دولاب الافـكـار .,.,

كثر المواصل فالهوى ماهو بزين
ودك بخلك بين مده ومده


لن البنادم ماترك طبعه الشين
لاحب له شي وشبع منه هده


لكن لمنه جاك من حين لي حين
قدرة جياته وقدرة صده


فأن قلت ابيك وقال ماهوب ذالحين
لاتبلشه يمكن ظروفه تحده


اصبر عليه ايام وشهور وسنين
ان كانه يودك وكانك توده


وخلك لمنه اعطاك ماتطلبه دين
ماجاك منه اخذه ومارد رده


ولاتسوي مثل ناس مساكين
اصلك وفصلك فالهوى لاتعده


الحب مايعرف قبيله ولا دين
نكس حكومات وكسر اشده


جاووه عقال وراحوا مجانين
وكم واحد خاضه ولاهوب قده


يقوله اللي جاحد علته لين
بارت محافيره وبيح بسده


هذا كلامي وانت بتشوف بعدين
والله ان تميز بين مزحه وجده




عبدالله علووش ..,

ان كان زود المال بيدين الانذال
حنا من المعروف تندى يدينا

وان فكروا للجود يمشون رحال
حنا قبل يمشون يمه خطينا

لو نجمع اللي فات منا من المال
إن كان شيدنا القصور وبنينا

نعطي ولا نتبع عطانا بالاقوال
ونبذل ونسكت كننا ما عطينا

وان باعوا الشيمه بدينار وريال
حنا دخلنا سوقها واشترينا

نطلع لها لو هي على روس الاقذال
لو هو عسيرٍ دربها ما نثنينا

بافعالنا نرسم دروبٍ للاجيال
اليا نساها غيرنا ما نسينا

أسود ساداتٍ تسجل للاشبال
فضايلٍ شِيمنا لها واهتدينا

بيضٍ نسجٌلها جديدات واسمال
حفايظٍ لاحفادنا اللاحقينا

نصبر على الشدات لو شيلنا مال
لو سال دم اكفوفنا ما اشتكينا

القائل

محمد الاحمد السديري

الله يرحمه ..,,

( هـــضـــب الـدواسـر )

يسرى جنوب صوب دار مسمـاه
هضب ال زايد جعل الامطار تسقيه

تسقى جنوبه مع شماله مع اقصاه
وادناه ليـن انـه تمـلا خياييـه

وليا لفيت الـدار من عقـب مسـراه
سلم على من كـان تـوك تلاقيـه

من الهضب تلقا لك بيـوت مبنـاه
يطرب لها اللى مشغلاته طواريـه

يدله وماصابه مـن الهـم ينسـاه
وكل على فعـل الكرامـه يناديـه

وجدى على سج النفس فيه وجداه
والعمر له قسم من الوقـت يفنيـه

روحى بحب الهضب دايـم معنـاه
حيث انى ادله دايم بيـن اهاليـه

من يوم يشرب ضايق البال من ماه
يدله وينسى ماخذا منـه ماضيـه

الشاعر :

محماس بن عايض الدوسري ..,

انا امارس التجاهل في حياتي
والتجاهل بالتأكيد لا يعني أن لا يحاول الإنسان معالجة مشاكله ..

لكنه يفيدك في التعامل مع ضغوط الحياة البسيطة المتكررة

والتي قد تدفعنا إلى التوتر أحياناً ..

حافظو على الصلاه يااخوان قبل فواااااات الاوااااان ..,

ادعي لنفسي وللجميع الله يرحمنا برحمته .

حب الرسول صلى الله عليه وسلم باتباع سنته ..,,

[poem=font="Simplified Arabic,5,teal,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
موت الفتى في سرابٍ يطّرد دونه=اخير له من مقعدٍ فيه حقراني
ضحاكة السن مثلي مايسرونه=ماتنفعه ضحكة فلان وفلنتاني
وبعض الرياجيل جسمه لو تخيلونه=يرتع كما ترتع الرابي من الضاني
فرخ الحبارى على دبه يصيدونه=ولاقعد في البلد غير أم عثماني
واليا جفاك الوطن واللي يرودونه=دارٍ بدارٍ وخلانٍ بخلاني
ذا قول ابن نادرٍ يااللي تعرفونه=عبدالله اللي يسمى طير حوراني
[/poem]

عبدالله بن نادر الله يرحمه ..,,

[poem=font="Simplified Arabic,6,firebrick,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
المواصل فالهوا تاليه فرقا=والخلايق سبة الفرقا ضحايا
يايجي فرقاً بطيبٍ يابطرقا=ياتجيهم زرقة سهوم المنايا
[/poem]

قلمي / جعلني مااعدمه ..,

[poem=font="Simplified Arabic,5,crimson,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الصبر مفتاح الفرج والنفس ترضى بالمصير=واللي كتب للعبد بكتاب القدر لازم يراه
إن كان شر يشوف شر ان كان خير يشوف خير=وما يعمله الإنسان عند الله بكتاب ٍ لقاه
والآدمي لو طال عمره في الزمن عمره قصير=لأنه على الدنيا غريب ولو تطول به الحياه
الموت ما منّه مفر ولا مصد ولا مطير=الله يهون موتت المسلم لا من الموت جاه
[/poem]

سعيد المهداني ..,