شاعرنا المتألق منصور الرويلي .. نجم مهرجان الجنادرية هذا العام

[خلود الشعر]

http://mdyf.net/vb/showthread.php?t=41023

,,,,,,,,,,,,,


,,,,,,

[صالح الفلاحي]

http://www.rofof.com/img2/3hasnj16.jpg
L
http://www.rofof.com/img2/1fxry5.jpg
L
http://www.rofof.com/img2/3mrcjv3.jpg
>

[صالح الفلاحي]

دار فكري واعتلى سرج الاصيله = مهرتن تليت بيديني رسنها
لاصهلت بالمعركه بنت الكحيله = من صهيل الخيل معروفً لحنها
مهرتي لادكت الميدان خيله = دشت الجمع الغفير ولا شحنها
مهرتي تشريفها مارضى بديله = مالها الا الفارس اللي ذاد عنها
فارسً لامن قبس نار الفتيله = مااحترى عفو الصدور ولا هدنها
له حضور وله مقام وله قبيله = والمراجل من صغر سنه ضمنها
لارتكى للمعضله لوهي ثقيله = شالها والمتن مايهتز منها
الجزيله بالمواقف تستويله =ياصدورً طيبه الفايت غبنها
عاش من عينه على راس الطويله = والرديه لاسقى ربي وطنها
شمت عنها يوم عشاق الهزيله = بالهزيله طشها ابليس وفتنها
ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها
ليه نشره والردى اصلاً فصيله = عرقها ضخ الردى دم ورهنها
الردي يبقى ردي مافيه حيله = وكل نفسً مالها غير امعدنها
ان وقفت اخيل براق المخيله = امطرت لي والذخيره بمخزنها
وان جلست أروم حد المستحيله = ونظرتي سبع الكواكب تحتظنها
عاش راسي للتسامح والفضيله = وابتعد عن زمرة الغدر ووثنها
بالامانه عيت النفس الاصيله = واحتميها لو غدى روحي ثمنها
اجمعو خيل الاماني كل ليله = والكرامه لحفوها في كفنها
ماجمعكم طيب .. تجمعكم فشيله = ياوجيهٍ دمها البارد دفنها
مايبرر غاية النذل الوسيله = خانه المبدى لو الكلمه وزنها
وان بغيتوا زبدة الهرج ودليله = مهرة الخيال بيديني رسنها

[سعيد سعد اليابس]

شاعر علم

له بصمة وأسلوب

ويفخـر به كل محفـل
ــــ


الشاعر منصور الرويلي ..

مبروك مبروك مبروك ...

وكلنا معك يا قاف عنزة ....

[سعيد سعد اليابس]

http://www.m55f.com/vb/showthread.php?t=16216

حروف من ذهب
..............

[سعيد سعد اليابس]

الحروف اللي على كف تفكيري هـوت =سافرت لأعلى مدار الخيـال وماحـوى

ضمّها عرشٍ عليه استقـرّت وأستـوت = سافرت له عشق وهيام وأخلاص وهوى

أستفزتني وانا اللـي رضيـت بما نـوت = وأحتوتني وأشعلت هاجسٍ ذيبـه عـوى

كل ماقلت المشاعر ضمت منه وروت = رد صوتٍ يختصرني غلا .. مالك لـوى

وله تداعى هاجس الشعر وضلوعي عوت = وأحتواني عطر عشقً من أحساسي روى

هزني واجتاز صعب الظروف ومانوت = واستباح الصمت وآمن بصدري واستوى

مهرتي .. يالفاتنه .. يالجفول اللي لوت = صوبها الانظار محدن لها غيري قوى

أرقصي ياشيخة الغيد روحي لك حـوت = مستحيل الحب يسكـن بقلـبٍ ما أنكـوى

أنسي ان الحال من طعنـة الفرقـا ذوت = وأصبري لو طعنة البعد ملعونـة ثـوى

وأن تهادى البوح والروح لأمره ماقوت = قولي انه شاعرًَ هام بالعشق وغوى





.


..








يامداهيـل الغـلا والجـود وأسـرار المعانـي=أشتعل جمر القصيـد وفـاح ريـح الشاذليـه
ماكتبته من فـراغ ولا قريتـه مـن لسانـي=سافري بي سافري بـي ياللحـون السامريـه
بارك الله في وفـاه وبـارك الله فـي زمانـي=الزمان اللي منحني مـن عطـاه أغـلا هديـه
في عيونه زود شوق وثـورة أحـلام وأمانـي=وفي خفوقه حس مرهف بّعثر الاحساس فيّـه
جيت لاهب النسيم العذب لو ماحـدن دعانـي=أسبق الخطـوه وشوقـي مستهيـم الراعبيـه
صوتها قبل أنتبـه (ياهيـه) بالغفلـه خذانـي=والتفت مجنون ليلى ؟ ويـن ليلـى العامريـه
ساقني مع نبـرة الصـوت وترانيـم الاغانـي=وأحتويته كلمتين . ونبضتين . وصـدق نيـه
ساقني عطر الشمال وصوت شيـخٍ مرحبانـي=أعشق التاريخ من شأنه عسـى أيامـه مدّيـه
له مع الموعد حضور وله مع الهاجس مكانـي=كل ماشب الغـرام وضاقـت الدنيـا الفضيـه
أرتويته مثـل ماهـو فـي معانيـه أحترانـي=أكتبـه صـوتٍ يمثـل ذات والنيـه مطـيـه
أن قريتـه ماكتبتـه وأن كتبنـي ماقـرانـي=كن نبـض قلوبنـا خـارج نطـاق الجاذبيـه
أذكره في كل لحظـه مانسيتـه لـو نسانـي=له من أشواقي سلام وله من أعماقـي تحيـه
دام علمني بوصله كيف ؟ وش يعني التفانـي=له علّي انه يعيـش بخافقـي عيشـه هنيّـه
الحبيب اللي عطاني نبـض قلبـه وأحتوانـي=هام بي صوب النجوم وصرت لنجومه ضحيـه
يستحق أعطيه قلبـي مثـل ماقلبـه عطانـي=يستحق أعطيه كلي زود مـن فـوق العطيـه
هو طموحي في حياتي .. هو بعد عمري حناني=والله أنـه فـي عيونـي ساكـنٍ ذيـه وذيـه
مالكٍ روحي وفكـري مامعـه بالقلـب ثانـي=عايشٍ داخل أعروقي ولكثـر أشعـاري هويـه
الله اللي لي هـداه .. والله اللـي لـه هدانـي=ماغدى بالحب أنانـي كثـر مابـه نرجسيـه
داعبّيه بريحة الشيح الخضر والزعفراني = سولفي له ياذعاذيع الشمال الموسميه
قولي أني مانسيته ساكنٍ حدب المحاني = يرتوي نزف الخفوق ودمعة الفرقا عصيه
ماشربت الصبر لولا الشوق من كأسه سقانـي=شربةٍ تقطع ضماي وتفـرض الموعـد علّيـه
وكل شكري للحبيـب وكـل حبـي وأمتنانـي=دامه أعطاني بحبه .. عـن سـواي الاولويـه



.

.

[منصور الرويلي]

الشاعره خلود

شكراً على التنوية والمتابعة

دام وفاءك

[خلود الشعر]

الفلاحي

شــــاكرة على هذا المرور

وبالتوفيق لشاعر من ذهب

تحيتي

[اماسي القمر]

بالتوفيق لشاعرنا منصور الرويلي ..
وشكرا على نقل الخبر ياخلود الشعر ..
واعذريني على نقله للمكان المناسب ..
دمتم للشعر ..

[عماد العتيبي]

وفقك الله يامنصـور

ويعطيك العآفيـه خلـود على روعة هالخبر

دمتم بحفظ الذي عينه لاتنام

[منصور الرويلي]

لاهنت ياسعيد

تحياتي

[فهد الشباني]

يستاااهل منصور كل خير

شااعر قدير ومميز .. له بصمه وااضحه في عالم الشعر
عسى الله يوفقه .. ويسدد خطااه

تحيااتي وتقديري

[منصور الرويلي]

سعيد اليابس

وجهك أبيض ياصبي قحطان

والله يديمك ..

تقديري