب البسوس المسمّاه
هات القلم نويت أدوّن وثيقه=وثيقةٍ عنوانها الكلّ يقراه
عنوانها: (الواثق يميّز طريقه)=ماهو بحاجة من يدلّه بممشاه

عبدالعزيز الحربي

05-21-2011, 03:43 AM

قافٍ نظم نفسه وقافٍ نظمته!!=واظن من فهم القوافي فهمني
لي هاجسٍ لاضاق صدري زهمته=وان صارت أخلاقي رهيبه زهمني!
والشعر لولا حكمته ماحكمته=وهذا بفضل اللي بحكمه حكمني
جاني من الله موهبه واحترمته=ومن كثر مااحترمه تقول احترمني!

عبدالعزيز الحربي

05-22-2011, 11:30 PM

لاحت بروقه في سماي وتلالت=وبروق شعري من بروقه تلالا
ياليت روحي من هواه استقالت=ولاقامت همومه عليّّه توالا

عبدالعزيز الحربي

05-25-2011, 12:29 AM

لاصرت عالم ومفتي خلّ صدرك وسيع=لاتجعل النّاس تاخذ عنك فكره خطا
ترا التّهاون بدين الله ذنبٍ فضيع=والدين قول وفعل ماهو بـ لبس وغطا

عبدالعزيز الحربي

05-26-2011, 08:18 PM

ياماجـد الحربـي إذا مـرك فــلاح=أسلـم وسلّـمـلـي عليه وبلّـغـه
مافيه أحد ريّح ضميره واستراح=والفكر تكراره يضر الأدمغه
رغم ان هذا العصر عصر الانفتاح=والحمّره ترطن رطين الببّغه
مار الوفاء ماله شبيه إلاّ الفلاح=في مصطلح علم الشريعه واللغه
مايروي العطشان غير الماء القراح=ياشاعر المعنى صغ المعنى صغه
شعب السعوديّـه وشعب ابن صباح=الفرق باللهجـه ولبس الآشمغه

عبدالعزيز الحربي

05-26-2011, 08:41 PM

الله يبارك بالرفيق اللي على بالي طـرا=يستر عليه من الليال الموحشه ووحوشها
هذا الزمان اللي به المجروح جرحه مابرا=تبطي جروحه توجعه مايستطيع ينوشها
اللي درا واجـب عليه يعـلّـم اللي مـادرا=وانا دريت ان البنوك تموت هي وقروشها
وان القبور المظلمه تجمع رعايا واومرا=واهل العروش تموت وتخلّي حطام عروشها
وان القلوب الحاسده مع الشياطين اخشرا=أهل الحسد ماتنتصر مهما تزيد جيوشها
مايربح ألا واحدٍ يرمي هوا نـفـسـه ورا=ولايخسر ألاّ من تحوشه نفس كان يحوشها

عبدالعزيز الحربي

05-26-2011, 08:45 PM

كتبـت بيـت وبيـت أخلّيه بعـديــن=عـنـوانهـن [لا والله الآّ تبـنّـجـت] !
ألاّ ورا ماكـمّـل البـيـت هالحـيـن=واقول أنا طالب ماعمري تخرجت!
في جامعة شعر النظم والقوانين=على شوي شوي سـرت وتدرجـت
لكن شعور الشعر حمّلني الدين!=أجّـج لهـيب الحـب حتى تأجّـجـت
والحب ماهي سالفة ليل ياعـين=تبقى جـروح الحب مهما تعـالجـت

عبدالعزيز الحربي

05-27-2011, 12:37 AM

كد قالها شالح ولد هدلان قبل اقولها=ياذيب أنا ببكيك لو انّك على قيد الحياه
في غيبتك عيني على خدّي تسيل سيولها=يجفّ دمع ودمع ينزل ثمّ جاب اللي وراه
وتبكيك روحي كلّبوها عرضها مع طولها=والحزن شيٍّ داخلي وشلون اوضّحلك خفاه
جتني جيوش الحزن في فرسانها وخيولها=قامت تسلّ سيوفها وتنظّم صفوف الرماه
وانا انتظر كتايب البشرى يجي مرسولها=بكتاب بشرى ينعش القلب الشقاوي محتواه
أعاتب الدنيا على سود الليال وهولها=واكرر الروتين: (يادنيا الفقر مابك غناه)
واثر البلا ماهو من الدنيا وثقل حمولها=وان كان بالدنيا شقى فالعبد هو سبّة شقاه
مشاكل الانسان مهما كان هو مسؤولها=ان اعتذر وان ماعتذر لو يعتذر هذا خطاه
يبذر بذور المشكله ولياجنى محصولها=تنكّد وضاقت عليه الارض من كلّ اتّجاه!

عبدالعزيز الحربي

05-29-2011, 12:21 AM

العنصريّه هي أساس التخلّف=أقسم برب البيت ماهي رجوله
لاحدٍ يجي ويقول مانته مكلّف=الحقّ اقوله ثمّ اقوله واقوله

عبدالعزيز الحربي

05-31-2011, 11:49 PM

حريّة المرأه وحريّة الراي=مثل اختلاط الجنس بالجنس الآخر
دعوى بني علمان ماهي بدعواي=دعواي دعوى حقّ بالمجد زاخر
دعوى رسول الله ساسي ومبداي=يحق لي فيها اعتزي واتفاخر
خلّ المنافق يقضي العمر زراي=ماننهزم باسباب شامت وساخر

عبدالعزيز الحربي

06-01-2011, 10:52 AM

ماتدري اني عقب فرقاك عانيت=نار الفراق ونار ذكرى خيالك
سلكت درب الحب حتّى تعدّيت=النقطه اللي من وصلها تهالك
نقطة غرامٍ حيّها يشبه الميت=ماها هماج وصبحها ليل حالك
مادري نسيت العهد والاّ تناسيت=والاّ وش اللي في زمانك جرالك؟!
العام تاصلني وذا الحين جافيت=وشلون تجفى اللي زهمته وجالك
لو كان يعرف نيّتك يوم ناديت=ماجاك مع درب المحبّين سالك
واليوم مادامك بلا عذر صدّيت=أدفع ثمن غلطتك من حرّ مالك
كانك تخيّلني من اصحاب ياليت=الواقع المشهود يمحى خيالك
ياللي بميزات الشراسه تسمّيت=انت العنيد الشرس وانا كذلك
كان القضيّه بالتحدّي تحدّيت=ماينفعك ضغطك وزود انفعالك
اللي كسبته: في صدودك تماديت=عن صاحبٍ من طيب قلبه صفالك

عبدالعزيز الحربي

06-09-2011, 04:59 PM

الجو هادي ياهدوء الزوايا=وانا اتحدّث مع حديث القوافي!
أسعد مساك الله واسعد مسايا=واسعد مساء الصدق والصدق كافي
واللي مقامه بالضلوع الحنايا=ماله حليّ ألاّ عسل سدر صافي

عبدالعزيز الحربي

06-10-2011, 08:36 PM

كذّاب يابشّار والكلّ يدري=كذّاب ومراوغ ومجرم وظالم
تبغى تسوّي شوشره مار بدري=ماينفع الكذّاب طمس المعالم

عبدالعزيز الحربي

06-16-2011, 02:39 AM

عبدالعزيز الحربي إنسان عادي=والكبر لله والتواضع فضيله
ياشايفٍ نفسك على الخلق غادي=الياحظر طاريك قالوا هبيله

عبدالعزيز الحربي

06-20-2011, 05:20 PM

نظمتلي قافٍ بليغ البلاغه=يبلغ بليغين البلاغه بلوغه
من شاعرٍ فكّر وقرر وصاغه=ولا كل من يبغى يصوغه يصوغه
وضح النقا مافيه حروة مراغه=ومنهج طريق العدل مافيه روغه
مايقنع الفارغ ويملا فراغه=ألاّ نهارٍ فيه للعين زوغه
اليانقلب ثقل الجسد خفّ باغه=وعقل الفتى النابغ تلاشى نبوغه
يزوغ عقلٍ شوف الاهوال زاغه=ويغيب نورٍ كان واضح بزوغه
من زاد تفكيره تشطّب دماغه=أسبغ شقا نفسه وزوّد سبوغه

عبدالعزيز الحربي

06-21-2011, 01:10 AM

عطني غلا واعطيك صدق وميانه=وازيدهن حبٍٍّ يعادل مية حبّ
الحبّ له تخصصه وامتحانه=يعني مثل لو اطلبك للطلب لبّ
عندك ضمان الحبّ؟ عندي ضمانه=وان كان ماعندك ضمان الهوى تب
الحب له عندي مقام ومكانه=والهجر عقب الوصل جرحٍ بعد طب
والقلب مركز والمشاعر كيانه=شيّد كيان القلب ياصافي القلب

عبدالعزيز الحربي

06-21-2011, 01:15 AM

لولا التفاهم بين عاقل وعاقل=مابان للجاهل من المعرفه شي
ولو كان ماللهرج سامع وناقل=ماصار فعل الخير ميّت وهو حي

عبدالعزيز الحربي

06-21-2011, 01:34 AM

ملّيت من هرجٍ يقرّبلي النوم=تفخربه الجهّال عند المهابيل!
أبغى سوالف ناس تبعد عن اللوم=وناسٍ تحب العدل وتحارب الميل
أمّا علوم الفرس تطرب لها الروم=حنّا عرب مانرغب الروم بالحيل
يابايع سلومه وشاريله سلوم=الأصل لايمكن تزيله بتمثيل
لو قلت لي صديق مافيه معلوم=أقول لك رح عدّل الهرج تعديل
في هرجة الاجناب ماني بملزوم=والله يستر منك ياتالي الجيل

عبدالعزيز الحربي

06-21-2011, 01:40 AM

ألا ياركني الهادي من اول ماعليك خلاف=لياضقنا نجي لك وانتسلاّ بك عن الضيقه
أشوفك تالي الايام متوقّف على الاكتاف=وانا خابرك مثل الحر لافكّوا مسابيقه
إذا مالك هدف واضح ولا مسلك ولا ميقاف=عوضنا عند ربٍٍّ نرتجي عفوه وتوفيقه

عبدالعزيز الحربي

06-21-2011, 01:52 AM

الذين يشاهدون محتوى الموضوع الآن : 2 ( الأعضاء 2 والزوار 0) ‏عبدالعزيز الحربي (http://www.m55f.com/vb/member.php?u=6454), ‏*العــــــنود* (http://www.m55f.com/vb/member.php?u=1973)

أهلاً ومرحباً بك أختي

عبدالعزيز الحربي

06-23-2011, 01:21 AM

يالمختلف تكفون سوولي إعلان=بالواجهه على أوّل المنتدى فوق
مكتوب فيه أرفق على الحربي فلان=ياللي عيونك كلّها شوق في شوق

عبدالعزيز الحربي

06-23-2011, 01:51 AM

واصدري اللي كن وسطه جماهير=يوم الهلال يقابلون الترجّي
لامرر أحمد للثنيّان تمرير=جميع ما بالملعب أصبح يرجّي
والاّ سرايا جنود تمشي طوابير=والعسكريّه مابها عمّ حجّي
في سهلةٍ منها تثور المعاصير=كلٍ يقول لصاحبه شوف عجّي!

عبدالعزيز الحربي

06-23-2011, 01:57 AM

بيتين من شعري وجهدي وتأليفي=تسوى قصايد سعد علّوش والمرّي
هذا حسب رايي الشخصي وتعريفي=لو كان ماني من التقصير متبرّي

عبدالعزيز الحربي

06-23-2011, 11:21 PM

الفقر فقر المعرفه والقناعه=والاّ الدراهم عند ربّك عوضها
أخذ الصحيح وخل عنك اللكاعه=خلّك ذكي وبحور الافكار خضها

عبدالعزيز الحربي

06-24-2011, 12:55 AM

سلام تسليم مسلم سلمه اسلامه=سليم سلم وسليم اسلام ومسالم
حليم حلمه حمل ملامح احلامه=ماحلا حلا الحلم يملح لمحة الحالم
عالم وعلمه لمع للعم واعلامه=معالم العلم تلمع علم للعالم
ما لامه ألاّ لئيمٍ ملّه ولامه=لامه لئيمٍ ملامه للملا والم
ضم اللظى ضم وامضى الظالم وظامه=لظى وظلال وظلام الظلم ياظالم

عبدالعزيز الحربي

06-24-2011, 02:40 PM

اقتباس:
المشاركة الأصلية كتبت بواسطة عبدالعزيز الحربي http://www.m55f.com/vb/Tr/buttons/viewpost.gif (http://www.m55f.com/vb/showthread.php?p=644942#post644942)

سلام تسليم مسلم سلمه اسلامه=سليم سلم وسليم اسلام ومسالم
حليم حلمه حمل ملامح احلامه=ماحلا حلا الحلم يملح لمحة الحالم
عالم وعلمه لمع (للعلم) واعلامه=معالم العلم تلمع علم للعالم
ما لامه ألاّ لئيمٍ ملّه ولامه=لامه لئيمٍ ملامه للملا والم
ضم اللظى ضم وامضى الظالم وظامه=لظى وظلال وظلام الظلم ياظالم

هناك حرف سقط سهواً

الخطأ : للعم .
الصواب : للعلم .

تم تعديله كما هو موضّح بين القوسين أعلاه .

عبدالعزيز الحربي

06-24-2011, 02:52 PM

ان كان هذي عيونك والله انّك خطير=ياويل من لا حسب لعيونك حسابها
تكفى تراني بشر عندي شعور وظمير=أستر عيونك قبل لا اموت باسبابها

عبدالعزيز الحربي

06-26-2011, 12:36 PM

رغم التحيّز من قبل شخص مجهول=تبقى الحقيقه شامخه كنّها الضلع
لو ضدها ياقف ثمانين مسؤول=ماتنقلع لو حاولوا قلعها قلع

عبدالعزيز الحربي

06-27-2011, 05:19 PM

الذين يشاهدون محتوى الموضوع الآن : 2 ( الأعضاء 2 والزوار 0) ‏عبدالعزيز الحربي (http://www.m55f.com/vb/member.php?u=6454), ‏ماجد سعد (http://www.m55f.com/vb/member.php?u=7790)

ههههههه

الله يقطع إبليسك

حركات

المهم :
حياك الله في مدوّنة واحد أسمه عبدالعزيز الحربي

عبدالعزيز الحربي

07-02-2011, 02:52 AM

قصيدة مؤثّرة بعنوان (بنات شيوخ وعيال الأكابر)
للشاعرة القديرة : مشاعر نجد .

أعجبتني وجاريتها ببعض الأبيات :

تقول مشاعر نجد :-

يا عرب ! غير الدعا والشعْر ما نلقـى وسيلـه = والمصيبة لو يضيـع الصـوت وتجـف المحابـر
ما لقيتوا شي يا حكام .. يا اصحاب الفضيله؟ = انتعـذر بـه مـن الباقيـن واصحـاب المقابـر ؟!
والله انـي مــا رضـيـت اعـيـش فالدنـيـا ذليـلـه = لـو نقـول ان البنـادم مـع فجـوج الكـون عابـر
بنت ناس ووجهها ينـدى .. ولا تبغـى الفشيلـه = بنـت أكابـر .. بـس لا طاحـت تـقـوم ولا تكـابـر
وقتنـا الحـالـي بخـيـر .. وحالـنـا مافـيـه حيـلـه = من حلاته .. نستمد امجادنا من وقت غابر !
بيـن تمجيـد الشيـوخ .. وبـيـن تمجـيـد القبيـلـه = كلنا صرنا ( بنات شيوخ ) و(اعيال الاكابر ) !
وان دعتـنـا سـاحـة المـيـدان ضيعـنـا الدليـلـه = مـا لنـا الا وقفـة التبـريـر مــن فــوق المنـابـر
ودنــا بالـلـي لـيـا نـــاش اللهب راس الفتـيـلـه = قبل تقبس .. يأمـر الحـراس فـي فتـح المعابـر
اتركـوا هالشعـب يظهِـر قوته..واخلـوا سبيلـه = لا متى والشعب بين الباب والجدران صابر ؟!
والمتون اللي تحـط الحمـل .. مـا تقـدر تشيلـه = عظمها المكسور .. فعيون الملا ماهوب جابر
ليـتـنـي قـبــل آتـكـحــل ذل .. واكــــد الـجـديـلـه = ما عرفت الفـرق مـا بيـن المظاهـر والمخابـر
انتكاثـر فـي العـدد .. فـي كـل يـوم وكــل ليـلـه = صح في هالكون نكثر .. بس يـا قـل المثابـر !
والكثيـر اللـي بعضهـم مـات مــا نلـقـى بديـلـه = والقليل اللي بعضهم حـي عاشـوا فـي العنابـر
ومالنا غير الدعا .. والشعر ما شفنـا حصيلـه = مـا يوصّـف حالنـا بالضبـط .. لـو الـكـل خـابـر

الـــــرد :

يامشاعر نجد يابنت الرياجيل الأصيله=من كوارث عصرنا المشهود يندنّ الصوابر
الزمان اللي نعيشه ماحصل قبله مثيله=لو سبر غبر السنـين الماضيه مليون سابر
والبطوله يامشاعر نجد ماهي مستحيله=كم بطل موجود لكنّ أمر رب البيت عابر
الفضيله ماتقــوم ألاّ على نبـذ الرذيلـه=والتآخـي طبّ لجروح التباغض والتدابر
والحميّه للعقـيـدة تشفي كبـودٍ عليــلـه=مسلمين المملكـه هم مسلمـين بلاد جابر
هي وسيله واحده ماغيرها يوجد وسيله=الرجوع لهدي من هديه عبر كل المعـابر
لو على السكّه مشينا مشي أبوبكر وخليله=كان جفّت كل عبره تنحدر من عين عابر
الهزيمه ماجنتـها ألاّ التصاريف الهزيله=بين زلاّت الفقيه وبين تشويـش المخابر

عبدالعزيز الحربي

07-02-2011, 03:01 AM

الذين يشاهدون محتوى الموضوع الآن : 2 ( الأعضاء 2 والزوار 0) ‏عبدالعزيز الحربي (http://www.m55f.com/vb/member.php?u=6454), ‏سلطان بن نادر (http://www.m55f.com/vb/member.php?u=6337)+

مرحبا يابن نادر

تواجدك هنا يالذيب يهمّني كثيراً

نوّرت الركن بحظورك

عبدالعزيز الحربي

07-06-2011, 02:10 PM

تبغى تأكّد من وجودك بقلبي؟؟=هذي بسيطه ماتبي زود تدقيق
فرّق ما بين ايجابي وبين سلبي=ودقّق على ممشاي إذا اقبلت تدقيق

عبدالعزيز الحربي

07-06-2011, 02:12 PM

تنزف جروحي مثل نزف القصيد=والقصيد أحيان نزفه نزف جرح
لو سألت الدم في حبل الوريد=قال شي أكيد مايحتاج شرح

عبدالعزيز الحربي

07-06-2011, 02:13 PM

مشتاق لك شوقٍ شديد التهوّر=أشتقت لك بالحيل حتّى تهوّرت
محبّتي تفوق حجم التصوّر=ماتستطيع تشوفها لو تصوّرت

عبدالعزيز الحربي

07-07-2011, 01:40 AM

سلام منّي للقلوب الصافيات من الحسد=اللي نهار الضيق ترسي كالجبال الراسيه
مافيه بالارواح والاجساد روح بلا جسد=وانته وانا روح وجسد رغم الضروف القاسيه

عبدالعزيز الحربي

07-07-2011, 01:44 AM

ياواحدٍ بجروح قلبي تسبّبت=حسبي عليك الله ماسوّيت لك شيّ
أنا سجينٍ في سجونك تعذّبت=سجون عشقٍ شمسها تطرد الفيّ
كنّ الخميس بغيبتك ليلة السبت=والحيّ بغيابك بلد والبلد حيّ

عبدالعزيز الحربي

07-07-2011, 01:47 AM

شفتها يوم اكشفت عند خياط الحريم=مثل ماقال المثل للضــروف أحكامهــا
النظام المتّـبـع لا حرج عند المقيـــــم=الحرج مغير بين النســــاء واقوامــهـــا
يامواطن داخل السوق خلك مستقيم=صار أبو هنّـاد هو درعها واحزامهـــــــا
قلت ياهندي هي البنت ريما بنت ريم=قال هي بنت أم ريمــــا وانا خدامهــــا
قلت طيب لاتسولــف عليهـا ياسقيـم=قال وش دخّلك بين الخدم واعمامهــــا
قلت ياملعون الاسيــاد والله العظيـــم=لو الامر أمري لخليك تنسى أرقامهـا
مار ماهو ذنبك الذنب ذنب ابن اللئيـم=واحدٍ نسي الكرامه ونسي أقيامهــا
من تركها بين سرحان وابليس الرجيم=كيف يرجي عزّها عقب حكم إعدامهـــا
والله انه مابقــا بالعــرب رجــلٍ غشيم=لكن الفتنــه بدت مع بدايـــة عامـهـــا
دام ضاع المسلم وضيّع السلم القديم=من يلوم المسلمه في ضياع إسلامها

عبدالعزيز الحربي

07-07-2011, 01:56 AM

سلام الله على عبدالعزيز الحربي المطنوخ=نعم مطنوخ والدنيا معنيّته وطانخته!
مادام أصبح مجال الغدر ناسخ والوفا منسوخ=لياهاج الردا مثل الجمل سقته ونوّخته
زمانٍ فيه عميان البصيره صايرين شيوخ=حظيظ اللي سلم من هالزمان ومن مشايخته
لكنّ الطيّب يطالع بعين الطيب لين يدوخ=يشوف الرجل أخوه ويحسب انّ البنت مثل أخته!

عبدالعزيز الحربي

07-07-2011, 01:51 PM

يامزعج سموعك بصوت الأغاني=أرحم سموعك واعلن التوبه الآن
تقول أنا ماني بمجرم وجاني=أقول لكن عاصي الله وغلطان

عبدالعزيز الحربي

07-08-2011, 12:56 AM

كل الغلا والحب والود كلّه=شفته بعينك يوم لدّيت يمّي
الصاحب اللي وسط قلبي محلّه=لو غاب عنّي يوم يزتداد همّي

عبدالعزيز الحربي

07-09-2011, 12:39 AM

لاحت بروق الوصل بمزون الاشواق=ثم استهلّت وارتوت ناس ضميا
وارتاحت أعصاب الجفا عقب الارهاق=حتّى ابصرت عينٍ من الهجر عميا
بس المحبّه لاسطت جوف الاعماق=خلّت وليد يموت لعيون لميا !

عبدالعزيز الحربي

07-09-2011, 01:20 AM

سلام يانور الحياه وعسلها=يامتّخذ من قلب غاليك ملجا
ان كان عندك كلمة إنصاف قلها=والاّ ماباقي بالزمن شي يرجى
أحسن رضى الاحباب والاّ زعلها؟=والصدق بامر الله إذا إستخدم أنجى
ياشاكي حمول المقادير شلها=لو الظهر مفتوق والرجل عرجا

عبدالعزيز الحربي

07-11-2011, 01:47 AM

خذها نصيحه من مجرّب وانا اخوك=راع التجارب غير راع الهوايه
من خانوا الله مابها شكّ خانوك=واقبل سلامي واحتفظ بالوصايه

عبدالعزيز الحربي

07-13-2011, 01:57 AM

ساهر نظام وفيه نفع ومضرّه=مار البلا مضرّته فوق نفعه
كانه يخفّف سرعة اللي يمرّه=زاد الضريبه دفعةٍ عقب دفعه

عبدالعزيز الحربي

07-13-2011, 02:06 AM

بالمجتمع تلقى منافع وتلقى:=مضرّةٍ تفوق حجم المنافع
ناسٍ على الوجهه وناسٍ تسلقى=واعجب بشر يعمل بليّا دوافع!

عبدالعزيز الحربي

07-15-2011, 01:31 AM

قريت بكتاب المعاني معانيك=ولقيت لك بين المعاني معاني
لو مابك ألاّ نيّة الخير تكفيك=يوم ان غيرك نيّته شيّ ثاني

عبدالعزيز الحربي

07-16-2011, 07:47 PM

بعيونك الثنتين شيٍٍّ جذبني=أظنّه السحر الذي يسلب الروح
بالرغم من بعد المسافه سلبني!=أجل لو انّي عندك أصبحت مذبوح

عبدالعزيز الحربي

07-16-2011, 07:51 PM

ياصاحبي وخّر عن الدرب والاّ :-=سوّيت أنا وياك حادث مروري
أحـذر ترا صاحـبك بالحـيل ولاّ=باسباب كشخة هند وعيون جوري
هـاذي تحـدانـي وهـاذي تغــلاّ=وانا مع الثنتين أسجّل حظوري
أقـول هاذي تسلـيـه واتســلاّ=وصارت حقيقه وأمر جداَ ضروري
الصبر عاده كنت فيه أتحــلاّ=واليوم عن صبري تعثّر مروري
ماعاد لي قدره بـ لا لا و كـلاّ=كلمة (نعم) متحكّمه في شعوري
صعب أجتمع معكم وصعب أتخلاّ=أصبح غيابي مايباعد ظهوري
وياصاحبي ليل الهداوه تجـلاّ=والنور نورك واحسب النور نوري
أرفق بحـالٍ من سـبايـبـك ولاّ=يبغى قرارٍ منك حاظـر وفـوري

عبدالعزيز الحربي

07-16-2011, 08:28 PM

كتبت لك كلمه على غير صفحه=غلاك صفحتها وقلبي قلمها
ماحلا عبير الورد اذا زاد نفحه=ينعش عروقٍ جمرها كد وسمها
هبّ النسيم وخفّف النود نفحه=واللي جهلها ينشد اللي فهمها
اخترت قمّة ضلع عن حيد سفحه=أحسن سفوح جبال والاّ قممها؟

عبدالعزيز الحربي

07-17-2011, 02:13 AM

أنا لقيت ابليس باسواق العثيم=هذي يناديها وذيك يقزّها
قلت أشهد ان ابليس شيطانٍ رجيم=قال انظر لهذيك كيف (.....)
قلت ابشر بنارٍ لظى , قال الجحيم؟=قلت ايه , قال الناس معي أكزّها
قلت انت مقطوع الرجا , قال اللئيم؟=قلت الغوايه منك , قال أعزّها
قلت السبب؟ قال انحرمت من النعيم=وابغى البشر بالنّار معي ادزّها
يالله تكفينا عدوّك ياكريم=اللي يضايق خلقك ويبتزّها

عبدالعزيز الحربي

07-18-2011, 02:15 AM

يامحلا المكشات في روضة خريم=مع واحدٍ مايدبل الكبد طبعه
معلّمه ربّه مايحتاج تعليم=لو خانته دنياه ماخان ربعه

عبدالعزيز الحربي

07-18-2011, 02:58 PM

ماكل من يدلي بفتواه مفتي=بعض الفتاوى مثل سحب الجوالين!
مايصلح الونان من دون سفتي=يعني وش الفتوى بليّا براهين؟
يانفس شيخ العزّ ليه اختلفتي؟=من عقب ما قدرك على الراس والعين
اليوم باوصاف الجنون اتّصفتي=وحنّا ماناخذ علمنا من مجانين

عبدالعزيز الحربي

07-21-2011, 02:20 AM

بغيت اعبّر لك عن اللي بصدري=لكن بدالي راي ثاني وهوّنت
دام الرجا موجود والوقت بدري=أرجع ثلاث اقدام واثبت كما كنت

عبدالعزيز الحربي

08-06-2011, 05:57 AM

أحدٍ لياجاه رمضان يتولّم=لزيادة الاعمال ويحقق انجاز
واحدٍ لياجاه رمضان وتكلّم=مجمل كلامه بين لقمه وتلفاز
واللي ظلم نفسه وقام يتظلّم=لو فازوا ضعوف المخاليق مافاز

عبدالعزيز الحربي

08-06-2011, 06:02 AM

تبغاني اعرّف لك الحبّ بالضبط؟=اعطيك نبذه عن حياته ومنشاه
الحبّ نفس الدمّ أو بينهم ربط=في داخل عروق المحبين مجراه

عبدالعزيز الحربي

08-06-2011, 06:12 AM

القلب مكتب والنوايا سكرتير=والعين هاتف والسوالف رسايل
هذي لغه تحتاج وقفه وتفكير=فكره من الافكار والشكّ زايل

عبدالعزيز الحربي

08-10-2011, 03:41 AM

رساله على الجوّال من مصدرٍ مجهول=تقول أرسل رساله على رقمنا الآتي
تراها رسالة نصب لا تنخدع وتقول:=احسب انّها وحده من اطلق رسالاتي!

عبدالعزيز الحربي

08-11-2011, 08:46 AM

يامهتني في راحة البال تكفى=أبغى سلف (راحه) واسدّدك بعدين
كنّي صويبٍ طاعنينه بشلفا=جرح النظر يفوق جرح السكاكين

عبدالعزيز الحربي

08-19-2011, 04:15 AM

ياصفحة تويتر ترا صفحة البوك=مكسور خاطرها من اسبابك انتي
تقول زوّرتي على ملكي صكوك=وبسلاح جمهوري عليّ استعنتي

عبدالعزيز الحربي

08-24-2011, 07:33 AM

محتاج اشوف القمر في روضةٍ خضرا=واجلس معه وانتسامر ليلنا كلّه!
في ليلةٍ مابها نومه ولا مسرا=ماحولنا اللي يعكّر جوّنا لله

عبدالعزيز الحربي

08-24-2011, 07:36 AM

ابعترف واقول احبّك واحبّك=أحبّك احبّك نعم مثل ما وحيت
جرحي وجرحك جاه طبّي وطبّك=يعني جريح ومن جروحي تداويت!

عبدالعزيز الحربي

08-24-2011, 07:40 AM

ياصديقي كان باقي بهالوقت أصدقا=لا تشيل هموم دنياك والدنيا سراب
لاتفكّر كم مضى من زمان وكم بقى؟=ثمّ تدخل في متاهه وضيقه واكتئاب
مثل ماتلقا سعاده تبا تلقا شقا=والزمن ماضي ولابه حظور بلا غياب

عبدالعزيز الحربي

08-24-2011, 07:42 AM

ياليبيا شعبك يعادل مية شعب=نعم الرجال بماضي الوقت واليوم
الله قذف بقلوب عدوانهم رعب=فازوا على معمّر وقبله على الروم

عبدالعزيز الحربي

08-24-2011, 07:46 AM

كل النفوس نفوس لاكن في هواها تختلف=هذي هواها قد نيّتها وهذي مبهمه
والناس فيهم من يجيب السالفه ثم يحلف=ماكنّه الاّ متّهم قدام قاضي محكمه
اللي مثل هذا عسى ربّه على ابوه يخلف=أهل العقول تحقّق المطلب وهذا يرسمه
ان كان ماتملك قناعه مانت لاقيها سلف=كسبان من جته القناعه من وليّه مكرمه

عبدالعزيز الحربي

08-24-2011, 07:49 AM

أنا اعتبرتك فيه لو كنت غايب=يالغايب الموجود تدري لماذا؟
ما من غرايب لاعرفت السبايب=أنشد خيالك تعرف اللغز هذا

عبدالعزيز الحربي

08-26-2011, 08:01 AM

اليوم هذا فيه عدّة فضايل=فضيلة الجمعه وعشر الآواخر
ابذل لكسب الخير كل الوسايل=من شان قصر بجنّة الخلد فاخر

عبدالعزيز الحربي

09-07-2011, 03:24 AM

لك بقلبي مكان ولك بعيني علامه=قول لي ويش تبغى غير قلبي وعيني؟
كل ماغبت عنّي رافقتك السلامه=وكل ماجيت احسّ انّ السلامه تجيني

عبدالعزيز الحربي

09-07-2011, 03:27 AM

قررت أغادر عالم النّت كلّه=ماني بناقص ضيق صدر وكآبه
أنا اشهد انّ النّت بلوى وعلّه=بينه وبين ابليس حلف وتشابه

عبدالعزيز الحربي

09-14-2011, 07:44 AM

ياشرق قل للغرب مابينكم فرق=الكل منكم له مناصب وسمعه
الفرق فرق الاسم ذا غرب ذا شرق=لو كان سبت الغرب بالشرق جمعه!

عبدالعزيز الحربي

09-15-2011, 07:37 AM

ياناشدٍ عن سجّتي وانعزالي=جتك الاجابه واقتنع بالاجابه
أنا لامنّي صرت جالس لحالي=أسلم من الغيبه وفرض الرقابه
مالي ومال هروج قيلٍ وقالي=والكذب والنمّه وكثر الطلابه
بعض البشر محسوب ضمن الرجالي=لو كان مايسوى جناح الذبابه
الرجل له عند الشدايد مجالي=ماتحكم الرجّال كشخة ثيابه
وانا صدفت من الليالي ليالي=يبلشبها العاقل ويفقد صوابه
شربت من دنياي مرٍٍّ وحالي=والمرّ فيها نوب حالي شرابه!
أمّا اعتدلّي دربها واستوالي=والاّ اكتشفت انّه غدرني سرابه
نوبٍ يلفّ ونوب ياتي عدالي=ونوبٍ على البيدا ونوبٍ بغابه

عبدالعزيز الحربي

09-24-2011, 12:50 AM

سائل سألني هل لديك اقتراحات؟=بخصوص موضوع الوطن والمواطن
قلت ايه عندي قال بالمختصر هات=قلت الوطن عليه الاقدام ياطن
قال احترم نفسك وخل التشمّات=قلت اركد وخلّك لمعناي فاطن
ان كان مالك فوق موطنك خطوات=مانت آدمي والاّ مع ابليس قاطن
ناطا على ارضٍ حبّها خالط الذات=واقدامنا من دونها ماتباطن
لاجا نهارٍ فيه صنع البطولات=وارواحنا شبعن غضب واستشاطن
يبين لك فعلٍ ماهو فعل قتّات =هذا لأن الدين ظاهر وباطن

عبدالعزيز الحربي

09-25-2011, 12:20 AM

من صد عنّي قلت شكراً ملايين=جزاك عندي صدّةٍ مثل صدّتك
مالي على العالم نظام وقوانين=ياقلب لاتغويك نفسٍ تحدّتك
أنسى مادام الناس ياقلب ناسين=واياك تذكر لحظةٍ كد تعدّتك

عبدالعزيز الحربي

10-02-2011, 01:14 PM

قالوا قمر خمسة عشر قلت لله=لو هو قمر مع سكّة الناس ما مرّ
هو آدميٍ خابره في محلّه=بس اعتقد بينه وبين القمر سرّ

عبدالعزيز الحربي

10-03-2011, 11:55 PM

لا تحسب أفكار غيرك تشبه أفكارك=ياللي تحسب ان قيصر من عرب كسرى
أنظر يمينك وبعدين أنظر يسارك=ويبين لك فارق اليمنى عن اليسرى
ما كل مشوار طوله طول مشوارك=ياساري الليل بعض الليل مايسرى

عبدالعزيز الحربي

10-04-2011, 12:27 AM

ان كان ترضيك عيني هذي عيوني=خذهن وخذ ماتبي منّي وريّحني
ابك انت ماشفتني متغيّرٍ لوني؟=رايح بيدها عسى ربّي يسامحني
يا من بحبّه وقعت وصرت مفتوني=لايكون ناوي بسيف الحب تذبحني؟

عبدالعزيز الحربي

10-04-2011, 12:04 PM

ألا ياصاحبي ماعاد لك مخرج ولا حجّه=على تقصيرك الماضي تأسّف واعلن التوبه
تأسّف واعلن التوبه وقلل كثرة اللجّه=ترا العاقل يحاسب نفسه بنفسه على ذنوبه
مادام انك دريت انك بليّا درب متوجّه!=طبيعي تعلن التوبه عن الاهمال واسلوبه

عبدالعزيز الحربي

10-10-2011, 02:07 AM

تبغاني اقول احبّك؟ ,, طيّب .. احبّك=اوحيتني زين والاّ اعيد واكرر؟
ماهي سواليف شلّة غازل وشبّك=ولاهي بكلمة فراغٍ مالها مبرر
قال المثل من مدحك بحضرتك سبّك=لاتوصي الحر دام الحر متحرر

عبدالعزيز الحربي

10-14-2011, 01:41 AM

ابسرق النوم قبل النوم يسرقني=عساني اغرق ببحر احلام وهميّه
ياحضرة الهمّ لو سمحت فارقني=نسبة همومي تراها ميّه بميّه

عبدالعزيز الحربي

10-16-2011, 02:04 AM

مرّ وتعدا مانطق حرف واحد=يعني مجرّد زول مرّ وتعدّا
مادام عقب المعرفه صار جاحد=خلّه يولّي يوم صدّ وتردّا

عبدالعزيز الحربي

10-17-2011, 02:38 AM

آه من همٍّ سرا مثل دمٍّ بالعروق=زادني علّه جديده وانا مبطي عليل
ياسجين حقوق غيرك سجين بلا حقوق=انت سجنك له نهايه وانا سجني طويل
كل ما تشعر كأنّك مع الحلق مخنوق=ردد وقل حسبي الخالق ونعم الوكيل
واعرف ان الله يجيب الفرج عجلٍ سبوق=ماعليك الاّ تعوّد على الصبر الجميل
كل حيٍّ في حياته لابد انّه يذوق=لذّةٍ ماتبتل وحسرةٍ لازم تزيل
ارض باللي يكتبه خالقك واحذر تبوق=اقتنع بالرزق لو كان بعيونك قليل
واعلم انّك بالوسط لاانت تحت ولاانت فوق=لا عزيزٍ فوق عزّ العباد ولا ذليل
موقعك بالضبط في نظرة الرجل الصدوق=مثل فجرٍ موقعه بين صبح وبين ليل
انت من نطفه مهينه يالانسان مخلوق=والله ان العلم هذا عليه اكبر دليل
البشر لولا اعتقاداتهم ما من فروق=منصب الجندي ما من فرق عن قايد فصيل
أطو صفحاتٍ مضت لاتلاحقها لحوق=مانت واصلّك طريقٍ وصوله مستحيل
وانت ياهمّي بعد جيت مع دمّ العروق=زدتني علّه جديده وانا مبطي عليل

عبدالعزيز الحربي

10-19-2011, 11:24 PM

هذي حروفٍ على الصفحات خطّيتها=بمدوّنه تحتوي على معاني شعر
كانت (حديث القوافي) ثمّ سمّيتها:=(أنباء متفرّقه) واليوم (سجّة فكر)

عبدالعزيز الحربي

10-20-2011, 12:27 AM

ابتسم واضحك ولكن بانتظام=ماحلا البسمه مع الجو اللطيف
ابتسم للنور من بعد الظلام=واعتبر نفسك على الايام ضيف
ابتسم وارسل مع البسمه سلام=للمصاب وللفقير وللضعيف

عبدالعزيز الحربي

10-20-2011, 04:15 PM

بمناسبة مقتل القذافي أهنّي=جميع مسلم حقيقي من هل السنّه
بشرى كبيره تسر المسلم السنّي=لعلّ قاتل معمّر يدخل الجنّه

عبدالعزيز الحربي

10-23-2011, 12:22 PM

العام أسجّ القدم وامشي على مهلي=واليوم فكري من الوجدان متبلّد
يلعبّي الشوق لعب مهاجم الآهلي=بمدافع الإتّحاد أسامه مولّد

عبدالعزيز الحربي

10-29-2011, 01:06 AM

ياكاتب التاريخ وشلون ننسى؟=مواقفٍ نسيانها صعب جداً
إيطاليا والبرتغال وفرنسا=عقب اقبلن دارن ورا واستعدّن
باسباب بلقيس وخديجه وخنسا=الباديه فازت على اهل التمدّن

عبدالعزيز الحربي

10-31-2011, 02:24 PM

رماني بنظرة عيونه وقفّى=مفروض يوم انه رماني يجيني
والاّ لو انه قبل اشوفه تخفّى=ولاحط عينه يوم شفته بعيني
والا مثل ما ولع النار طفّى=يعني ربط وصله بحبلٍ متيني
لو هو فعل ذا الفعل وفّى وكفّى=ولاطشّني في سجن حبّه سجيني

عبدالعزيز الحربي

11-01-2011, 02:46 PM

شفت الآسى والحزن في وجهه وقلت=وش فيك؟ قال الحزن دمّر حياتي
انا بعد ماكنت طيّب تحوّلت=إلى بشر والهمّ غاية صفاتي
قلت انت لو دققت بالناس (حصلت)=ناسٍ تموت وناس راحوا شتاتي
تراك لو تضحك دقيقه توصّلت=إلى انشراح الصدر واقبل وصاتي

عبدالعزيز الحربي

11-01-2011, 03:08 PM

حبّك مسوي بالعروق انتفاضه=يدعو ويرفع لافتات المودّه
ضغط الغلا في رفعته وانخفاضه=منه الهواوي يمكن يبيح يسدّه

عبدالعزيز الحربي

11-01-2011, 11:09 PM

كلام عيون وشوية مشاعر=يزيد الشوق وتزيد العواطف
وقولوا قال هذا القول شاعر=عيون البنت تملك برق خاطف

عبدالعزيز الحربي

11-04-2011, 02:17 AM

ياللي خذيت القلب واشغلني غلاك=أجل ماقيل: العفو عند المقدره؟
(العفو) يعني (وصل) والوصل اشتباك=في مصطلح علم الغلا .. والمعذره

عبدالعزيز الحربي

11-06-2011, 08:28 AM

كل عامٍ وانتم بخير ومن العايدين=ياعساها فرحةٍ شامله في كل عام
أبرك الساعات ساعه بها الفرحه تبين=والصدور وساع والوجه يعلوه ابتسام

عبدالعزيز الحربي

11-07-2011, 01:07 AM

واصلي مشوار عزّك ياوصال=ياقناة الوصل بين المومنين
وضّحي للجاهـل اللـي لا يـزال=يحسب ان الرفض دين المسلمين
واشرحي له سنّـة الله باعتدال=ياعسى يقطع شكوكه باليقيـن
نبّهي من كان عايـش بالخيال=جعلها تصحـي قلـوب الغافليـن
ياصهيب اطرح على الشيعه سؤال=وش يخلّي قبلة الله قبلتين؟
قبلة الاسلام مافيها جدال=وسط مكّه بيت رب العالمين
والمجوسي لو سألته كان قال:=قبلته في كربلا قبر الحسين
ياشيوخ الرافضه رمز الضلال=مايغر الناس كذب معمّمين
صرتوا لفعل الردا مضرب مثال=تعملون لصالح ابليس اللعين
كم حرامٍ تزعمـون انـه حـلال=كم تنحيتوا عـن الحق المبين
تفرضون الخمس فرض الاحتلال=لجل جمع الارصده يامجرمين
واعظم من الخمس تقيه واحتيال=واتّباع لكل حلاّفٍ مهين
والتّمتّع ياخبيثين الخصال=شي ماسووه حتى الملحدين
باختصار اقول لو فيكم رجال=كان ماعثتوا باهلكم مفسدين
ورغم هذا تدّعون الامتثال=باتّباع الدين وانتم كاذبين
كل دعواكم تناقض وانحلال=أي مذهب ياروافض واي دين؟

عبدالعزيز الحربي

11-10-2011, 02:39 AM

خذ جميع اللي تبي منّي وعطني ثلاث:=(الوفا) (والفزعه بوقتها) (والاحترام)
الغلا من دون آثر مثل بيت بدون آثاث=كان تغلي صاحبك هات فعل بلا كلام

عبدالعزيز الحربي

11-17-2011, 01:36 AM

يقول ماعندك غزل قلت عندي=أكثر قصيدي بالغزل له علاقه!
لكن لازلت بفيلق الحب جندي=أعمل على ربط الوفا بالصداقه

عبدالعزيز الحربي

11-19-2011, 01:50 AM

مايسب اصحاب سيد البشر غير المجوس=والمجوس اصحاب تاريخ في نشر الفساد
شغلهم في علم الافلاس تقديم الدروس=وزرعهم فتنه وتدليس والذلّ الحصاد

.

عبدالعزيز الحربي

11-19-2011, 01:59 AM

الذين يشاهدون محتوى الموضوع الآن : 2 ( الأعضاء 2 والزوار 0)
‏عبدالعزيز الحربي, ‏غلا القحطاني

هلابك أختي

شرّفني تواجدك هنا

عبدالعزيز الحربي

11-19-2011, 01:22 PM

أغليك واسمحلي على كلمة أغليك=غصبٍ علي اغليك ماهو بكيفي
قلي متى تزعل علشان اراضيك؟=وليارضيت ادخل بجوٍٍّ لطيفي
ان جيت اباخذ منك بالطيب واعطيك=وان غبت جتك رسالتي عبر طيفي

عبدالعزيز الحربي

11-19-2011, 08:00 PM

يارب عفوك ياعظيمٍ فوق عرشك معتلي=ما كنّ باقي بالعرب نخوه ولا معروف ابد!
أخواننا في سوريا تذبح كما ذبح الطلي=وحنّا ولا كأنّ يحدث شي في ذاك البلد!

عبدالعزيز الحربي

11-21-2011, 01:33 PM

الشعر في هذا الزمن محصور في شعر الغزل=والا لاتتعب نفسك وتنظم من الشعر اجزله
يالشاعر الموهوب خل الشعر لاهله!! واعتزل=ماعاد لك في ساحة الشعّار قدر ومنزله

عبدالعزيز الحربي

11-22-2011, 01:06 AM

ياحبيبٍ لن رضي والاّ زعل=آخذٍ قلبي بكلتا الحالتين
ما أقول انه خليّ من الزلل=بس حبّي له يقينٍ في يقين
كل ماشفته تجددلي آمل=واستفزّ القلب باشواق وحنين
أصبحت دنياي من دونه ملل=توّي استوعب حياة العاشقين

عبدالعزيز الحربي

11-22-2011, 07:45 PM

الله يوسع قبر ريم النهاري=ويجعلّها في جنّة الخلد منزال
يبقالها بالطيب مفعول ساري=لو هي توفّت فعلها حي لازال
تشهدلها جدّه ومن كان داري=عن فعلها اللي عاش باسبابه اطفال
ياوقت سجّل للبطوله مواري=واحفظ خبرها في سجلاّت الابطال

عبدالعزيز الحربي

11-22-2011, 08:06 PM

الذين يشاهدون محتوى الموضوع الآن : 3 ( الأعضاء 2 والزوار 1)
‏عبدالعزيز الحربي, ‏ريتاج

ياهلا ومرحبا في ريتاج

عبدالعزيز الحربي

11-22-2011, 08:21 PM

الذين يشاهدون محتوى الموضوع الآن : 3 ( الأعضاء 2 والزوار 1)
‏عبدالعزيز الحربي, ‏خواطر

أهلاً وسهلاً ياخواطر
حياك الله

عبدالعزيز الحربي

11-25-2011, 12:16 AM

ودّي اسـأل واعـرف الرد لاكن منحـرج!=كيف ابسأل واحدٍ ذابحه زود الخجل؟
هل خـرج دجّـال الاحزان والاّ ماخـرج؟=ماسألت الناس عن علم غيب ولا أجل
راكب اللي مابعــد طـبّ الارض ولا درج=توّ مادقّـيت سلـفـه على حـروة عجـل
رنـج روفـر لعـطـا الخـطّ يمشي ويهـرج=هرجـةٍ للحفـظ تحتاج قاموس وسجـل
يطـوي السكّـه طــوي لا يمـيـل ولا يـرج=ناحـرلّـه واحــدٍ مـن عـذاب الله وجـل
يسألـه لـيـه الحـجــل ينكـر عـيال الدرج؟=والدرج مايعترف في سلالات الحجل!
وليه عاقـل قوم بقعـاء بعد عقلـه مـرج؟=وليه بستان الفواكه بـدا يـنـتـج فجـل؟!
وليه أبـو زيـد الهـلالـي يدوبـح ويعــرج؟!=مابه ألاّ العافـيـه واللكـاعـه والدجـل
وكان جاوب يدخل السحب واسمه يندرج=وبالنهايه يطلع الرجل من شبه الرجل
ماله ألاّ الصــبر والصـبر مفـتاح الفـرج=يكفـي الجـدّين شوف الحفيد من النجل

عبدالعزيز الحربي

11-25-2011, 10:54 AM

رسالة وفا عنوانها (جاري الارسال)=إلى من عيوني بالمحاجر يشيلنّه
تراني بدونك ماتهنّا براحة بال=حضورك ربيع وغيبتك لاهب الكنّه
الا ياعيونٍ صرتي لصاحبي منزال=آمانه تحفظينه ولا تغفلي عنّه

عبدالعزيز الحربي

11-25-2011, 07:36 PM

كان الغلا يستوجب الموت ياسعود=اموت في طيبه واموت بغلاها
الديره اللي حبّها ماله حدود=معذور لو قدّمت روحي فداها

عبدالعزيز الحربي

11-25-2011, 11:51 PM

ألا ياللي بعضك يثير أحاسيسي ويجذبها=أجل كلّك خطير انّه يزلزل كلّ ما فيني
مادام الروح يمّك تقترب حاول تقرّبها=لا تبعد ثمّ تبعد عن حلاوة نومها عيني
تلقّى الدرس عن علم المحبّه من مجرّبها=وخلّ اللي محبّتهم ماهي بالعقل والديني
ترا دنيا المحبّه بين موجبها وسالبها=أمورٍ خافيه تحتاج إلى تدقيق يازيني
ونفس العبد تعصى العبد لين العبد يدّبها=ولو كلٍّ عصى نفسه ما تقواه الشياطيني

عبدالعزيز الحربي

11-29-2011, 02:54 AM

إسبح في بحر خيالك وابحث عن لؤلؤة أفكارك , فإن لم تجدها ,, فابحث عن نفسك لأنّك غير موجود .

عبدالعزيز الحربي

11-29-2011, 02:55 AM

لن أدع هجمات بُعدك القاسي تدمّر مُدن مشاعري .. ومنشآت أحلامي .. وطُرق خيالي المعبّدة بآثار رحيلك ...

سأقابل عدوان هجرك بتسامح صبري .

عبدالعزيز الحربي

11-29-2011, 03:11 AM

ان جيت أبسرد قصّتي للعرب سرد=ملّيت منها ثمّ قمـت اختصرها
أشعر كأنّي جمع والمجتمع فـرد=لي نظرةٍ ماشفت مثلي نظرها

عبدالعزيز الحربي

11-29-2011, 03:17 AM

مشتاق لك شوقٍ شديد التهوّر=إشتقت لك بالحيل حتّى تهوّرت
محبّتي تفوق حجم التصوّر=ماتستطيع تشوفها لو تصوّرت

عبدالعزيز الحربي

12-01-2011, 06:42 PM

كلٍ يقول احبّ والحبّ بلوى=لو بينه وبين المحبّه حواجز
ويقول انا للزين بس اتحلوى=وعن وصف حبّي لاريش العين عاجز
تلعب على حبلين ياطير شلوى=بالقول ناجز بالعمل غير ناجز

عبدالعزيز الحربي

12-08-2011, 05:06 PM

الكذب

تلك العادة البشعة الذميمة
صفة نبذتها العرب قبل الإسلام
ثم جاء الإسلام بالتشديد على نبذها
كما جاء في الحديث الصحيح عندما سئل عليه الصلاة والسلام : هل يكذب المؤمن ؟ فأجاب : ( لا ) .

وفي هذا الزمان - مع الآسف - لم يعد الكذب منبوذاً كما كان .. وبدأ يهون أمر الكذاب عند الناس حتى أصبح الرجل يكذب ولا يستحي , ولا يخجل حتى لو أكتشف الناس كذبته !! ..

نسأل الله السلامة من كل أثم .

عبدالعزيز الحربي

12-11-2011, 02:45 PM

http://www.youtube.com/watch?v=G8tWPMaHngc

عبدالعزيز الحربي

12-21-2011, 01:55 AM

عندما يتكلّم العالم عن الواقع :-

http://www.youtube.com/watch?v=GGAR46YY1jo

عبدالعزيز الحربي

12-23-2011, 01:41 AM

لاصار عندك مشكله وانت مجروح=إبدا بحل المشكله واترك الجرح
المشكله حاجه تجي وقت وتروح=والجرح يبغى كشف طبّي مع الشرح

عبدالعزيز الحربي

12-28-2011, 03:03 AM

في عصر البلاك بيري والآيفون وانشغال الناس عن بعضهم بسببهما ,, دفع ذلك إحدى الأمّهات إلى عمل ما هو موضح بالصورة المرفقة ...

عزيزي القاريء أنظر الصورة المرفقة ...

عبدالعزيز الحربي

12-28-2011, 03:17 AM

الذين يشاهدون محتوى الموضوع الآن : 2 ( الأعضاء 2 والزوار 0)
‏عبدالعزيز الحربي, ‏نسناس الهوى+

أهـــــــــــــلاً وسهــــــلاً
بمشرفتنا القديرة

عبدالعزيز الحربي

12-29-2011, 02:33 AM

الثقة بالنفس لا تعني أن يكرر المرء مقولة : (أنا واثق بنفسي) ويعوّد لسانه على ذكرها سواء كان ذلك بمناسبة أو بغير مناسبة ,,
إنما هي خصلة يجدها الإنسان في نفسه عند المواقف الجادة أما أن تنظر إلى الناس بنصف العين -كما يقال- وتبرر ذلك بالثقة في نفسك ! فلا يقبل العقل هذا أبداً , ومن كانت به هذه الصفة الآخيرة فليعلم أنه مسكين لا أكثر ولا أقل .

عبدالعزيز الحربي

12-29-2011, 03:26 AM

ماينفع الانسان غير الصدق في كل الامور=ولا يهلك الانسان غير الكذب .. والكاذب حقير
أحقر بشر تلقاه دايم في سواليفه يدور=لو قال انا خضت البحر تراه سابحله غدير
ولياكشفته قال كنت امزح وانا عبدٍ صبور=ماهمّني لو قلتلي كذّاب انا عقلي كبير!

عبدالعزيز الحربي

01-01-2012, 02:17 PM

لا تزال العصبيّة تعيث بالصدور فساداً

عبدالعزيز الحربي

01-05-2012, 02:45 AM

حاولت أحط الصورة هنا لأنها متناسقة مع الأبيات / لكن عيّت تجي معي مادري وش علّتها؟؟؟
فما كان مني إلا أن أرفقت الصورة مع المشاركة .

هذا مصير الطاغيه بشّار والبوطي معه=ماعاش راسٍ يستلذّ بسفك دمّ الابريا
ياسوريا ترا دعاكم بالاذاني نسمعه=لكنّ من دون الفقارى حال حكم الاثريا
واللي تسمّى جامعه فعلاً تراها جامعه=لكنّها تجمع ما بين ابليس واصحاب الريا

.

عبدالعزيز الحربي

01-08-2012, 01:21 AM

العيون السود فيها المراره والحلا=أترك التفصيل للي كلامي يفهمه
والله ان الآدمي في حياته مبتلا=والحظيظ اللي ضميره لرشده يزهمه
مار ياقلبٍ تجاوزت مقياس الغلا=المحبّه سرّ والسرّ لازم تكتمه

عبدالعزيز الحربي

01-12-2012, 02:36 AM

لقد آلمني خبر وفاة والد أخي العزيز : راكان العتيبي

ولا أقول إلا ما يرضي الله سبحانه

عظّم الله أجركم أخي راكان وأحسن الله عزاءكم

أسأل الله الرحيم الكريم أن يرحم والدك رحمةً واسعه ويغفر له ويدخلة جنة النعيم

إنّا لله وإنّا إليه راجعـــون .

عبدالعزيز الحربي

01-17-2012, 04:25 AM

فيه ناس تنصح وكلامها مظبوط واخلاقها عاليه لكن ما ودك تنظر لصورته الرمزية ! ...

لأنها مناقضة تماماً لجميع ما ذكر .

عبدالعزيز الحربي

01-18-2012, 01:09 AM

خالد ولد مشعل تغيّر نظامه=من خدمة الاسلام الى خدمة ايران
بانت عليه من المذلّه علامه=واصبح رفيق الرافضي وابن علمان

عبدالعزيز الحربي

01-23-2012, 04:02 AM

ياركني الهادي عسى مابك اخلاف؟=متغيرٍ وجهك وخربان طبعك
كنّك قصيدة شعر وقفت على قاف:=أو بالأصح انسان خيّبت ربعك

عبدالعزيز الحربي

01-23-2012, 04:27 AM

ياراكب الدجّه على خط الافلاس=متوجّهٍ للنخوله واللعانه
شايل من الضيعه كراتين واكياس=وليانشدته قام يشكي زمانه
ان طعت شوري عوّد وقول لاباس=ارجع ورجّع كل شي بمكانه
والاّ ترا بقعا تهددلها ناس=ولابين بقعا والاوادم ميانه

عبدالعزيز الحربي

01-25-2012, 02:38 AM

الا ياجاري الارسال بلّغ جاري الارسال=عن الموضوع والموضوع سرّي بيني وبينك!
اشوف الوقت متغيّر وابشرح واضرب الامثال:=تلاقي فك رمز اللغز بين احساسك وعينك

عبدالعزيز الحربي

01-29-2012, 12:37 AM

أرفع مقامي عن كلام المساكين=اللي سوالفهم رخيصٍ ثمنها
مالي ومال مسحّبين الجوالين=ناسٍ تحوس السالفه وتعجنها
حكي العرب بعيونهم ليل ياعين=في رايهم ماحدٍ علومه وزنها
صدفتهم مرّه وجوني مغيرين=بسيوف حكيٍ يعجب العقل منها
أنصحك ياللي فاهمٍ بالقوانين=ان شفت عوجا حاول تصدّ عنها

عبدالعزيز الحربي

01-31-2012, 01:22 AM

http://a3.sphotos.ak.fbcdn.net/hphotos-ak-snc6/254258_121191984633108_100002269218786_195944_5073 304_n.jpg

يجب علينا ان نفتخر بهذا الرجل وامثاله , بدلاً من نيوتن وأمثاله

عبدالعزيز الحربي

02-05-2012, 07:52 PM

القاف لامنّه عسرني عسرته=لين اجبره يستسلم ويحترمني
أمّا سردته سرد والاّ اختصرته=أهم شيّ انّه تعب ماهزمني
الركن هذا بالمعاني عمرته=يوم ان سجّات الفكر تقتحمني
وان كان ياهدّاج تيما حضرته=كنّك على نهر الفرات اتعزمني
من سجّل اعجابه بركني شكرته=ومن مرّ ماسلّم ترا ماظلمني

عبدالعزيز الحربي

02-06-2012, 08:33 PM

ودي أسوي مقابلة شخصية مع روحي

( والله فاضي الشغل ) ..

الأسم / كما هو .

العنوان / المدينة المنوّرة .

الهواية / جمع الطوابع هههههه ...
هوايتي : القراءة والبحث في أمهات الكتب - بالذات كتب السيرة النبوية والتاريخ الإسلامي
وكذلك اهوى الشعر العربي الفصيح ولا أنظمه , و الشعر النبطي ولي تجربة معه ولم تفلح كما هو حال شعراء المنتديات والأمسيات الخاصة .

تصدقون تعبت ...

طيّب نستكمل فيما بعد إن شاء الله .

عبدالعزيز الحربي

02-06-2012, 10:29 PM

اقتباس:
المشاركة الأصلية كتبت بواسطة عبدالعزيز الحربي http://m55f.com/vb/Tr/buttons/viewpost.gif (http://m55f.com/vb/showthread.php?p=781964#post781964)
ودي أسوي مقابلة شخصية مع روحي

( والله فاضي الشغل ) ..

الأسم / كما هو .

العنوان / المدينة المنوّرة .

الهواية / جمع الطوابع هههههه ...
هوايتي : القراءة والبحث في أمهات الكتب - بالذات كتب السيرة النبوية والتاريخ الإسلامي
وكذلك اهوى الشعر العربي الفصيح ولا أنظمه , و الشعر النبطي ولي تجربة معه ولم تفلح كما هو حال شعراء المنتديات والأمسيات الخاصة .

تصدقون تعبت ...

طيّب نستكمل فيما بعد إن شاء الله .

عـــــدنا ...
ماشاء الله علينا / شغل على كيف كيفك / شنسوي الدعوى ذمّة :D ,,

أيــه وش كنا نقول ؟؟ ..

الهوايــــة أنتهينـــا منها ..

طـــــــــيّب ...

= س : ما رأيك في منتدى المختلف ؟
= ج : منتدى عادي لا يزيد ولا ينقص عن غيره , إلاّ أنّ اعضاءه نشيطين ماشاء الله .

= س : سبق ان ذكرت عند إفتتاحك هذه المدوّنة بإن حديثك هنا سيكون شعراً , ونراك الان تتحدث شعراً وغيره , هلاّ أخبرتنا عن السبب ؟؟ .
= ج : لأن ليس كل الناس شعراء وليس كل الناس غير شعراء , وبالناس من يحب الشعر وفيهم من لا يحبه ,, ولهذا السبب رأيت أن أنوّع في الطرح , طمعاً في تقديم ما يفيدني ويفيد القاريء الكريم .

= س : عاده تتمنى زوالها من المجتمع ؟
= ج : ليست عادة واحدة , بل عدة عادات , منها على سبيل المثال :
الغيبة - الفضوليّة - (مدح النفس وإشغالها في تقييم الناس ونسيان عيوبها) - الشك وسوء الظن : وهذا داءٌ عضال بدا ينتشر في الآونة الاخيرة .

= س : تكلم عن نفسك باختصار ؟
= ج : سبق ان تحدثت عن ذلك عندما قلت :

عبدالعزيز الحربي انسان عادي=والكبر لله والتواضع فضيله
ياشايفٍ نفسك على الناس غادي=الياحظر طاريك قالوا هبيله

عبدالعزيز الحربي

02-08-2012, 10:16 PM

قلت لأحد اصدقائي :

أبشرك دول الخليج قطعوا العلاقة مع بشار وطردوا سفراءه , فنظر إلي مبتسماً وقال : هذا يعني ان أمريكا قطعت علاقتها مع بشار ,, قلت : يارجل احسن الظن . قال : سنرى .

فكان الامر كما قال .

عبدالعزيز الحربي

02-09-2012, 10:03 PM

حب الوطن ماهو برقصه وتفحيط=متى المحبّه وافقت قلب رقّاص؟؟
الباص دخّن واتّضح فيه تخبيط=لاتنكب الركّاب ياسايق الباص
الوضع مايحتاج فكره وتخطيط=وقّف قبل لايلمس الكهرب الماص
واشرحلهم بالظبط من دون تظبيط=ترا النصيحه ترفع نفوسٍ ارخاص
وان كان سمّيت النصيحه خرابيط=اكتب دعاره واقرها حبّ واخلاص

عبدالعزيز الحربي

02-09-2012, 11:24 PM

يافجر سلّملي على مطلع الشمس=قلّه اذا شاف الضحى يتّصلبي
وان كان ماشاف الضحى من نهار امس=معناه تقويم الخلاوي بطلبي!

عبدالعزيز الحربي

02-10-2012, 12:50 AM

أنا قريتك في كتاب الشوق واحلام الليال=تآليف همسات الضمير وفهرسة صدق الغلا
وارسلت مندوبي عليك وقلتله روح وتعال=لكنّ مندوبي تآخّر ليت ماصابه بلا
بالمختصر يعني فراقك هزّني يابن الحلال=كلمه وابعلنها على المكشوف قدّام الملا

عبدالعزيز الحربي

02-10-2012, 01:25 AM

اطلال البدر , الطرقـا , الغاويه قطر

حـــــــــــياكم الله وياهــــــــــــلا ومرحبا

منوريــــــــن المدوّنه بحظوركم الله لايهينكم

عبدالعزيز الحربي

02-10-2012, 03:03 PM

الذين يشاهدون محتوى الموضوع الآن : 2 ( الأعضاء 2 والزوار 0) ‏عبدالعزيز الحربي (http://www.m55f.com/vb/member.php?u=6454), ‏سحايب عتيبه (http://www.m55f.com/vb/member.php?u=5334)

يامرحبابك ياسحايب عتيبه=ترحيبةٍ مضمونها طيب في طيب
تواجدك ماهو بحاجه غريبه=حيث ان مابك عنصريّه وتعصيب
هذي سواة اهل العقول النجيبه=أهل الوفا والمعرفه والمواجيب

عبدالعزيز الحربي

02-10-2012, 03:20 PM

الذين يشاهدون محتوى الموضوع الآن : 4 ( الأعضاء 3 والزوار 1) ‏عبدالعزيز الحربي, ‏سحايب عتيبه, ‏غلا القحطاني حياكم الله ياسحايب و ياغلا تواجدكم هنا شيء رائع الله يعطيكم العافيه

عبدالعزيز الحربي

02-10-2012, 11:30 PM

هههههههههههههه

:D:D:D:D:D

الجنون آخر الزمن فيها بلا ماهي صاحيه :D

http://www.youtube.com/watch?v=LOz8DPxW23g

.

عبدالعزيز الحربي

02-13-2012, 03:43 AM

تركي حمد هو سيّد الكلب حمزه=والكلب يتبع سيّده شيّ معروف
أول سلاح القوم همزه ولمزه=واليوم فعلٍ للمخاليق مكشوف
القلب من هول الحدث فيه رمزه=واشجع بشر مما حصل ينتفض خوف
المسأله ماهي بضمّه وهمزه=وحروف تغريده على تويتر صفوف
ولاهي على ماقيل خمّه وقمزه=يطلعبها في بعض الاحيان ملقوف
المسأله جرأه بعد كمّ غمزه=على الله المعبود والعالم تشوف
من سافلٍ محفوظ رقمه ورمزه=داخل ملفٍّ وسطه الحقد ملفوف
برعاية الشيطان تركي وحمزه=أصبح لهم على الشياطين معروف

عبدالعزيز الحربي

02-13-2012, 04:00 AM

الذين يشاهدون محتوى الموضوع الآن : 2 ( الأعضاء 2 والزوار 0) ‏عبدالعزيز الحربي (http://www.m55f.com/vb/member.php?u=6454), ‏الـــطـــرقـــاااا (http://www.m55f.com/vb/member.php?u=4623)

أهلاً وسهلاً ومرحباً بك في ركنك الثاني

عبدالعزيز الحربي

02-14-2012, 01:01 PM

قالوا جديدك قلت هذا جديدي=أبيات شعريّه على الطرق الاوّل
الحبّ ساكنّي ومالي وريدي=والشوق مع دمّ العروق يتجوّل
بس اشغليني ياقوافي قصيدي=عن الضروف اللي خبرها مطوّل

عبدالعزيز الحربي

02-14-2012, 11:06 PM

أنا ادري انّك يانور العين مكروبه=مار الطبيب ادمي مايفرج الكربه
مايشفي المبتلا الاّ غافر ذنوبه=اللي خلق جدّنا الاوّل من التربه
قالوا طبيب استشاري قلت والكوبه=متغيّره فطرته ومضيّعٍ دربه
قالوا مادامك تذمّه هات عذروبه=والهرج لاتنطقه حتى تدبّربه
قلت اذكروا فايده وحده من حبوبه؟=ياهل عقولٍ من التضليل مضطربه
قالوا تزيل الالم وتسكّن النوبه=قلت ايه وتخلّي الاعصاب مكتربه
قالوا تفضّل وعطنا باقي عيوبه=قلت اخدعوه النصارى واقلعوا سربه
ينكر حديث النّبي ويخالف اسلوبه=والاّ كلام العلوج الحمر يفخربه

ملاحظــه :
القضيّه المذكوره بالقصيدة مقيّدة وليست مطلقه .

ليس كل الأطبّاء داخلين فيما ذكرناه في القصيدة .

عبدالعزيز الحربي

02-16-2012, 01:02 AM

الكلام اللي يجيب العيد ويسبّب مشاكل=أستعذ بالله منه وقول يالله السلامه
الاوادم من لحوم امواتها وشلون تاكل؟=ياوجيه الخير يازين العقل والاستقامه
لو تموت عقول خلق الله بلشنا بالهياكل=أصلاً الانسان عقل وقلب والباقي علامه

عبدالعزيز الحربي

02-16-2012, 04:38 PM

الحبّ تعريفه على النحو الاتي:=صدق المشاعر قبل صدق الجوارح
مشاعرٍ مابين ذاتك وذاتي=مامِثّلت تمثيل فوق المسارح
على كذا قانون مجرى حياتي=ماهمّني بالنّاس ضاوي وسارح
أكتب على جدار الوله ذكرياتي:=مايقنع الولهان غير التصارح
واسجّ وادله واكتفي في وصاتي=لاقامت افكار الخلايق تطارح

عبدالعزيز الحربي

02-17-2012, 01:55 AM

جامل مع العالم وخلّك شمالي=وعطْ كلّ واحد يارجل قدّ عقله
كذا يقولون انت رجلٍ مثالي=ويشكرك حتى اللي معه نصّ رقله

عبدالعزيز الحربي

02-18-2012, 01:58 AM

بعض البشر يضحك على نفسه ويضحك مادرا=حسب اعتقاده كل خلق الله لرايه يرجعون
لو قلت هذا الدرب قدّامك بدا يرجع ورا=وان قلت بسم الله نبدا قال هات المكرفون
آثر الحسد يسري بليلٍ ياعرب ماينسرا=إلى متى يامعشر الحسّاد وانتم تحسدون؟

عبدالعزيز الحربي

02-18-2012, 08:02 PM

يامتابعين بصمت يامطيب الصمت=بالذات في وقت الريا والمهايط
أنا تراني عن علوم الرخا صمت=وصكّيت هرج الناقص بعرض حايط
وان جات حزات الشدايد تكلّمت=يوم الردي بالكذب يرسم خرايط

عبدالعزيز الحربي

02-18-2012, 08:11 PM

(( خطـــأ .. و .. صــــواب ))

الخطأ : الصراع العربي الإسرائيلي
الصواب : القتال بين المسلمين واليهود

　
　
　
الخطأ : إسرائيل
الصواب : اليهود

　

　
　
　
الخطأ : المسيحيين
الصواب : النصارى

　

　
　

الخطأ : (ص)
الصواب : صلّى الله عليه وسلّم

　

　
　

الخطأ : الدولة الفاطميّة
الصواب : الدولة العبيديّة

　

　
　
الخطأ : حملة تحرير المرأة
الصواب : حملة تدمير المرأة

　

　

　
الخطأ : الأغاني الإسلامية
الصواب : الأناشيد الإسلامية

　

　

　
الخطأ : إيران
الصواب : الفرس

　

　

　
الخطا : الشيعة
الصواب : الرافضة

　

　

　
الخطا : شركة الإتّصالات السعوديّة
الصواب : شركة الإختلاسات السعودية

الخطأ : قناة العربيّة الفضائية
الصواب : قناة العبريّة الفضائية

الخطأ : كم عمرك ؟
الصواب : كم مضى لك من العمر ؟

الخطأ : هدوء الزوايا
الصواب : إشتعال المشاعر

الخطأ : يعطيك العافية
الصواب : الله يعطيك العافيه
.

....

عبدالعزيز الحربي

02-18-2012, 11:31 PM

سجّلت بتويتر وسجّلت بالفيس=أبغى الفوايد مار ما من فوايد
ياباذل المجهود خلف الكواليس=معك اجتمعنا بالهدف والعوايد

عبدالعزيز الحربي

02-19-2012, 02:17 PM

جاري الارسال رغم انقطاع الاتّصال=خطّة التكرار تنفع مع الوقت الطويل
ياهجوسي علّمي صاحبي صعب المنال=ان مابه في مجال التنافس مستحيل
ويش قرّب شاشة المجد من شاشة وصال؟=غير بذل الجهد في ساحة اثبات الدليل

عبدالعزيز الحربي

02-20-2012, 02:47 PM

ياصافي الافكار لاهنت لاهنت=أسمع ترا بعض التفاكير وصلن
تعال نبغى نتّفق بس انا وانت=ولياتّفقنا خبّر الناس واعلن
تقول كنت وكنت واقول وش كنت؟=تقول قاتل نفس واقول فعلاً

عبدالعزيز الحربي

02-20-2012, 03:30 PM

الذين يشاهدون محتوى الموضوع الآن : 2 ( الأعضاء 2 والزوار 0) ‏عبدالعزيز الحربي, ‏خواطر .

مرحبا فيك ياخواطر حياك الله في مدونتك الثانيه

عبدالعزيز الحربي

02-21-2012, 12:08 PM

رسائل .. من جاري الإرسال ...

= رساله إلى سلطان بن نادر : عسى ما شر وينك ؟

= رساله إلى نايف بن جغيثم : سلامات .. عسى المانع خير إن شاء الله ؟ .

= رساله إلى مسلم العوّاد : عسى ماخلاف ؟ فاقدينك من فتره .

= رساله إلى كل معجب بهذه المدونة لكن ضروفه لا تسمح له بذكر ذلك : مقدّر ضروفك .

= رساله إلى زوّار مدوّنتي من خارج المختلف : أود أن اعطي كل واحد منكم تحيّة إحترام وتقدير .

= رسالة إلى كل من يضع صورة مخالفة : الله يهديكم .

عبدالعزيز الحربي

02-27-2012, 10:21 PM

البارح بحايل وهالحين في طيبه=وقبل امس يمّ البكيريّه وخبراها
دربٍ مشيته نهار ودربٍ اسريبه=الفين كيلو بفضل الله طويناها
دنياي تجري وكلّ انسان تجريبه=قامت تحدّاني وقمت اتحدّاها

.

عبدالعزيز الحربي

02-27-2012, 10:47 PM

أركب على اللي لاركبته واستويت مع الطريق=تطري عليك اشعار ابن جدلان يوم انّه شباب
مشي وركود وراحه وسرعه وصدرٍ مايضيق=خمسة شروط اليالتقن فكّن لنظم الشعر باب
الموتر اللي صانعه ماهو من الاصل العريق=من قوم هتلر ياعسى داره مايسقيه السحاب
الياركبته تشعر انّك ظابط برتبة فريق=الحظ قدمك يبتسم والناس تحسبلك حساب

عزيزي الزائر لمشاهدة كامل المحتوى يتوجّب عليك التسجيل أو أضغط صفر للمساعده .

.

عبدالعزيز الحربي

02-28-2012, 01:21 PM

يامرحبا بالزاير اللي لفانا....عد النجوم اللي تشع بسماها

القاف هندسته علشان بلقيس=اللي لها قلبي بسرعه تحرّك
من نظرةٍ هزّت جميع الاحاسيس=ياقلبي ابشر جاك علمٍ يسرّك
أوضّح المقصود من دون تلبيس=يافاهم المقصود لله درّك
جتني من المعبود غصبٍ على ابليس=يابليس اخو مرّه كفى الله شرّك

.

عبدالعزيز الحربي

02-29-2012, 12:21 AM

يامادح الحَجّاج ممكن إجابه؟=قتل الصحابي منقبه أو جريمه؟
ماني بسائل عن خطاه وصوابه=حيث الخطا بالناس عاده قديمه
ولاني بسائل عن عواقب خرابه=لو كان لاعماله عواقب وخيمه
ولاني مثير امور فيها تشابه=تفرحبها اصحاب العقول السقيمه
سألت عن علمٍ سواة السحابه=واضح بمضمونه وبرقه وغيمه
عطني جوابك واعتبرها دعابه=الحقّ مايزعل قويّ العزيمه
وان مالمسنا من طرفك استجابه=تحسب عليك ونعتبرها هزيمه

.

عبدالعزيز الحربي

02-29-2012, 02:52 PM

وكالة (يقولون) الإخبارية

أحفظوا أسمها جيداً , وأياكم أن تصدّقوها , فقد فعلت الأفاعيل بالناس من قبلكم , ففرّقت بين الإخوة والأحبّاء , ومزّقت حبال الصلة بين الآرحام . ولازالت تنفث سمومها فاحذروها .

.

عبدالعزيز الحربي

03-01-2012, 01:11 AM

ياللي تحلّ اللغز ابنشدك عن بنت=لها قبيلٍ لاقبلت به قبلها
ماشافها غيرك ولاشفتها أنت=دايم على الحروه طبيعة عملها

.

عبدالعزيز الحربي

03-01-2012, 01:41 AM

الذين يشاهدون محتوى الموضوع الآن : 3 ( الأعضاء 2 والزوار 1) ‏عبدالعزيز الحربي (http://www.m55f.com/vb/member.php?u=6454), ‏نرجسيه (http://www.m55f.com/vb/member.php?u=6055)

حياك الله يانرجسيه

عبدالعزيز الحربي

03-03-2012, 10:54 PM

نقولها بصراحه :
بدأنا نشك في إسلام المسلمين وفي عروبة العرب
لو كنّا نكلّم حجراً لنطق ..
نقول للمسلمين :
لقد مللنا الكلام معكم ولكن عند الله تجتمع الخصوم .

هادي - مراسل قناة وصال - من سوريا الحرّة .

عبدالعزيز الحربي

03-05-2012, 11:25 PM

بعض العرب ينشب بحلقك ويبلشك=يبغى يحدّك للردا . ليه؟ مادري!
وليابغيت تناقشه مايناقشك=ولسان حاله ينطق : الناس حدري!
مسكين ياللي شوفة النفس تنعشك=والحمد لله عنك مرفوع قدري

عبدالعزيز الحربي

03-06-2012, 09:13 PM

سجّة فكر جتني وانا في مكاني=وصلتبي الصمّان ثمّ ارجعتبي
ياسامعي خذ رمز بعض المعاني=ولياقريت اقرا عناوين كتبي
تدري وش اللي صارلي في زماني؟=وتدري الى وين الدروب انتهتبي؟
أخذ الجواب اللي عليه الضماني=واترك علومٍ لانتحيت انتحتبي
لقيت مخلوقٍ زهمته وجاني=شكله وسيم ونظرته شرشحتبي
قلت استرح قال استرحت وتراني=ماكنت ابجلس والضروف اجلستبي!
قلت القمر والاّ سهيل اليماني؟=قال الثريّا والنجوم اسكنتبي
قلت اعتبرتك واحدٍ من خواني=قال ايه بس عيونك مشوّشتبي
قلت انت مجرم قال مجرم وجاني=واروحك اللي زرتها وابتلتبي
أثر المودّه شكلها شكل ثاني=كيف ابتدت ثمّ انتهت وابتدتبي!