بالهون ياللي تبدع القاف بالهون

قصيدة الساعة رد الشاعر احمد العمري على الشاعر القطري هاجس المري بعد ان تهجم على المملكة العربية السعودية وحكامها وشعبها الكرام وعلى دولة الامارات الشقيقة

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=0 line=0 align=center use=sp num="0,black""]
بالهون ياللي تبدع القاف بالهون=قبلك كريمٍ مابخل بالجزالي
كنه السحاب اللي مراويحه مزون=يجري ويتبعه المطر والخيالي
وعيال زايد برضها الضيف مامون=من في حماها داله الهم سالي
ماهم علينا بالخطية بيرضون=ويحشم ثراها عن قصير الحبالي
تحيون ياشيوخ الامارات تحيون=اثني عليها يوم جالي مجالي
ياهل قطر في ورعكم وش تقولون=اللي يقول الشعر كله لحالي
الشعر مثل السيف والحد مسنون=ماهولمن قد قال ياهملالي
الشعر خاواني على كل مثمون=قبل ارتكي له بالثمين ارتكالي
بالشعر احسس عالمٍ مايحسون=وبالشعر احرك جيش ماله قبالي
وبالشعر اربي كل هافي وملسون=واقطع لسانه واسمه بالنصالي
تخسون ياخوانة العرب تخسون=فضحكم الله ياوجيه الظلالي
شف دبكم طبع مع الدب شارون=للي طغى بالمسلمين العزالي
حاكمك وش له بالعلاقه لصهيون=ماله حدودٍ مع هل الاحتلالي
فشيلةٍ بوجيهكم لو تموتون =ماتمحي ياجعلكم لزوالي
ياناس وش من طاردٍ بوه ترجون=يومه نصانا من ردي الفعالي
تترب لحاكم ياهل الغدر والخون=من شبت الفتنه عليها تصالي
ياللي علينا بالدسايس تدسون=عيبٍ عليكم شي ماهو يقالي
على المهونه والمذلة تضرون=وش هالخزي والعار والانحلالي
وياهيه ياللي منت للسانك تصون=توك صغير على ملاقى الرجالي
لوانت كفوٌ للقاء ياحمر اللون=لاشيبك من وقفتي واعتدالي
مير البلا وقت المداحم تذلون=ياكم وطينا روسكم بالنعالي
لامانت ساطي هين جنوب ومتون=يمنا متقوى صرعها مدهالي
وقف لقومٍ كاشماريخ يرسون=قد عزهم ربي عزيز الجلالي
ال السعود على شيوخك يشيخون=قبل الحقول وقبل صرف الريالي
وال السعود اسمٍ بذكره تهجدون=وايدينهم على عمامك طوالي
وال السعود اللي بها العز مقرون=عز العرب والعز باول وتالي
وال السعود الها المسلمين يدعون=في حزةٍ فيها الطلب والسؤالي
فخر الملوك وفي ذراها تذرون=لافسرت ذرعانها لثقالي
حنا هل العوجاء ليا قيل تكفون=ياخوان نورة يابعاد المدالي
حنا عيال ظهور وانتوا هل ابطون=وحنا هل الردات وانشد وسالي
انسوقكم سوق العسيف وتشدون=ماتنسمون الا بعج الرمالي
لاهان ابو متعب ولاشعبه يهون=اعشقه واعشق ميلته للعقالي
امبايعينه له بالاعمار يفدون=وقت الزهم تلقى السعودي موالي
ارضٍ لها طلابة الله يحجون=من دونها دمي وحالي ومالي
والله لو مالقى بها زاد ماعون=مارضى على دار السعود البدالي
انا اتكلم عن ثلاثين مليون=الدار لي والارض لي والسمالي
ابيك تسمع زين لو كلك اطعون=وعينك عساها بالعمى لدها لي
سريتين ان كان فيهن تمنون=اما انهن ميتن ولاحولي
من عقب ماصفوا لخالد يحيوون=ماسرته شوفت قصار العيالي
حتى المشي ماهم يعرفون يمشون=يبون حربٍ تنفرش عالزوالي
والخفجي اللي حرره كل دندون=يوم انكم بالخلف تحت الضلالي
جند الحرس منها الفيالق يرجون=رجالهم للموت جاهز وحالي
ماكنها الا ساخطٍ يوم يردون=يوم الليالي غير كل الليالي
يوم السماء تلهب غضبها على الكون=يرجف رعدها والبروق اتلالي
قامت تشب الارض في كل ملعون=كنها العذاب اليا نزل والنكالي
هذا الحرس وش عاد ياهيه ووشلون=لوكان شفت الجيش جاك الهبالي
الموت كنه دلةٍ ويتقهون=روسٍ يكيفها الرمي والقتالي
كنهم على صوت المدافع يسجون=لبس الكفن ملبوسهم للبدالي
دون الوطن حراس ورجال يفنون=يوم احتزمنا بالله الاتكالي
والفيصلي منصا بلاشك وظنون=تجهله يوم انك ردي الخصالي
تقطع وتخسى وتهبا الا تعقبون=ويكرم ولد خالد كريم السبالي
اهل العطاء من مدة ايده يمدون=يمناه غارت من كرمهاالشمالي
اي بالله اني فيه عاشق ومفتون=واي بالله انه سيدي ويعنالي
يامر علي وعالرجاجيل ويمون=انا اشهد انك ياحمر عين غالي
معزبي من في شواربه مزبون=ياعن قلبه قلب لامن طرالي
شيخ ٍ لعيناه الاصايل يفزون=تقبل عليه بدون قولت تعالي
تصهل صهيل وكنه قومٍ يهلون=قامت ترحب بالصهيل وتلالي
شقرٍ ذوايبها شقى قلب وعيون=اليا اجفلت ترعى عسير المنالي
سلايلٍ له لاعدت جن وسكون=تشتلها كنها رياح الشمالي
ماتنتبين والخلايق يسمون=تسري بها البرق على كل عالي
كنها هبوبٍ في صررها تهبون=لازرفلت صم الرمك بالتوالي
غرٍ على الغبرا تراقص بالالحون=مرسامها كنه من الخيل خالي
كنهم عليها بالزياره يدقون=وكنها الجنوبي لاعرض بالسلالي
مرابطِ في نجد وقصور وركون=مغترةٍ من يم وادٍ يسالي
وله بالجنوب ارجال واربوع وضعون=وامارةٍ تشمخ بروس الجبالي
على حدود اسيادكم لاتعدون=خلك على حدك فلا اشغلت بالي
ماودي اكسر خاطرك وانت مغبون=ادري جرحتك ياحسين الدلالي
وماودي اطلق شي بالقلب مسجون=اخاف لاقلته يثير الجدالي
خذ ردها في ساعةٍ لو تحسبون=من عقب مرسول الردى جابها لي
قم عدها وان كانكم ماتعرفون=سبعين بيتٍ بالوفى والكمالي
[/poem]

وهذه قصيدة الشاعر القطري هاجس المري

[youtube]http://www.youtube.com/watch?v=XXXXXXXXXXX[/youtube]

وهذا رد الشاعر السعودي احـمـد الـعـمـري

[youtube]http://www.youtube.com/watch?v=XXXXXXXXXXX[/youtube]

وتقبلوا صادق تحياتي وتقديري
منقووووووووووووووووووووووووووووووووووووووووووول

صح لسان الشاعر احمد العمري وسلمت يابراق الجنوب على النقل ,,,,