ليش ؟ ( موضوع متجدد )

[حنان الكثيري]

بسم الله الرحمن الرحيم ..


هذي مجموعه من التساؤلات دايم تحوس وتدور ببالي ..

بعض منها لقيت له اجوبه مقنعه اقنعتني ..

والبعض الاخر لقيت اجوبه حييييرتي ..

بطرح هالتساؤلات وقولي لي جوابكم لعل وعسى اشبع فضولي واقتنع >> أحب اقناع نفسي

انا بكتب الي اذكرهم حالياً وكل ما تذكرت بجي واسأل بـ ليشش ..

والي يبي يسأل حيآآه الله لحد يخلي سؤال بخاطره ..

آقنعوووو انفسسكم واشبعو فضولكم يآ اخووه ..

..

ليش اذا كنت حقيير ونذل وقاسي كل الناس تمد لك ايدينها ويسون لك { يا دهينا لا تنكتين } ؟

لهدرجه صار الوفي كائن منبوذ ؟

>>
قبل كنت اقول لآ هالمقوله خاطئه وشلون انا اسمح لنفسي اني اماشي حقير او نذل ؟

لكن الحين صارت لي سالفه مع انسانه ارتحت لها حيييييل وتعلقت فيها وهي الانسانه الوحيده الي كنت افضففض لها عن الي بداخلي بوضوح والحين وينها هي ؟

رآآآآحــت ؟

استقلت قطآر الفراق وراحت والاسباب تافهه لو بذكرها يمكن تضحكون عليها ..


..


ليش لما تحب شخص وتتقرب منه يعتقد انك جايه عشان مصلحه ؟

لهدرجه سوء الظن امتلكهم ؟


>>

انا ما ادري عن الشباب بس في بنات واجد بالمدرسسه اشوفهم قاعدين بروحهم ولما اروح اقعد اسولف واضحك معاهم يعتقدون بأني متقربه لهم عشان مصلحه دراسيه { سحقاً لعقولهم }


..

ليش دايم لآ غلطت البنت انقلبت الدنيا وقامت قيامتها والصبي لآ غلط عآدي ..

لهدرجه { الذكور } مقدسين يعني ؟


>>

والدليل الحين لما الاهل يكتشفون ان البنت مع علآقه مع اي شخص تلقون الاهل يعصبون ويحرمونها من اشياء واجد لدرجه ان اول شخص يطق الباب يحذفونها عليه عشان ما تجيب لهم { العار }

وفي كلمه غاثتني كل ما تحجيت مع احد بهالموضوع قال لي { الرجال شايل عيبه }

تذكيير :
الانسان مو معصوم عن الغلط ..

..


ليش احنا يالـ { بدو } نتبع عادات وتقاليد ماندري ليش هي موجوده لدرجه ان الولد او البنت مايتزوج الا من قبيلته ؟

لهدرجه ماتبون الانساب تختلط ؟


>>

حالياً لو فلآن الفلآني خطب علآنه العلآنيه اهلها يرفضون ليش ؟
لآن قبيلة الفلآني غير عن قبيلة العلآني
ويقعدون يطلعون لك عيييييييييييييوب الدنيا بهالقبيله
والسسبب الثاني هو ..
لآن جد جد جد جد ...الخ جدنا الاولاني قال جذي
انزين ليش قال جذي
الله واعلم قال جذي وخلآص ..

..


ليشش { العيب } المقصد منه يختلف عن معناه ؟
المقصد : شي مو عاجبنا
معناه : شي محرم


>>

في بنت اعرفها سألتني مره عن البي بي وشلون استخدامه وجذي المهم ان مدحته لها لآنه عاجبني والبنت تحمست عشان تشتريه وقالت لي خلآص انا بششتريه ..

المهم الحبيبه بعد فتره شفتها بـ مكآن عآم وقعدت معاها واستغربت ان جهازها نوكيا !

قلت لها ليش ماشريتي بلآك بيري ؟

قالت : ابوي يقول ان عيب البنت يكون عندها بلآك بيري تبين الناس باجر يقولون { بنت فلآن عندها بلآك بيري ؟ }

..


ليش كل بيت فيه خدامتين او ثلآث يعني لهدرجه احنا كسسله ؟

>> هالسؤال جوابه حيل معقدني احيان لما اسأله امي تقول خلآص خلينا نسفر الخدم وانتي اخدمينا ؟
أقول لها لآ ماراح اقدر لآن انا من وعيت ع هالدنيا وانا ع الخدم يعني لو ما انتو عودتونا ع الخدم جان عادي بس احسه غلط ان نعتمد اعتماد كلي عليهم !


مخي مصاب بالشلل الموقت مو قادره اذكر بعد ..

جآوبو ع هالكومه من الاسئله ع ما اتذكر ..

[نايف السبيعي]

اسئلة محيرة .. كحيرتنا في بعض الاشخاص ودنيا التعيد

ساجاوب بالعموم

ان الاشخاص تغيروا .. واصبحت المصلحة تسير في دماء الناس

وحب الوصول والتسلق سمة الغالب إلا من رحم ربي

فلا تفضيل ولا إيثار ولا هم يحزنون

شكرا غلاي

[حنان الكثيري]

اهلن صديقي ..


تجميعك للأجوبه بجوااب واحد زادني حيييره ؟

مو السبب ان الناس تغيرو ؟

لآ

لو انها ع الناس جان ليش قبل هم بعد يقدسون الرجل ؟

وليش وليش وليش ..

جواب مو مقنع صديقي ..

[نسناس الهوى]

ججز مقعد ولي باك عقب تروي!..^_^

[نـــــــــ๏̯͡๏ــــزف..!]

المزاج مااااش

لي عوده على رواااق

شكرا لتس

[حنان الكثيري]

نسسنووسه + سرووب ...

بأنتظاركم

[حنان الكثيري]

وازيد علييهآآ بعد ..


ليش بطابور الصباح يجبرونا ع قول { النششيد الوطني } واحنا يالله نقدر نبطل عيونا ومصدعين من الشمس ؟

اوكي احنا نحب الوطن ونموووت فييه بعد بسس مو من حقكم تجبرروننا وتعاقبون وتتهمونا بـ عدم حبنا للوطن

لهدرجه صار حب الوطن كله بـ النششيد ؟

لآ الحب بالتضحيه والآخلآص له والدراسه والعمل من اجل رقييييه ..

[مطلق الفليت]

حنان

للي عوده بعد منام وشبع نوم وصحصح زين


لني الآن دخة من الاسئله


اللي لازم يرد عليها وتستحق الرد




أحتراااااااااااااااااااااااااامي

[حنان الكثيري]

مطلق نوووم العوافي بأنتظارك ..

[غرام أطفال]

ليش اذا كنت حقيير ونذل وقاسي كل الناس تمد لك ايدينها ويسون لك { يا دهينا لا تنكتين } ؟

لهدرجه صار الوفي كائن منبوذ ؟
لأن الوفآ مآعآد له مكآن في القلوب اللتي بآعت ضمآئرهآ


ليش لما تحب شخص وتتقرب منه يعتقد انك جايه عشان مصلحه ؟

لهدرجه سوء الظن امتلكهم ؟

مثل مآيفكر هو ان التقرب منه لأجل مصلحه ثقي ثقه تآمه انه انسآن فيه من التفكير السلبي مآيكفي لملء عقول البشر بآكملهآ(ونفس التفكير الدآرج عند آغلب الشبآب كذلك وليس فقط عند البنآت)


ليش دايم لآ غلطت البنت انقلبت الدنيا وقامت قيامتها والصبي لآ غلط عآدي ..

لهدرجه { الذكور } مقدسين يعني ؟

ليس موضوع تقديس آخيتي ولكن غلطة الشآطر بألف


ليش احنا يالـ { بدو } نتبع عادات وتقاليد ماندري ليش هي موجوده لدرجه ان الولد او البنت مايتزوج الا من قبيلته ؟

لهدرجه ماتبون الانساب تختلط ؟

ليس الموضوع أختلاط الآنسآب
انمآ هي عآدآت تدل على تفكير متحجر ربت معهم ونمت فيهم منذ الأزل ويرون بآن التخلي عنها يجلب لهم اللوم ويعرضهم للكلام الجآرح بحكم انهم يرون ان الفتاه اذآ خرجت من قبيلتها يظن الآفرآد الآخرون بأن خروجها عن قبيلتها لوجود عيب فيهآ

ليش كل بيت فيه خدامتين او ثلآث يعني لهدرجه احنا كسسله ؟

ليس الموضوع كسل انمآ هو تفآخر وآتكآليه

آترك الآجآبة على الأسئله الآخرى لأخوآني
تقبلي مروري

[حنان الكثيري]

ليش اذا كنت حقيير ونذل وقاسي كل الناس تمد لك ايدينها ويسون لك { يا دهينا لا تنكتين } ؟

لهدرجه صار الوفي كائن منبوذ ؟
لأن الوفآ مآعآد له مكآن في القلوب اللتي بآعت ضمآئرهآ


أي ليشش باعت ضمائرها ؟

وكيف لها ان تعيشش من غير ضمير ؟

عجباً لهم !

[حنان الكثيري]

ليش لما تحب شخص وتتقرب منه يعتقد انك جايه عشان مصلحه ؟

لهدرجه سوء الظن امتلكهم ؟

مثل مآيفكر هو ان التقرب منه لأجل مصلحه ثقي ثقه تآمه انه انسآن فيه من التفكير السلبي مآيكفي لملء عقول البشر بآكملهآ(ونفس التفكير الدآرج عند آغلب الشبآب كذلك وليس فقط عند البنآت)


يعني نقدر نقول { كل من يرى الناس بعين طبعه ؟ }

وطبيعي ان هالشي بأبناء ادم بعد انا ضربت مثال من واقعي وتجربتي الشخصيه مع بنات حووآ ..

[حنان الكثيري]

ليش دايم لآ غلطت البنت انقلبت الدنيا وقامت قيامتها والصبي لآ غلط عآدي ..

لهدرجه { الذكور } مقدسين يعني ؟

ليس موضوع تقديس آخيتي ولكن غلطة الشآطر بألف

يعني احنا شاطر ها ؟

وهم ششنو ؟

جواب مو مقنع !

هالسؤال الكثير والكثير جوابو عليه بـ اجوبه غير مقنعه ما ادري الخلل بـ مخي ولآ بالسؤال !

[حنان الكثيري]

ليش احنا يالـ { بدو } نتبع عادات وتقاليد ماندري ليش هي موجوده لدرجه ان الولد او البنت مايتزوج الا من قبيلته ؟

لهدرجه ماتبون الانساب تختلط ؟

ليس الموضوع أختلاط الآنسآب
انمآ هي عآدآت تدل على تفكير متحجر ربت معهم ونمت فيهم منذ الأزل ويرون بآن التخلي عنها يجلب لهم اللوم ويعرضهم للكلام الجآرح بحكم انهم يرون ان الفتاه اذآ خرجت من قبيلتها يظن الآفرآد الآخرون بأن خروجها عن قبيلتها لوجود عيب فيهآ
سحقاً لذوي العقول المتحجره !

يعني ليش هالمعتقدات الخاطئه وسوء الظن فيها ؟

يمكن ارتاحت له غصب فيها عييب ؟

الحمدالله والششكر لك يا رب

[حنان الكثيري]

ليش كل بيت فيه خدامتين او ثلآث يعني لهدرجه احنا كسسله ؟

ليس الموضوع كسل انمآ هو تفآخر وآتكآليه

لآ تعليق !


مششكوره ع الاجآآبآآآت فدييييتج ؛**

[نسناس الهوى]

حناان..
اممم تساؤلاتك هذي بتشيبك وانتي توك في عمر الزهور ياروحي,
هناك في الحيــآه مسلّمـآت, يعني شئ ماله أصل ولكن ثابت,
مثل قولتك(ألبدو) وغيرها. لكن ترى الناس تغيروا وتطوروا الى الاحسن
يعني فرق واجد بين الحين وأول.
...
طبعا كل شخص يشاهد الاخرين بعين طبعه, فإن كنتي انسانه طيبه
رآح تشوفين الكون كله طيب, والعكس صحيح,

ومجتمع البنات للأسف مجتمع وش اقول لك يعني <تحسسين فيه
حركات واجد مالها داعي , بصرآحه انا أتكلم لكن مو الكل!!
مثل المثآل اللي طرحتيه.
هالنوعيه اضحكي معهم وسولفي ولاتطلبين منهم شئ ابد ولو كنتي محتاجه
وبكذا هو بيستحون ع وجيهم ورآح يحترمونك واجد
, اممممممم بالجامعه انا اسولف مع البنات
وهن بنات نخبه ومحترمات حييل والله وطيبات واخلاقهن
عاليه ومتفوقـآت ولوطلبت عيونهن ماردوني!
مع ذلك عمري ماطلبت شئ منهن تدرين ليشش؟
لأني ماحب اطلب من أحد, فتلاقينهم يقولون: شوشو ها تبين شئ خوذي كتابي
خططي منه او فيه اسئله مهمه نصورلك معنا وكذا. اربع سنوات بالجامعه وهذا اسلوبي,
طبعا مو معناته اني البنت الطيوبه لا اللي أكسر الخاطراو مالي لسآن
بالعكس انا جريئه وعصبيه بعد^_^
, لكن انا اتخذت هالقرآر عفويـآ لكن شفته مجدي.
أممم تساؤلاتك واجد كل شوي بنط واجاوب عليها..
ودي وادام الله فكرك.
شوشو

[حنان الكثيري]

ششوشآآ اذا ع البنآت الي تفكيرهم لـ المصآلح ما احب اقعد معاهم تلقييني كله نجره وعلى اي كلمه تشب النار لآن ماكو توافق فكري فـ تلقيني اتنرفز >> يا شين طبعي !

وانا توني بهالمدرسه جديده جيتها هالكورس فـ حبيت اكون صداقات اللهم يآ كآفي لآ تششوفين الي تقعدين تسولفين معاها تحقق معاج عن نسبتج ومستواج الدراسي وتسأل اسئله عشان تتأكد انج ممتازه وجذي ولما تتأكد وتريح قلبها انج مو جايتها عشان مصلحه اهني ترحب فيييج وتهلي !

وبعدين حتى لو كنت جايتج عشان مصلحه او شي { والحمدالله اني مو بحاجتهم } ما تبين تكسبين اجر فيني ؟

شنو يعني كل واحد يالله نفسسي ؟

اقول لج شي طول عمممررري من المتووسط لي الكورس الاول هالسنه بـ 11 { ثالثه ثنوي } وفي مجموعه من البنات يحبوووني كل بداية كورس وحنان عندهم لآ تششوفين شلون حبهآآ عندهم كل هذا عشان شنو ؟ عشان اغششهم بالامتحان بمادة الرياضيات !

ما اغششهم مو نذاله بس ما ابي ادش اغش ولا اغشش ما احب احس اني اتغافل المراقب واستهين فيه وغير هذا اخاف من ربي ..

بس اساعدهم في حل التطبيقات وغيرهآآ والحمدالله في بنات واجد استفادوو وبس تخلص السنه وتجي السنه الجايه ويكونون مو بصفي تخيلي حتى { السلآم } ما يقولونه !

نآآس غرييييبه والله !

[نسناس الهوى]

بتعيشين وتشوفين
شوفي ياحنـآآن. انتي سوي خير وقطي بحر ي حياتي .
وماكو شئ يضيع عند الله كل شئ محفوظ لك, وبميزآن حسناتك.
اوصيك ونفسي بالصبر!

[حنان الكثيري]

الصـبر مفتآآح الفرررج

[حنان الكثيري]

ليش صآر مجتمعنا مليء بالبويآت والجنووس ؟

لهدرجه مو عاجبتكم خلقة ربكم ؟

..

اليوم بالمدرسه في بنت بعاشر اللهم ياكافي حاكه هالششعر وغير المشيه الخايسه { تعرفون نظام الصبيان الي يعنني انا الرجال شلون يمشي ؟ هذي نفسه } ..

المهم هم عندهم فترتين وبالراحه انا كنت توني طالعه من الامتحان خلاص بروح البيت لآن امتحاني فتره وحده ..

الآ اسمعها تتكلم بالفون { يا حياتي ماتدرين اغار عليج ؟ }

{ خلآص خلآص روحي لها خل تنفعج ولآ تدقين تقولين عبود متضايقه وتيني بس بوقت الضيقه يلا باي }

وسكرته هذي الي مسميه نفسها { عبووود }

رايحه للسياره وعلى وجهي علآمة استفهام ودي اسألها بس خايفه منها شكلها يخرع شكبرها طول بعرض وانا قصيره وضعيفه يعني ماتسوى علي تكفخني :$

ربي يكفييينا ششرج ويهديييج يآآرب

[جريح الصوت]

السلام عليكم

مساءالخيـــر

ممكن اشارك معكم

[حنان الكثيري]

وعليكم السلآم يآ هـلآ اكيييد ممكن والمكان مكانك..

بتسأل بـ ليش أسال ..

بتجاوب ع اسألتي جآآوب ..


بأنتظارك ..

[حنان الكثيري]

وارد لنفس السؤال ..


ليشش عقاب الرجل عندما يزني او يفعل اي شيء اخر يكون مختلف تماماً في هذا المجتمع عن عقاب المرأه ؟

وفي النهايه جميعهم سواسيه وسيعاقبون عند الله نفس العقاب ؟

[حنان الكثيري]

ليش الآهل دآيم يمدحون بعيآل فلآن وعلآن !

ويقولون : اي ماتصيرون نفس فلآن وعلآن ..

ولآ بغينآ شي وقلنآ شوفو فلآن وعلآن عندهم !

قآلو : ماعلينا من فلآن وعلآن علينا بأنفسنا !

كيف يحدث ذلك والتناقض يتجول بيننا ؟

[ابوسعدالبقمي]

ليش اذا كنت حقيير ونذل وقاسي كل الناس تمد لك ايدينها ويسون لك { يا دهينا لا تنكتين } ؟
لأن لهم مصلحه عنده ... زمن المصالح ياكافي

لهدرجه صار الوفي كائن منبوذ ؟
للأسف صار الوفا من صفات الضعف .. وصار الشخص الوفي عرضه للإستغلال
ليش لما تحب شخص وتتقرب منه يعتقد انك جايه عشان مصلحه ؟
احسن شي نحب المسيكين الفقير اللي ماعنده شي هذا انا متأكد ماراح يعتقد انك حابه لمصلحة

لهدرجه سوء الظن امتلكهم ؟
أي لهدرجة وفيه قلة طيبين عسا الله يديمهم وماتخلا الارض من الطيبين لاخلت خربت
ليش دايم لآ غلطت البنت انقلبت الدنيا وقامت قيامتها والصبي لآ غلط عآدي ..
اعتقد قصدك في أمور التعارف واعتقد هذا شي طبيعي في امور غلط البنت فيها كبير وفيه امور غلط الولد فيها اكبر من البنت
يعني مثلا في مسألة اكرام الضيف الفزعة والنخوة غلط الرجل محسوب عليه اما البنت عادي
وبالنسبه للتعارف والعلاقات غلط البنت اكبر

لهدرجه { الذكور } مقدسين يعني ؟
أي لأنهم هم المسؤلين ولازم يكونو قد المسؤليه
مانترك الحبل على الغارب ماننكر ان تصرفات المرأه فيها رعووونه – يجب ان يتدخل الرجل
والله اعطاه الحق وفضله .... ماخلق الله ذلك عبث
ليش احنا يالـ { بدو } نتبع عادات وتقاليد ماندري ليش هي موجوده لدرجه ان الولد او البنت مايتزوج الا من قبيلته ؟
لا الحين عاااادي ... وانا افضل الزواج من الاقارب ليه
يعني لو اتزوجت اختك من قبيله ثانيه ليس لك بهم صلة قراابه يمكن يمره فتره ماتشوفها والصله تكون محدوده بعكس لو خذت ولد عمك تلقا التواصل والتبادل ... قرايب من قبل

لهدرجه ماتبون الانساب تختلط ؟
لا عاااااادي الحين
ليشش { العيب } المقصد منه يختلف عن معناه ؟
المقصد : شي مو عاجبنا
معناه : شي محرم
العيب كل مايخدش الحياء وأغلبه محروم او مكروه شرعا وسبحان الله تجده يخالف الفطرة
ليش كل بيت فيه خدامتين او ثلآث يعني لهدرجه احنا كسسله
لا ذي من اثار الترف والشبعه الله يعطينا خيرها ويكفينا شرها
ليش بطابور الصباح يجبرونا ع قول { النششيد الوطني } واحنا يالله نقدر نبطل عيونا ومصدعين من الشمس
على شان يكتشفووون توجهاتك بس
ليش صآر مجتمعنا مليء بالبويآت والجنووس ؟
هذي ماعرفها والله بس مجتمع البنااات ياكثر دجته ويا قل صلاااااحه وماشيات ع الدبكه مع الخيل ياشقرااا
يالله فالسترررر
ليشش عقاب الرجل عندما يزني او يفعل اي شيء اخر يكون مختلف تماماً في هذا المجتمع عن عقاب المرأه
العقاب شرعا واحد بس النظره يمكن تختلف
ع العموم نظرة الاحتقار تكون للطرفين مرأه ورجل بس البنت يمكن اكثر لأن خطأها في ذي اكبر ولاتقولي ليه
لأنها بنت


حنان يعطيك العافيه دايم مواضيعك هادفة وتحرك عقولنا واقلامنا ..... مو اعلامية خبررررره



(سحقاً لذوي العقول المتحجره)

عاجبتني سحقًا .... هههههه

دمتي اخت حنان بحفظ الرحمن
اخوك

[حنان الكثيري]

ليش اذا كنت حقيير ونذل وقاسي كل الناس تمد لك ايدينها ويسون لك { يا دهينا لا تنكتين } ؟
لأن لهم مصلحه عنده ... زمن المصالح ياكافي
وليش صآر الزمن زمن المصالح ؟
لهدرجه محد يحب الا نفسه ؟
لهدرجه صار الوفي كائن منبوذ ؟
للأسف صار الوفا من صفات الضعف .. وصار الشخص الوفي عرضه للإستغلال

بهذي صدقت !

ليش لما تحب شخص وتتقرب منه يعتقد انك جايه عشان مصلحه ؟
احسن شي نحب المسيكين الفقير اللي ماعنده شي هذا انا متأكد ماراح يعتقد انك حابه لمصلحة

بس اذا مالقيت هالفقير المسكين ؟

اقعد مع نفسي ؟

او اقابل علقات المجتمع ؟

لهدرجه سوء الظن امتلكهم ؟
أي لهدرجة وفيه قلة طيبين عسا الله يديمهم وماتخلا الارض من الطيبين لاخلت خربت

عسآهآ مآتخلى يآرب

ليش دايم لآ غلطت البنت انقلبت الدنيا وقامت قيامتها والصبي لآ غلط عآدي ..
اعتقد قصدك في أمور التعارف واعتقد هذا شي طبيعي في امور غلط البنت فيها كبير وفيه امور غلط الولد فيها اكبر من البنت
يعني مثلا في مسألة اكرام الضيف الفزعة والنخوة غلط الرجل محسوب عليه اما البنت عادي
وبالنسبه للتعارف والعلاقات غلط البنت اكبر

بس تذكر انهم عند ربك سواسيه ليش هالتفرقه ؟

لهدرجه { الذكور } مقدسين يعني ؟
أي لأنهم هم المسؤلين ولازم يكونو قد المسؤليه
مانترك الحبل على الغارب ماننكر ان تصرفات المرأه فيها رعووونه – يجب ان يتدخل الرجل
والله اعطاه الحق وفضله .... ماخلق الله ذلك عبث

والنعم بالله بس المرأه تقدر تدير شؤونها حالها حال الرجال !

ليش احنا يالـ { بدو } نتبع عادات وتقاليد ماندري ليش هي موجوده لدرجه ان الولد او البنت مايتزوج الا من قبيلته ؟
لا الحين عاااادي ... وانا افضل الزواج من الاقارب ليه
يعني لو اتزوجت اختك من قبيله ثانيه ليس لك بهم صلة قراابه يمكن يمره فتره ماتشوفها والصله تكون محدوده بعكس لو خذت ولد عمك تلقا التواصل والتبادل ... قرايب من قبل

لآ مو عآدي ، يمكن عندكم عآدي بس في بعض القبائل مآتآخذ الا من نفس القبيله حتى ولو كانت البنت تبيه ؟

لهدرجه ماتبون الانساب تختلط ؟
لا عاااااادي الحين
ليشش { العيب } المقصد منه يختلف عن معناه ؟
المقصد : شي مو عاجبنا
معناه : شي محرم
العيب كل مايخدش الحياء وأغلبه محروم او مكروه شرعا وسبحان الله تجده يخالف الفطرة

هذا معنى العيب الي طول عمرنا نعرفه لكن حالياُ صآرت كلمت عيب مخصصه للاشياء الي ماتعجبهم !

ليش كل بيت فيه خدامتين او ثلآث يعني لهدرجه احنا كسسله
لا ذي من اثار الترف والشبعه الله يعطينا خيرها ويكفينا شرها


ليش بطابور الصباح يجبرونا ع قول { النششيد الوطني } واحنا يالله نقدر نبطل عيونا ومصدعين من الشمس
على شان يكتشفووون توجهاتك بس

توجهآت شنو ؟

ليش صآر مجتمعنا مليء بالبويآت والجنووس ؟
هذي ماعرفها والله بس مجتمع البنااات ياكثر دجته ويا قل صلاااااحه وماشيات ع الدبكه مع الخيل ياشقرااا
يالله فالسترررر

بويآت = البنت المتحوله الى رجل !

حنوس = الرجل المتحول الى بنت !

هذي هي المعاني ومنتشره اللهم يآكآفي !

وهل السبب هو تقليد الاعمى للغرب ؟

مآدري !


ليشش عقاب الرجل عندما يزني او يفعل اي شيء اخر يكون مختلف تماماً في هذا المجتمع عن عقاب المرأه
العقاب شرعا واحد بس النظره يمكن تختلف
ع العموم نظرة الاحتقار تكون للطرفين مرأه ورجل بس البنت يمكن اكثر لأن خطأها في ذي اكبر ولاتقولي ليه
لأنها بنت



لانها بنت !

ولآنه ولد !

ترى كلهم سواسيه عند ربنآ فـ ليش هالتفرقه ؟


حنان يعطيك العافيه دايم مواضيعك هادفة وتحرك عقولنا واقلامنا ..... مو اعلامية خبررررره

يعافيك وهذا من ذوقك :)




(سحقاً لذوي العقول المتحجره)

عاجبتني سحقًا .... هههههه

دمتي اخت حنان بحفظ الرحمن
اخوك


يمكن عجبتك لآنها طالعه من سويداء قلبي !

ودمت انت ايضاً

شكراً للمناقشه الي اسعدتني آخووي

[راكــــ*العتيـبـي*ـــــان]

حنان

نصيحة لوجه الله...خففي من تساؤلاتك..الأيام كفيلة بتلوين الصورة الغير مفهومة لك...والعقل قد يجدث فيه مالا يحمد عقباه من مثل هذه التساؤلات...هدي اللعب وانتبهي لمستقبلك .. ادعمي طموحك واهدافك بالمعرفة والنظرة الصامتة المتأملة .. في سنك هذا العقل يستوعب بدرجة عالية..اجعليه يستوعب المعرفة والثقافة اللي راح تنورك مع الايام في اجابات كل هذا اللي هنا..بدلا من ان تفحمي عقلك وتفكيرك في تساؤلات لم يحن موعدها...أغلب تساؤلاتك تنطبق على أمور واشخاص وبينما قد لاتنطبق على أمور اخرى واشخاص اخرين سواء كانو قلة أو كثرة..الأمر سيشتتك هنا لأن أي جواب لتساؤل منها تطبقينه في امور حياتك قد يعاكس واقع هذا الامر فيعود بالضرر عليك

نصيحة صغيرة حبيت اشاركك بها..في مثل هذه الامور تكثر الاجابات بين المعقول والفارغ..وهذا سينعكس على استيعابك وسيتفرع تفكيرك في كل مسألة .. واتمنى لكِ كل خير


قلنا نبي مهندسة تنفيذية مو تسوين فيها عمرو خالد الله يسعدك:re:s

[حنان الكثيري]

اوكي مآ آقولك آني مو قآعده آنمي عقلي وآتثقف لآ الحمدالله ، لكل شي وقته ..

بس مجرد آنك تشوف شي يصير جدآمك تتسائل !

واحيان تحس نفسك غبي ع هالتساؤلات !

واشياء تحيييير فعلاً ..

فـ اذا سكت بفكر آكثر !


لكن اذا بطيت الجربه وتحجيت !

آهني بكون آشبعت جزء من الفضول االي بدآخلي ..



منو هذا عمرو خآلد :$

[طرالي الشوق]

قوويه علي يا حنونه المووضوع كبير ويبيله رووواق
بس بعضها مرت علي

[حنان الكثيري]

الآقوى مرورج يآ رجآله :p

ومتى مآ رقتي حيآآج ؛*