【•ديـــۈآن " سـآإلـفــــﮧ ,’ قــصــيـــدهـ " حـيـــآإڪـــمـ •】

[لك خـآفقيے . .♥]

حـبـيــت اطــرح لكــمـ مــوضـوع { ســالــفـهـ وقــصـيـدهـ }

وراح ابـــدي معـاكـــمـ مــع الــــراوي محــمـــد الشـــرهـــان

بمــاآ انـــي مــن عــشــاقــهـ ولــكــمـ حــريــهـ الاخــتـيـــاآآر الـــراآآوي





فــيــذا



7

7

[لك خـآفقيے . .♥]

ْ
ْ
ْ






صبــآحكـمـ رضـــآ


ْ
ْ
ْ










بــقــول لكمـ ســالــفهـ

والعـــهـــدهـ عــلـــى الـــراوي









هذي سالفة يرويها الشاعر سويلم العلي السهلي رحمه الله يقول حنا سنة من السنين وافق عندنا ربيع ونازلين في

هكالجو يحدنا من شرق ضلع مطاول من الجنوب للشمال نازلين بمحل ربيع أرضه طيبة بالحيل , يقول جينا

ونزلنا في طرفها من الجنوب ومعنا غنم وحلال ويوم قعدنا لنا مدة وينزل عنا شمال ناس وعنا غرب ناس ومن

كل عرب نازلين حولنا لكن حنا اللي أطرفهم من جنوب يقول العرب هذولا أكثرهم عندهم حلال ورعيان

ويرحون منا يمين ويسار وإذا جا الليل بعض المرات يسير بعضهم على بعض هالعرب يعزمون بعض والى فيه

ناس توهم نازلين ومن شمال ويوم جا مرة من المرات توافق عزيمة عند القريبين ويعزمونا ونروح لهم أنا وأبوي

وقعدنا عندهم وراعي البيت يرحب وإلى عنده حريم وله عيال ما شاء الله واجد وقاعدين يصبون القهوة في بيت

الشعر ومستانسين ويسولفون وسالفة تدور وقهوة تجي وقهوة تروح الحاصل إن المعازيم راحوا وتفرقوا وطلعت

أنا وأبوي وبطلعتنا والى تمر ذيك البنت بنت لراعي البيت عليها جلال وتسوق الغنم بنت متعافية وجميلة جدا

يقول وأنا اللي أنصاب من هالبنت من أول نظرة يوم شفتها بس معي أبوي ولا اقدر أقول شي ( ايه تعرفون

تبلعون العافية إذا جا معكم احد )

ومرت الأيام ونتوافق على ماردا وعلى السيل والى البنت فعلا غاية في الأدب

والجمال حتى هو كلامة دمث وأخلاقه طيبه هذا كان عفه العرب وسلومهم حتى لو لقى بنت وما عندها أحد

يكلمها كلام عادي ويمزح مزح شريف وعفيف وتلقاه يسولف مع البنت وهي بعيدة عنه , وتمضي الأيام وتخافت

البنت دمه وشافته حليل وصار دايم يفكر فيها ويشوفها وإلى جا الليل صار يهوجس فيها وليت من يزورهم وليت

من يروح بس ما يقدر يروح لكنهم يشوفون بعض دايم ومضت مدة وبدا هالربيع الي هم فيه يضعف شوي ودايم

العرب يتابعون حلالهم ويرحون يمين ويسار وإلى الجبل اللي يحدهم فيه طيور وفيه ملازم ماء فوق وهو ضابط

مكانهم ,

ويوم جا يوم من الأيام عقب مدة بعد ما توافقوا كم مرة ودائما البنت الذكية إلى وافقت مثل هذا حتى لو مهوب

من عربهم ما تبين أنها ما تبيه تمنيه وتعلقه وتخليه معلق بخيط أرهف من الشعرة وتقوله أنت حبيب وطيب وأنا

ما شفت أحسن منك ولا أحسن من أخلاقك ويتعلق هو ويحسب هالحكي أنه صدق وهي تسنع خبزتها ما دام أنها

هنا علشان لا سمح الله ما يصير عليها اعتداء يصير المسأله حب شريف وهي على اللي هي عليه هي تلقاها في

فكرها أما موبدة لها ولد عم وإلا واحد قريب مهوب معقول تبي تعشق واحد من بعيد وتأخذه ولا هوب العلم

عندها العلم عن أهلها .

الحاصل يقول يوم جا يوم من الأيام وأعدي على هكالضلع جبل رفيع وأمشي وأطالع وأشوف يقول ماقدرت

أشوفهم ولا أستكشف المنطقة هذي إلا اذا عديت هالضلع ويوم رقيته وإلاني أشوف الناس يشدون اللي يروح

شمال واللي يروح غرب شادين كلهم وأقرب عن مكان الطيور ويوم طالعت وبرقت زين وإلى والله هذولاهم

يشدون يطون كل شي بيروحون وإلى كل هذيك الأيام يفكر ومعجب فيها من لباقتها وعلومها وأنها ما تسمع كلام

أحد ورايها براسها وياصفها وياصف جمالها يمكن أنه لا محها وشايفها ( المحه ذبحه )

عن قريب أو من ورى البرقع طيره الهوى المهم انه شايف شي ( ما تخلون المناظر )

ويقول عاد قلت الأبيات هذي




يوم عديت في راس الطويل العسير
دوني الطير خفاق الجناحيـن حـام

بادي فيه اطالع وين قـاد النشيـر
احد قـاد قبلـة واحـد قـاد شـام

آه وا قد قلبي يوم قـض الحجيـر
كن قلبي يقد بحـد بـاري العظـام

كن قلبي يقد بحـد مـوس شطيـر
اثر راع المودة لاشكـى مـا يـلام

المصيبة إلى جا الليل عقب الأخيـر
كل ناظر ينام وناظـري مـا ينـام

كيف ابنسى وليف ما استمع للمشير
ما يطيع الخوال ولا يطيـع العمـام

مع لباقته علومه فيه زيـن غزيـر
قرن ضافي ووسط خافـق ياسـلام

المطوع إلى منـه نظرهـا يحيـر
تفتح ابصار عقله ما يـرد الكـلام

خده اشقح عفر وصفه تقل به ذرير
نور خده يقادي نور بـدر الظـلام

والشفايا حمر تشدى سلوك الحرير
والثنايا تلالا بيـض حـدر اللثـام

اشغل القلب ياالاسلام طيـر يطيـر
باللحن يالله انـك لا تعيـد الحمـام






ويقصد في ( اشتغل القلب ياالاسلام طير يطير ) يا العالم يا المسلمين يا ناس , راحوا وشدوا وابعدوا وصار ينشد

عنهم وإلى ما عندك أحد ومدري من جاب له العلم قال هي ما سألت عني قال ياحليلك الحين تصدق هذاك أول

يوم أنك قريب عندها لكن إذا بعدت وغابت العين عن العين ما عاد يمدي يرحون الناس ويلهون في أشغالهم , قال

بس أنا متعلق فيها وفي حبها وأثرهم راحوا ونسوني وهو يقصد ذيك القصيدة بعد مدة ويقول فيها :





يامل قلـب كـل مـا نامـوا النـاس
من الليل ياخذ ربع ساعـة وياعـي

فإلى وعا جته الهواجيس مـن راس
وقام يتقلـب فـي فراشـه وياعـي

ولـولا ضلوعـي للمعاليـق حبـاس
لافوع فوعـة واحـد مـن قطاعـي

قطيع غرب وغطلس الشوف الادماس
بارض خمال وخارشتهـا السباعـي

ودلى يلـوج وكـل اشافيـه يبـاس
وتاه الطريق وراح فكـره ضياعـي

وجنه سباع مع سنـا الليـل غـلاس
مستفرسـات وممسيـات جيـاعـي

صكن عليه ومزعن عنـه الألبـاس
يشـل دمـه مـع طمـان ورفاعـي

لين اودعن ثربـه برجليـه ينحـاس
عند الضـواري راح مالـه شفاعـي

يا أهل النضا ياللي على كوار جلاس
بتـر الفخـوذ مذلقـات السمـاعـي

شعل مواشعهن مثل شاهـي الكـاس
مـدربـات بالسـهـل والجـراعـي

اليا سربن مع صحصح تقل قرطـاس
مع عرضة الزيزي يجيـه الجلاعـي

ريضوا لعلـه مـا يريضكـم البـاس
عوجوا لي ارقاب النضـا بالوقاعـي

وشيلوا وصاتي للغضي عذب الاجناس
اللي مع المرسـال وصلـه جزاعـي

لا جيتوا المجمول مدقـوق الالعـاس
مدملـج العضديـن زيـن الذراعـي

قولو تراها قطعـت عنهـا الارمـاس
يطوي العـزا وأنـا كـلاي دواعـي

من باعني بعته وأنا قاسـي الباسـي
حتـى واصـد بناظـري لا يراعـي

لو أن كبدي كنهـا فـوق محمـاس
عزمي قوي مانا خطـات الزعاعـي

ياعين هاتي واطوي الصبر واليـاس
معطيـك مهلـة دامنـا بالوسـاعـي

اطوي عزاك وترسي كـل هوجـاس
ما ظنتي عقـب الفـراق اجتماعـي





آتمــنــى تعجبكمـ





وأنتظـــــر التعليقـــااات لأستمراار في الموضــــــوع

[لك خـآفقيے . .♥]

ْ
ْ
ْ







مثل ( هذا بلا ابوك ياعقاب )


طبعا تعرفون ان قايله هو الشاعر نمر بن عدوان
وتعالو نعرف وش قصته..
..القصه تبدأ عندما
تزوج نمـر بـ أبنة عمه .. وكانت إمرأة
جميله .. وقـد أحبها حب كبير ..
وتوج هذا الحب بـ أبن
أسموووه عقــاب ..
كانت زوجة نمـر بالاضافه إلى جمالها .. كانت ذات جسم رشيق وتميـزت بخصرها الدقيق . . حتى أن إبنها عقـاب في أحد الايام .. كان يلعب بـتفاحه ، وكانت
أمه نايمه على جنبها .. فكـان يرمـي
التفاحـه .. ويدحرجها وتمر من
تحت خصر امـه وتخـرج
من الجهه المقابله من خلفها رغم انها نايمه لتناسق جسمها ودقة خصرها .. وكان عند نمر فـرس عزيزه عليه وكانت مميزه
عن جميع خيول القبيله .. وكان اذا رجع لبيته ..
تقوم إمراءته بـ ربط الحصان ويدخل
هو للبيت .. للعشاء ثم ينام ..


وجرت العاده على ذلك ..وفي أحد الايام .. رجع نمر لبيته .. ودخل وجلس إلى إمرأته.. وقبل أن يدخل لينام ..
سألها .. إن كانت قـد ربطت الفرس ..
وكانت لم تفعل ..لكنهااا
خافت أن يغضب منها لعدم اهتمامها ..
فقالت انها ربطته .. بعد أن خطر
على بالهـا أنه بعد نوم زوجها ..
ستقوم لتربط الفرس
وكأن شي لم يكـن ..
وفعلا نام نمـر
وذهبت زوجته
لربط الفرس ..
لكن بعد خروجها بقليل صحى نمـر من نومه على صوت الفرس نهض بسرعه بسلاحه .. وذهب بقرب المكان
الموجود فيه الفرس ظناً منه ان هناك من يحاول
سرقت الفرس ..سأل نمـر بصوت عالي :
من هناك؟ ... كانت زوجته تحاول
ربط الفرس لكنها رغم سماعها
لنداء زوجها لم ترد الرد إلا
بعد انتهائها من ربط
الفرس .. كي تقول أنها صحت من النوم لقضاء أمر .. لكن نمـر غلب على ظنه أن
من هناك يحاول سرقت الفرس وكرر سؤاله بـ :
من هناك ؟ ولكنه لم يسمع رد .. فأيقن بوجود
سارق وعندما لمح ظل يتحرك بسرعه
ويقوم إليه .. قام بأطلاق النار على
هذا الظـل .. واكتشـف أنه قتـل
زوجـته بنفسـه !! بعد ذالك
ساد الحزن على القبيله
وعظم على نمـر ..


حتى انه حرّم
الزواج من
أخرى بعدها ..
ومع مرور
السنين ..


أشاروا
ابناء
عمومته عليه بالزواج .. على الاقل لتربيت أبنه .. فقد كان يضعه عند أحد نساء القبيله عندما كان يذهب هو لصيـد
أو غـزو .. وفعلا تزوج إمرأه .. كانت هذه أقل جمال
من زوجته المتوفيه .. حاولت بشتى الطرق أن
تحببه فيها .. لكنه لم يستطع نسيان
إمرأته الاولى .. واكتفى بزوجته
الجديده لتربية أبنه عقــاب !


وفي أحد الايام ..


رأى عقـاب إمرأة أباه الجديده نايمه على جنبهـا ..
فقـام وأتى بـتفاحه .. وحاول أن يدحرجها .. من
تحت خصرها .. مثلما كان يفعل مع أمه ..
لكن الفاكهه كانت تصطدم بجسم
زوجة أبوه ولا تمر من تحت
خصرها . . لان جسمها
لم يكن برشاقة وتناسق
جسم أمه ..عندهـا .. ذهب عقـاب إلى أبـاه وأخبره أن الفاكهه
لاتمـر من تحت جسمها وهي مستلقيه كلما رماها ..
عندها قال أبـوه...هـذا بلاء أبـوك ياعقـاب ...

..فراحت مثل ..











ْ
ْ
ْ

[لك خـآفقيے . .♥]

ْ
ْ
ْ









تعد هذه القصه من أغرب القصص التي حدثت لأحد رجال الباديه ؛ حينما تزوّج للمرّه الثانيه من

امرأة وكان لديه قبلهـا زوجـة وأولاد ؛ وبعـد فتره من زواجه شكّ بأن زوجته الجديده لا تحبّه وكان ذلك

مجرّد وهـم طرأ عليه ؛ فقد كانت المرأه لا تكلّمه ألا نادراً ؛ ولم يرهـا تضحـك أو تبتسم أمامه مطلقاً

؛ لذلك اعتقـد بأنهـا تحـب غيـره ؛ فأتعبتـه الظنون الى أن لجأ الى امرأةٍ عجوز معروفة بالحكمه ؛

فأخبرهـا بأمـر زوجته طالباً منها طريقه يتأكد بها من مشاعر زوجتـه ؛ فقالـت لـه العجوز : عليك أن

تصطاد أفعى وتخيط فمها وتضعهـا فـوق صـدرك أثناء نومك ؛ وعندما تحاول زوجتك إيقاظك اصطنع

المـوت ؛ وفعـل مثلما أمرت به العجوز ؛ وحينما جاءت زوجته لتوقظه مـن النـوم لـم ينهض أو حتى

يتحرك ؛ وعندما رفعـت الغطـاء ورأت الأفعـى ظنّـت بأنها لدغته ومات ؛ فأخذت تصرخ وتنادي ابنه مـن

زوجتـه الأولـى واسمه ( زيد ) وحينما كانت فـي هـذه الحالـه قالـت هـذه القصيـده ..



.
.



يا زيد رد الزمـل باهـل عبرتـي .. على ابوك عيني ما يبطل هميلهـا

اعليت كم من سابقٍ قـد عثرتهـا .. بعود القنا والخيل عجـل جفيلهـا

واعليت كم من هجمةٍ قد شعيتهـا .. صباح .. والا شعتها من مقيلهـا

واعليت كم من خفرةٍ في غيا الصبا .. تمنّاك يا وافي الخصايـل حليلهـا

سقّاي ذود الجار اليا غاب جـاره .. واخو جارته لا غاب عنها حليلهـا

لا مرخـيٍ عينـه يطالـع زولهـا .. ولا سايـلٍ عنهـا ولا مستسيلهـا






وبعد أن سمع الزوج هذه القصيد ؛ تأكد من مشاعر زوجته ومدى الحب الذي تخفيه حياءاً لا أكثر ؛

فنهض من فراشه فرحاً ليبشّرها بأنـه لـم يمت ؛ لكن الزوجه توارت حياءاً لأنها كشفت عن

مشاعرها ؛ وعندمـا علمت بأن الأمر ليس سوى خدعه من الزوج ليختبر حبّهـا ؛ غضبـت وأقسمت

بألاّ تعود اليه الا بشرط ( أن يكلّم الحجر الحجـر .. وأن يكلـم العود العود ) وهي بذلك تقصد استحالة

ان تعـود ايـه مـرة أخـرى ؛ فأصبح في حيرةٍ أكبـر كمـا قـال المثـل ( بغـى يكحّلهـا عماهـا ) ؟ فذهب

بعد أن أعيته الحيره الى العجوز مرة أخرى لتجد له حلاً ؛ فقالـت له العجوز أحضر الرحى فهي عندما

تدور تصدر صوتـاً وكأنمـا يكلّـم نصفها نصفها الآخر ؛ أما العود فأحضر ربابه فإذا كان لزوجتك رغبـة بـك

فستعـود اليـك ؛ وفعـلاً عـادت لـه زوجتـه بهـذه الطريقـه ..















ْ
ْ
ْ

[نايف السبيعي]

حجز

ومتابع ولي عودة يا منبع الجمال والاصالة

[نسناس الهوى]

صفحآت زآخره بالعلوم الطيبه.

موضوع راقي يستاهل الثتبيت..

والى الأمام واصلي طرحك

[لك خـآفقيے . .♥]

ْ
ْ
ْ

شكـــر خــآآآص لاخوؤوي

ْ نــآيف السبيعـــــي ْْ

لبـــى روحـــه <<<ع التثبيت والمرور الذوق

[لك خـآفقيے . .♥]

ْ
ْ
نســـــــــناس الهـــــوى
ْ
ْ
ْ
كـــلامك ذووق <<<

لبى طلتك يابعدي

[لك خـآفقيے . .♥]

ْ
ْ
ْ









تعد هذه القصه من أغرب القصص التي حدثت لأحد رجال الباديه ؛ حينما تزوّج للمرّه الثانيه من

امرأة وكان لديه قبلهـا زوجـة وأولاد ؛ وبعـد فتره من زواجه شكّ بأن زوجته الجديده لا تحبّه وكان ذلك

مجرّد وهـم طرأ عليه ؛ فقد كانت المرأه لا تكلّمه ألا نادراً ؛ ولم يرهـا تضحـك أو تبتسم أمامه مطلقاً

؛ لذلك اعتقـد بأنهـا تحـب غيـره ؛ فأتعبتـه الظنون الى أن لجأ الى امرأةٍ عجوز معروفة بالحكمه ؛

فأخبرهـا بأمـر زوجته طالباً منها طريقه يتأكد بها من مشاعر زوجتـه ؛ فقالـت لـه العجوز : عليك أن

تصطاد أفعى وتخيط فمها وتضعهـا فـوق صـدرك أثناء نومك ؛ وعندما تحاول زوجتك إيقاظك اصطنع

المـوت ؛ وفعـل مثلما أمرت به العجوز ؛ وحينما جاءت زوجته لتوقظه مـن النـوم لـم ينهض أو حتى

يتحرك ؛ وعندما رفعـت الغطـاء ورأت الأفعـى ظنّـت بأنها لدغته ومات ؛ فأخذت تصرخ وتنادي ابنه مـن

زوجتـه الأولـى واسمه ( زيد ) وحينما كانت فـي هـذه الحالـه قالـت هـذه القصيـده ..



.
.



يا زيد رد الزمـل باهـل عبرتـي .. على ابوك عيني ما يبطل هميلهـا

اعليت كم من سابقٍ قـد عثرتهـا .. بعود القنا والخيل عجـل جفيلهـا

واعليت كم من هجمةٍ قد شعيتهـا .. صباح .. والا شعتها من مقيلهـا

واعليت كم من خفرةٍ في غيا الصبا .. تمنّاك يا وافي الخصايـل حليلهـا

سقّاي ذود الجار اليا غاب جـاره .. واخو جارته لا غاب عنها حليلهـا

لا مرخـيٍ عينـه يطالـع زولهـا .. ولا سايـلٍ عنهـا ولا مستسيلهـا






وبعد أن سمع الزوج هذه القصيد ؛ تأكد من مشاعر زوجته ومدى الحب الذي تخفيه حياءاً لا أكثر ؛

فنهض من فراشه فرحاً ليبشّرها بأنـه لـم يمت ؛ لكن الزوجه توارت حياءاً لأنها كشفت عن

مشاعرها ؛ وعندمـا علمت بأن الأمر ليس سوى خدعه من الزوج ليختبر حبّهـا ؛ غضبـت وأقسمت

بألاّ تعود اليه الا بشرط ( أن يكلّم الحجر الحجـر .. وأن يكلـم العود العود ) وهي بذلك تقصد استحالة

ان تعـود ايـه مـرة أخـرى ؛ فأصبح في حيرةٍ أكبـر كمـا قـال المثـل ( بغـى يكحّلهـا عماهـا ) ؟ فذهب

بعد أن أعيته الحيره الى العجوز مرة أخرى لتجد له حلاً ؛ فقالـت له العجوز أحضر الرحى فهي عندما

تدور تصدر صوتـاً وكأنمـا يكلّـم نصفها نصفها الآخر ؛ أما العود فأحضر ربابه فإذا كان لزوجتك رغبـة بـك

فستعـود اليـك ؛ وفعـلاً عـادت لـه زوجتـه بهـذه الطريقـه ..















ْ
ْ
ْ

[لك خـآفقيے . .♥]

ٍالولد لاطاب طيبه من خواله..

الصبي وان طاب طيبه من خواله = وان تردى فـعلم انهم خايبينـي

أشرب الفنجـال واكـب البيالـة = طيـبٍ واحـب سلـم الطيبينـي



من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..

قائل هذين البيتين ..
الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..
وقيل انه توفي عام 1986م وهو في الجنوب وكان شايل معه شخص موصله الى احد القرى وحصل عليهم حادث وتوفي رحمه الله ..
راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..
وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..
ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..
جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..
وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..
يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..
قالت له العجوز .. خلاص رح الله يستر عليك يا ولدي ..
انا جالسه هنا انتظر ( ابن الذيب ) ..
هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟
حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..
وصل العجوز إلى منصاها والمكان اللي تبيه ..
وقال هذى القصيده .

قالهـا ابـن الذيـب مـن هاجـوس بالـه = كلـمـةٍ يـلـعـب بـهــا والـبــال زيـنـي

قـالـهــا يــومــه طــرالــه مـاطــرالــه = مـن هواجـيـسٍ تشـيـب المرضعيـنـي

حـالـفٍ مـاخـذ عـلـى الطـرقـي ريـالـه = وبـالـثـلاث مـحــرم أنــــه مايـجـيـنـي

لالقيـت اللـي علـى ( السكـه ) لحالـه = يلـتـفـت ويـقــول ويـــن المستحـيـنـي

أوقـف المـوتـر حـيـا وأبــي الجمـالـه = يــوم ولــد الــلاش وجـهــه مايلـيـنـي

الطـمـع فــي كــروة الرجـلـي رذالـــة = خـص وان جـابـه مـجـال الغانميـنـي

والــردي فــي حـالـةٍ مـاهــي بـحـالـه = واعـويـنــه مــــن كــــلام الطيـبـيـنـي

الـــردي لـــو بـــان مـايـذكـر عـمـالـه = مـايـعـد الـــلاش مـقـصـور اليمـيـنـي

أركـبــه لـعـيـون مـــن زيـــنٍ دلالــــه = ماتـحـاكـوا فـــي قـفــاه الرامـسـيـنـي

مابـغـى غـيـري وانــا مابـغـى بـدالـه = قـاعــدٍ لـــي بـالـرجـا مـــدة سنـيـنـي

الصبـي وان طـاب طيبـه مـن خوالـه = بـالـخـوال يــســال قــبــل الـوالـديـنـي

أشـــرب الفـنـجـال واكــــب الـبـيـالـة = تــابــعٍ سـلـمــي ســلــوم الأولـيــنــي

ولاقـعـدنــا بـالـعـمـل بــنــا الــرزالـــة = نـاخــذ العـلـيـا طــريــق الفـايـزيـنـي

غـرنـي بـعـض الـرجـال بكـثـر مـالــه = مادرى ان المـوت فـي حبـل الوتينـي

كيـف ينفعنـي وابـا(..........) خـالـه = مايـقـوم البـيـت دام الـسـاس طـيـنـي

مـاش ويــن الـلـي عـوايـده الجمـالـة = مثـل ابـن ظافـر حـمـد ليـتـه يجيـنـي

الـثـنـا والـجــود دايـــم فـــي خـيـالــه =عـلـمــه ظــافــر ســلــوم الطـيـبـيـنـي

جـــــوّد الـعـلـيــا ولـزمّــهــا عـيــالــه = وادركــوا مــن علمـتـه دنـيـا وديـنـي

واهنـي مـن بـاع حظـه واشتـرى لــه = وسار في درب النبي وأخزى اللعيني

مـوقــفــه مــاكـــل رجــــــال يــنــالــه = مــن بـغـى مـمـشـاه يـقـعـد مرتـيـنـي

كـم ذبـح مـن حـايـلٍ مــن حــر مـالـه = وعـادتـه لـطـمـة خـشــوم العايلـيـنـي









ٍ
ٍ
ٍ