معاذ المطير
09-26-2009, 07:30 PM
يسرني في ثاني مصافحة في هذا الصرح العملاق أن أقدم هذه الأبيات وهي تحكي عن نفسها وأقول :
تبحر هجوسي فالبحور المهيلات=لين يتساوى عندها الظهر والليل
واليا وصلن القاع وقفن مريضات=وتشاورن في كسبهن والتجاويل
ثم هبن بعزمٍ مكينٍ وهمات=وفيهن على كسب الجواهر تغاليل
لو الجواهر مثل حجم الجزيئات=بعيونهن كبر الجمال المحاميل
ونوبٍ تود الجمع ونوبٍ تبا شتات=وكل جولةٍ تخضع لحجة وتدليل
ولا يحسبن للشوب ولا السلامات=ولا يشكتن من جضة الغدر والحيل
أطغى من الحجاج وقت النزاعات=وركد من اللي ساجعٍ بالتهاليل
واليا لفني عقب ماغابن أوقات=باللولو والمرجان جزل المحاصيل
صفيت من صافي صفاهن صفيات=عن كل ماينقده حذق المكاييل
وطرزت فيهن خام من صنع جودات=سلكه حرير وملمسه خوش تدليل
وألبسته اللي تسلب العقل والذات=عمهوجةٍ تشدى لبيض القناديل
لشافها الورع التقي جر آهات=وراع الهوى منها جفونه هماليل
وذريتها من ذروة المجد غادات=وهديتها قرمٍ يضد الحلاحيل
أول تهرجها سلام وسلامات=لمحمد النايف زعيم المشاكيل
اللي ليا جا بالمسايل خلافات=عن ميلهن رايه يجيب التعاديل
نسل الذي يوم الليالي محيفات=يوم الجزيرة سايدة بالنشابيل
يوم القبائل بين صولات جولات=ماتزهم إلا الرمح والسيف والخيل
يوم القوي دايم حباله متينات=من جور كفه يكسب المال والحيل
جاها ووحدها بحد الصقيلات=ومن عال ذاق المر جملة وتفصيل
لين أرسى للدار المشقى سياسات=وأمن وأمان وحكم شرعٍ بلا ميل
وتبدلت قحل الصحاري بواحات=وصارت لمن راد السياحة مداهيل
وبالتقنية تحمل كبار الشهادات=وجيوشها في غزوها كنها السيل
ويرفع لها بالطب تاجٍ ورايات=من خصمها لاصار للعلم تحليل
وحنا فدى للدار من كل جيهات=ازمول مانشكي من الضيم والشيل
وحنا على قول الفهد بالمهمات=ونفخر بما يبديه جيلٍ بثر جيل
حنا هلا العوجا ولابه مراوات=شرب المصايب مثل شرب الفناجيل
دون الوطن نثبت حصون منيعات=ولأمر والينا خضوعٍ مذاليل
ياسيدي واللي مشى بالخرافات=أفتاله الشيطان وأزه على الميل
تحت ستار الدين حط الشعارات=وأدلته كذبٍ وجور وأباطيل
قصده يضم الحكم هيهات هيهات=مايدري أن أفكار فكره مساميل
واليا مكر مكره وخطط لسيات=مكره على راسه وضيم وغرابيل
وأكبر دليل اللي غدى جسمه شتات=ملعون الاريا ياعسى مثبره ويل
نشجب فعوله والنفوس النزيهات=تشجبه لو هي من ورى البحر والنيل
أتباع بن ملجم بكل المسارات=اتحاول تضلل على الناس تضليل
والناس تدري سيرها بالمتاهات=لا دين يسندها ولا عقل ودليل
وأنا أشكر اللي كافلٍ للبريات=عد النجوم وعد رمل الغراميل
حيثه جعلك يالمشبب عنايات=عن كيد ناهجة الخطا والاراذيل
وبذن اللي أرسل رسوله بالايات=معاد للفتنة وهلها مشاعيل
ملا خذا الدنيا مواعظ وعبرات=هذاك يحسب من حساب المهابيل
ويامحمد النايف سلام وسلامات =حافظك من نزل تبارك مع الفيل
تبحر هجوسي فالبحور المهيلات=لين يتساوى عندها الظهر والليل
واليا وصلن القاع وقفن مريضات=وتشاورن في كسبهن والتجاويل
ثم هبن بعزمٍ مكينٍ وهمات=وفيهن على كسب الجواهر تغاليل
لو الجواهر مثل حجم الجزيئات=بعيونهن كبر الجمال المحاميل
ونوبٍ تود الجمع ونوبٍ تبا شتات=وكل جولةٍ تخضع لحجة وتدليل
ولا يحسبن للشوب ولا السلامات=ولا يشكتن من جضة الغدر والحيل
أطغى من الحجاج وقت النزاعات=وركد من اللي ساجعٍ بالتهاليل
واليا لفني عقب ماغابن أوقات=باللولو والمرجان جزل المحاصيل
صفيت من صافي صفاهن صفيات=عن كل ماينقده حذق المكاييل
وطرزت فيهن خام من صنع جودات=سلكه حرير وملمسه خوش تدليل
وألبسته اللي تسلب العقل والذات=عمهوجةٍ تشدى لبيض القناديل
لشافها الورع التقي جر آهات=وراع الهوى منها جفونه هماليل
وذريتها من ذروة المجد غادات=وهديتها قرمٍ يضد الحلاحيل
أول تهرجها سلام وسلامات=لمحمد النايف زعيم المشاكيل
اللي ليا جا بالمسايل خلافات=عن ميلهن رايه يجيب التعاديل
نسل الذي يوم الليالي محيفات=يوم الجزيرة سايدة بالنشابيل
يوم القبائل بين صولات جولات=ماتزهم إلا الرمح والسيف والخيل
يوم القوي دايم حباله متينات=من جور كفه يكسب المال والحيل
جاها ووحدها بحد الصقيلات=ومن عال ذاق المر جملة وتفصيل
لين أرسى للدار المشقى سياسات=وأمن وأمان وحكم شرعٍ بلا ميل
وتبدلت قحل الصحاري بواحات=وصارت لمن راد السياحة مداهيل
وبالتقنية تحمل كبار الشهادات=وجيوشها في غزوها كنها السيل
ويرفع لها بالطب تاجٍ ورايات=من خصمها لاصار للعلم تحليل
وحنا فدى للدار من كل جيهات=ازمول مانشكي من الضيم والشيل
وحنا على قول الفهد بالمهمات=ونفخر بما يبديه جيلٍ بثر جيل
حنا هلا العوجا ولابه مراوات=شرب المصايب مثل شرب الفناجيل
دون الوطن نثبت حصون منيعات=ولأمر والينا خضوعٍ مذاليل
ياسيدي واللي مشى بالخرافات=أفتاله الشيطان وأزه على الميل
تحت ستار الدين حط الشعارات=وأدلته كذبٍ وجور وأباطيل
قصده يضم الحكم هيهات هيهات=مايدري أن أفكار فكره مساميل
واليا مكر مكره وخطط لسيات=مكره على راسه وضيم وغرابيل
وأكبر دليل اللي غدى جسمه شتات=ملعون الاريا ياعسى مثبره ويل
نشجب فعوله والنفوس النزيهات=تشجبه لو هي من ورى البحر والنيل
أتباع بن ملجم بكل المسارات=اتحاول تضلل على الناس تضليل
والناس تدري سيرها بالمتاهات=لا دين يسندها ولا عقل ودليل
وأنا أشكر اللي كافلٍ للبريات=عد النجوم وعد رمل الغراميل
حيثه جعلك يالمشبب عنايات=عن كيد ناهجة الخطا والاراذيل
وبذن اللي أرسل رسوله بالايات=معاد للفتنة وهلها مشاعيل
ملا خذا الدنيا مواعظ وعبرات=هذاك يحسب من حساب المهابيل
ويامحمد النايف سلام وسلامات =حافظك من نزل تبارك مع الفيل