(( مـصـافـحـة أولــى ))

[منصور الرويلي]

الشعـر ماهـو لا مسلسـل ولا فـلـم=نبـع الشعـور بـصـدق بــوح وذرابــه
المعنى خال القاف والحـرف لـه عـم=والــوزن لـــه مـــع الـثـلاثـه قـرابــه
والجرح سّيد وأن حضر قيل له سـم=مــــدري قــرابــة دم والا نـســابــه
والشاعـر اللـي بينهـن صــار ملُـهـم=يصـدح علـى سجـع الغـنـا والربـابـه
نـوبً فصيـح لسـان وأحـيـان مبـهـم=وأحـيـان مابـيـن الـطــرب والعـتـابـه
الشعـر نـوض بـروق وأحيـان مجهـم=وأحـيـان مايـعـرف حـــدود الـغـرابـه
أحيـان يفـرج هـم وأحيـان هــو هــم=وأحـيــان جـامــع لـلـفـرح والـكـآبــه
كم يسمع الشاعر صدى قول تسلم=وكـم يعجبـه لــون الــورق والكتـابـه
وأن جيـت أعّـدد كـم ؟ ياكثرهـا كــم=بـس الصحـيـح الشـعـر زاد الغـلابـه

[منصور الرويلي]

ياحرفي العابر لك السالفه جوع =ضماك يحييني وموتي سواقيك
لك الغلا ينبت على صوتي زروع = ونخلة هواجيسي تمدك وتعطيك
..
...
....
ياحرفي الشامخ على الكم والنوع = من معجم الدنيا تخيـّر معانيك
أقراك حتى أقراك وأقراك موضوع = نكهة معاناتي بها ملح طاريك
كان الوفا ماحط قومي لك أربوع = بأسمي تعطر وأنت حاضرك ماضيك
عنك العتب يامترجم الذات مرفوع = مدام نزفك لذته جرح غاليك

[ريم البوادي]

أقراك حتى أقراك وأقراك موضوع

نكهة معاناتي بها ملح طاريك

منصور الرويلي

صح لسانك ولاهنت

و مرحبا ومسهلا في المختلف

تقبل تحيتي

أختك ريم البوادي

[تركي الثبيتي]

أخوي منصور الوايلي

لا شك إن وراء النصين شاعر متمكن

وكل قصيدة منها تحمل من الروعة الكثير

ولكن لم أفهم لماذا قصيدتين في موضوع واحد

مع إنه يمكن فصلها في موضوعين

لتأخذ كل قصيدة حقها من المشاركات والمشاهدة

على العموم صح لسآنك يالقرم وما تهون

______________

في أردت جعل كل قصيدة في موضوع

إرجع لمشرف القسم وما بيقصر معك

وشكرآ ..

[مشاعل الدوسري]

منصور الوايلي ... حياك الله في منتداك ولا تحرمنا من جديدك



وصح لسانك على القصيدتين .... احساس جميل


تحياتي

شـــــعلة الفيــــصل

[منصور الرويلي]

الريم

الشكر والتقدير لك

[منصور الرويلي]

أحبك حب لو تعرف كم أحبك بلا حسبان = كرهت اللي يحبونك وجيت الحب من شأني
تخيل لا تذكرتك ذكرت البحر والطوفان = ولامن غبت عن شوفي لقيتك داخل أعياني
أحس الكون من بعدك متاهات وقهر وأحزان = أنا بعدك كذا عايش مابين الهم وأحزاني
عرفتك مرهفٍ حسـّـاس عطوفٍ تكرة الحرمان = أجل ماهي بمعقوله تصير أسباب حرماني
وأذا ماجابني هاجس ولا ذكرى ولا تحنان = يا أن الوقت متغــّير ؟ يا أنك واحدن ثاني
دخيلك كيف ماتذكر حنين الشوق والوجدان =عزف لك صادق أحساسي مشاعر نبض وجداني
دخيلك لصفا جوك تذكــّر لك بقايا أنسان = لعلك تذكر أجناني ليا من صرت وحداني
تذكرتك ؟ تذكرني ؟ تذكر وقتنا اللي كان = تذكر كيف أغني لك وحضورك يربك أوزاني
تبادلني هلا عيني .. هلابك ياقرب الخلان = وكل ماغبت عن عينيك تدوّر لين تلقاني
أقدم لك قصيدة حب عروس ولابسه فستان = ذهبها بعض من روحي فدتك حروف قيفاني
من أول لاكتبت أسمك أحس بنشوة الكسبان = ولاكنه غدا هالحين يذكـّـرني بخسراني
خسرت أرضاك بجنوني وأنا المخطي وأنا الغلطان = حشى لله ماتخطي ولالك ذنب بجناني
ورجعت أرتب أوراقي وضاع الرقم والعنوان = وعساه ليا قرأ شعري ذكر رقمي وعنواني

[محمد بن عجيل الهاجري]

صح الله السانك يارويلي وافي جعلك اتحيا

[منصور الرويلي]

تسلم ياتركي

وجهك أبيض ياعتيبي

[منصور الرويلي]

تركي الثبيتي

الشكر والتقدير لك