محمد البراق
11-29-2008, 09:26 AM
السلام علاكم ورحمة الله وبركاته
تلقيت دعوه ولبيتها
وانشالله اكون عند حسن ظنونكم وهقاويكم
لكم القصيده
,,
لو كل من يبكي يحصل مراده = والله لتلقا كل الاجناس يبكون
مير البكا للي عليه القراده = الله يعين الي من الوقت مغبون
أحدن همومه بالحياه السعاده = وأحدن همومه بالعمر كثرت ديون
وأحدن ينام وحط دونه وساده = وأحدن شكا ليله على خالق الكون
وأحدن شكا هجر الوليف وبعاده = وأحدن حفظ حبه عن الي يعذلون
واحدن سهر ليله صلاه وعباده = واحدن سهر مابين خمرا ومزيون
دنيا بها العالم بياض وسواده = فيها عجايب تجعل العقل مجنون
الحر لامنه بغا شي صاده = والناس لامنهم بغو شي يسعون
لاصار مالك في حياتك شهاده = ماانته مع العالم معزز ومصيون
الله يوفقنا بقوة أراده = ورقا مع الي للمراقيب يرقون
شفنا بدنيانا دروع وسناده = وشفنا بدنيانا ربوعن يصدون
من تجربة مجروح ماله عياده = شفت العجب والهم والشوق والهون
العمر توه جعل يبقا مداده = مال العمر ياسامع الصوت قانون
أعكس دروب الغير تلقا أفاده = تعرف تفرق بين الأشكال واللون
الحب لامنه خذا القلب ناده = وأخذه ترا العشاق دايم يخونون
مانطرد المقفي ونذخر شراده = الطيب فينا يالمقفين مخزون
الحر لامنه تباطا هداده = قسمه مع الاحرار ماهو بمضمون
احيان ودك في زمانك إعاده = وأحيان ترضا بالقدر وانت محزون
أتولع الجمره وتصبح رماده = والناس لو تعيش لازم يموتون
يكفيك من هرجي وقافي وكاده = بيتن من الهاجس مقفا وموزون
الحر لامنه بغا شي صاده = والناس لامنهم بغو شي يسعون
محمد البراق
,,
تلقيت دعوه ولبيتها
وانشالله اكون عند حسن ظنونكم وهقاويكم
لكم القصيده
,,
لو كل من يبكي يحصل مراده = والله لتلقا كل الاجناس يبكون
مير البكا للي عليه القراده = الله يعين الي من الوقت مغبون
أحدن همومه بالحياه السعاده = وأحدن همومه بالعمر كثرت ديون
وأحدن ينام وحط دونه وساده = وأحدن شكا ليله على خالق الكون
وأحدن شكا هجر الوليف وبعاده = وأحدن حفظ حبه عن الي يعذلون
واحدن سهر ليله صلاه وعباده = واحدن سهر مابين خمرا ومزيون
دنيا بها العالم بياض وسواده = فيها عجايب تجعل العقل مجنون
الحر لامنه بغا شي صاده = والناس لامنهم بغو شي يسعون
لاصار مالك في حياتك شهاده = ماانته مع العالم معزز ومصيون
الله يوفقنا بقوة أراده = ورقا مع الي للمراقيب يرقون
شفنا بدنيانا دروع وسناده = وشفنا بدنيانا ربوعن يصدون
من تجربة مجروح ماله عياده = شفت العجب والهم والشوق والهون
العمر توه جعل يبقا مداده = مال العمر ياسامع الصوت قانون
أعكس دروب الغير تلقا أفاده = تعرف تفرق بين الأشكال واللون
الحب لامنه خذا القلب ناده = وأخذه ترا العشاق دايم يخونون
مانطرد المقفي ونذخر شراده = الطيب فينا يالمقفين مخزون
الحر لامنه تباطا هداده = قسمه مع الاحرار ماهو بمضمون
احيان ودك في زمانك إعاده = وأحيان ترضا بالقدر وانت محزون
أتولع الجمره وتصبح رماده = والناس لو تعيش لازم يموتون
يكفيك من هرجي وقافي وكاده = بيتن من الهاجس مقفا وموزون
الحر لامنه بغا شي صاده = والناس لامنهم بغو شي يسعون
محمد البراق
,,