منتديات المختلف المنتدى الأدبي الأول في الخليج العربي

منتديات المختلف المنتدى الأدبي الأول في الخليج العربي (http://m55f.com/vb/index.php)
-   هدوء الزوايا (http://m55f.com/vb/forumdisplay.php?f=69)
-   -   ஜ .¸¸ نزف قلمي على ورق ألمي ¸¸. ஜ (http://m55f.com/vb/showthread.php?t=27415)

بدر آل مره 08-07-2012 03:40 AM

ஜ .¸¸ نزف قلمي على ورق ألمي ¸¸. ஜ
 
يسعدني ويشرفني ان اكون احد اعضاء هذا الصرح الشامخ



وهنا ستكون مدونتي المتواضعه



( كل ما سأكتب من نزف قلمي )



شف كل ضلعً من ضلوعي فارده
كأنك تطبّق علي (فرّق تسُد)!

وهذه تطبّق فالحروب البارده
ماهيب تستخدم على روح وجسد!

بدر آل مره 08-07-2012 03:44 AM

رد: ((واحة الراحه))
 
لولا طعونك كان موتي على ايديك
لكن طعونك كرهتني بك شوي !!

تزعلني وفي قمة الزعل اراضيك
وتصلاني بضلمك وانا اصير لك في !

ومدري ابصبر معك ،، ولا بخليك
معك ولا شي ،، وبدونك ولا شي!

اعيش ،، واتنفس ،،وانا ميّتً فيك
قد شفت عمرك شخص ميّت وهو حي؟!

بدر آل مره 08-07-2012 03:46 AM

رد: ((واحة الراحه))
 
تقول من يسكن بقلبك وانا اقول*
من يسكن بقلبي !؟ قلبي مهو فيه !


ماتدري ان قلبي من سنين ماكول !؟
كلْه غلاك وسامحك فيه راعيه !!


وانا معك بالي على طول مشغول
لافكار تلعب به من الهيه للهيه !!


مشغول كيف اكون جنبك على طول*
واكون اول واخر انسان تغليه


حتى الكلام المُر ماتقدر تقول
ماتقدر تقوله ولو كنت تبغيه

ريق(ن) رحيق وتحته السان معسول
وكل الكلام اللي يمرّه يحلّيه


ومن كثر ماحكيك مقدّر ومقبول
الكبر يتسلل على قلب موحيه

يعني لكي لاتفسد قلوب وعقول
لاشفت لك متواضع(ن) لاتحاكيه !!

بدر آل مره 08-07-2012 04:51 AM

رد: ((واحة الراحه))
 
اربع مصادر كي تعيش الطبيعه


انتي / ولاكسُجين / والضوء / والما

بدر آل مره 08-07-2012 06:00 PM

رد: ((واحة الراحه))
 
ضحكتك كوكائين ،، وحكاك هروين
قمت آتعاطاها مع الوقت وادمنت!!

لاحتجت للجرعه ،، ادوّر لك ايلين
القاك ،،وآشوفك ،، واعوّد كما كنت

تدري متى ادخل جو سُكر المحبين
ل تحوّلت لاشيا وقامت تصير انت !

وقعدت اشوفك فوق ويسار ويمين
واعيّنك في كل مافيه ،،، عاينت

مدري هل انت فكل ماشافت العين !
ولا انت اصلاً في عيوني تمكنت !*

بدر آل مره 08-08-2012 10:59 PM

رد: ((واحة الراحه))
 
احس في قربك غلاً يحرقني !*
*واحس في بعدك اسى*ً يخنقني !

يعني بصراحه مدري ايش تسوي !
** *ارجوك فارقني !! ولا تفارقني!!

خلك معي في وقت منت بعندي
*افكار مجنونه ،،، بدت ،، تقلقني

اخاف من شيً ،، اخاف اقوله
*اثر على نفسيتي ،، وارهقني !

ياراقي المنسب رُقي اسلوبك
*على كثر ،،،، ماراق لي / ارقني

مشتاق لالامك ،، فديت آلامك،،
*ومافيك شيً فيك ماشوقني !!

** * قيّد يدي بمحبتك واقدامي*
*وشقق قميصي بالغرام وسقني!

وان شفتني امشي واطيح ارفعني
** * وصلني لحبل الغلا واشنقني !!

وباقول ،، اعشقني ،، واقول احبك
** * واتم ارددها ،، لو تمزقني !!

صدقني ان تكتب دماي ((احبك))
**وتتجمع اشلاي وتقول ((اعشقني))

بدر آل مره 08-10-2012 12:20 AM

رد: ((واحة الراحه))
 
سو ماتبغيه ياكل امنياتي
لكن شعور الهوى لاتستثيره

الهوى قتّال وانا ابغى حياتي!
وبيني وبينك اخاف اموت غِيره !



،،


اعتراف

رحت لمحطة غلاك وجيت فوّل قطار
يفيض من خاطري لك حكي،، واحفظه :

(م)ضمن لك ، انك (م)تخرج ساعة الاحتظار
اضمن لك انك تكوون اخر نفس بلفظه !!

بدر آل مره 08-10-2012 11:37 PM

رد: ((واحة الراحه))
 
ماتشوف الحب !؟ ولا انت آعمى !!
ياخي ماصارت ولا يمكن تصير !!


كل يوم انزف من اشواقي دما
وانت تضحك بي وانا ماني بخير

ربما مالك احساس ،، وربما
عندك احساسً ولا عندك ضمير !

ليش لامن جيتك اتسائل لِما
منك يذبحني الظما وانت الغدير!؟

دام حبك ارض ،، وطيوفك سما
كيف بهرب عن هواك !؟ ووين اطير !؟


صرت انا وياك ياترف اللما
كالسؤال اللي تسائلته كثير















ويش بتسوي اذا صرت ابكما ؟
وتبغي توصل شعورك للضرير !!
!

بدر آل مره 08-11-2012 11:37 PM

رد: ((واحة الراحه))
 
اعتراف






دامك اعز الناس وأغلى الخلايق
لايغرك الكون اتساعه وكبره !

دمعك لهلّ وخاطرك لا تضايق
يصير فعيوني مثل خرم لابره !

بدر آل مره 08-12-2012 04:37 AM

رد: ((واحة الراحه))
 
من روائع ماقال المشاهير

الحكماء والأدباء والزعماء قالو كلام عفوي فحفظه التاريخ

الدبلوماسي .. رجل يستطيع أن يصمت بعدة لغات !
( محمد أنور السادات )



مامن إنسان لايشكل خطراً على إنسان
( ماري دي رابوتيه )


يقول الرجل في المرأة مايشاء، وتفعل المرأة بالرجل ماتشاء
( سدني )


قطّاع الطرق يطلبون منك إما النقود وإما الحياة ..
أما المرأة فتطلب الأمرين
( صموئيل بتلر)


اختيار الكلام أصعب من تأليفه !
( ابن عبدربه )


مامن عظمة إلا وبها مسحة من الجنون !
( سنيك )


طعم المجاملة لذيذ، شرط ألآ تبتلعها !
( ستيفنسون )


إذا جعلت شخصيتك دودة تزحف على الأرض ..
فلا تلم من يدوسك بقدمه
( ايمرسون )


الناقد شخص يعرف معالم الطريق ..
لكنه لايستطيع قيادة السيارة !
( كينبيت تينان )


كلما زاد عدد الأمور التي يخجل منها الإنسان ..
كان أقرب إلى الكمال !
( سوفوكليس )


التردد وإطالة التفكير في القيام بعمل ما ..
غالباً مايتحول سبباً لإبطاله !
( يونغ )


خلق الله لنا أذنين ولساناً واحداً ..
لنسمع أكثر مما نقول !
( سقراط )


من غربل الناس .. نخلوه !
( العقاد )


الرجل الذي لايكذب على المرأة ..
لايقيم وزناً كبيراً لمشاعرها !
( بيرك )


الحب ..
مرض أخشى مايخشاه المصاب به أن يشفى منه
( إرنست هيمنجواي )


أن تكون مطلوبا بارتكاب جريمة..
خير لك من أن لاتكون مطلوباً مطلقاً !
( كارول تايلر )


الصمت فن عظيم من فنون الكلام !
( وليم هنريت )


إنك تبلغ مرتبة النمو الكامل حين تضحك ساخراً من نفسك !
( باريمور )


في القسم الأول من الليل راجع أخطاءك ..
وفي القسم الأخير راجع أخطاء سواك إذا ظلّ لك قسم أخير !
( وليام شكسبيير )


لابد أحياناً من لزوم الصمت ليسمعنا الآخرون ..
( جلاسكو )


المشاعر مثل السحب اذا تصادمت أمطرت
(بدر آل مره):re:s


جميع الأوقات بتوقيت GMT +3. الساعة الآن 12:40 AM.

Powered by vBulletin®
Copyright ©2000 - 2021, Jelsoft Enterprises Ltd
الآراء والكتابات لا تعبر عن رأي إدارة الموقع إنما تعبر عن وجهة نظر كاتبها