أجمل ما قرأت لشعراء منتديات المختلف...

[مبارك المسعري]

بسم الله الرحمن الرحيم

هنا في هذه المشاركة

نريد ان يقف التاريخ لابيات لم تمرّ علينا مرور الكرام فقط
بل مرور الكرام الذين استوقفهم الشعر..

الفكرة:

الفكرة ان اضع اجمل ابيات -ولا يشترط القصيدة كاملة- قراتها لاحد شعراء
منتديات المختلف واعجبت بها ....

مثلا"

اكتب بيتين راقا لي
واكتب اسم الشاعر
واكتب في قصيدته بعنوان كذا...


وسأبدأ انا هنا للمثال وبداية تنفيذ الفكرة

اتمنى من الاخوان التفاعل مع الموضوع إن راق لهم ماطرحت
ورغبة استمرار الفكرة و عودة الذاكرة بنا الى ابيات استوقفت مرورنا...

[مبارك المسعري]

سلام ياسلمان وبعد الزحمه امـن العايديـن
قدام لا تنخـا الجـروح الداميـه دكتورهـا
لبستك اعقالي وقلطتك على سمـن وسمـين
وانته تطوف ابقبر بنت العامـري وتزورهـا
لاشك لو لا الدر ياسلمان والمـاس الثميـن
مالد عيني فـي رجـالً غيـرت دستورهـا
العام من دونك نحول وندحم الجنب المتيـن
واليوم في عينك تساوت شبطها وصقورهـا
بنت الكحيله في حكم من حط وسمه بالجبين
والا انت لاصاحت بك جموع العرب بتخورها
الفقر زندن ماقدح والعـز كسـب الغانميـن
وشخصيتك فبرك تها وازريت تطبق دورهـا
انا احمد الله ماعلي اخلاف يالراس الفطيـن
مانيب مثل اللقمه اللي عاقبـت حنجورهـا

للشاعر/
محمد بن حزام الهامل

من قصيدة/
من العايدين

[خـالد]

يعطيك العافية يا مبارك


وفكرة تستاهل التثبيت


وبجيب قصيدة ما مر علي مثلها ولا يهونون الاعضاء و لا تهون انت يا مبارك..

بس على الله القاها

لاني اععجبت فيها


انتظرني

[خـالد]

[poem=font="simplified arabic,6,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خل الغصن يمكن تعود العصافير= لاعشاشها يا مأمل ٍ وصل غايب
تغريدها تنبت عليه الازاهير= يهدي مساحات الرواء للجدايب
صدر السما مايشتهي هجرة الطير= شفت اعتراضه في دموع السحايب
لكن جفاف الوصل .. شح المعاذير= يغري المنافي تستميل الحبايب
يامنتعل حَث الخطاوي ..على السير=ادميت خد الصمت والصوت هايب
تارك وراك الليل مابه تناوير= وآخذ معك قلبٍ عن الصبر تايب
لو تلتفت شفت انحدار المسايير= ايتام قلطهم عن الجور.. شايب
طاح الحزن في كأس طهر التعابير= لذة شرابك مازجت ملح ذايب
قلت الغناء يا حادي الشوق / تعبير= يمكن على صوتك تحط الركايب
وذكرت صوتٍ طاح باذن المقادير= بأول ربيع الحب والوصل طايب
الديم كفه يزرع الارض نوّير= والصيف يهديها كفوف الهبايب
[/poem]

هذي بصراحة قصيدة جميلة و لا استطيع ان اسهب في المدح لاني اخاف لا اوفيها حقها

وهي لشاعرة الغائبة الحاضرة ( رغد بنت عبدالله )

وهي شاعرة قليلة الحضور في شعراء المختلف لكن اذا اتت اتت بكل الشعر تسحبه الى قلوبنا

ولعلي اوجهه لها رسالة من هنا واقول لا تطيلي الغياب على متذوقي ابياتك فنحن في انتظار كل جديدك بفارغ الصبر..

[نسناس الهوى]

صرآحه موضوع رائع.. جدآآ..

شوف يكون لي وقفآت هنآ..

انتظروني..

شكرآآ مبارك شكرآ خالد

[نسناس الهوى]

وتدري وش لعبي غير [دخيلك] .. و ما تزبنـي**وانا اللي جيتك سنافي.. وطامع في غلا سنافـي

للشآعر الكبير\ مبارك المسعري..

[قصيدة لم تكتب]

..

..


مبارك المسعري

فكره حلوووه ,, وتسلم يمناك

لاهنت

* * *

أنا مـا أرضـى الحيـاة اللـي تعيشنـي علـى الذِّلـة
عزيزة نفس من صغري ولو غيري نوى هزمي
ياويلـه لـو وطـى أرضـي يلاقـي سيـوف منسلَّـه
ومـن يقـوى سيـوفٍ بالصـرامـة حـدَّهـا عـزمـي
أنـا مـا نـي مـثـل غـيـري يـقـول الشـعـر ويتـلـه
أنـا كلـي شـمـوخ ورأس مـالـي بالحـيـاة اسـمـي

صدى الصوت

[خـالد]

صراحة يا اخ مبارك فكرة نيرة لأنها تعطينا الاضاءات التي غفلنا عنها..




تحياتي لك

[شاكر عماش]

ياسلااام عليك يامبااارك دائما وطرحك مميز

فكره اكثر من رائعه لاهنت انت واخوي خالد على جهودكم



غبتي وجت بعد الغياب الديمه
يالله عساها غيبتـن عاديـه


مدري غيابك غدر ولا شيمه
لكن نار الحب فينـي حيـه


حتى لو ازعل منزلتك مقيمه
احسبك فيني واحسب إنك ليه


ياحي هالطلـه وهالتسليمـه
لاعلهـا مربوعـتِ مثنيـه


انتي بدنيايه سوات الغيمـه
يالله عسالي في ظلالك فيـه


ترا المحبه والفراق إوخيمـه
في جوها ماغـردت قمريـه


الساق دام اللي عليه تضيمه
لاتحرمينـه لمسـة الحنيـه


وانا ادري العالم غلط تعليمه
نصيحتي والله علـم بالنيـه


والغالي اللي ماعرف تقييمه
لوكان غالي عشرته منسيـه


من دون تحليله ولا تحريمه
الحـب دربِ سنتـه ماطيـه


والقلب لو بقدر على تقسيمه
خليت نصِ لك ونـصِ ليـه

عبدالله بن راجس



مما اعجبني

[نسناس الهوى]

التجت مابين ذقني وشنبي
واستحى وجهي وزبنت الطليب

ووجبت من دونها ثني ركبي
واجبه فزعة غريبٍ مع غريب

مايعذرني عذر قول اجنبي
العذر فللي ماتعذر منه عيب

والمشالح لبسها غر العبي
والجمال فحول والركبي ركيب

دامني حي وذخيرة مزهبي
في حزامي والحزام فبطن ذيب

شب نارك لين تدفا بحطبي
يادخيلي لاتذل ولا تهيب

مانشدتك يادخيلي وش تبي
لا دخلت الوجه لك حقٍ مصيب

اقتضا طلاب دمك بجنبي
افتدى بالمال عن دم الذهيب

ون نويتي بعد هذا تذهبي
من ذهب ماني بقايل لاتغيب

ماني بقايل خساره ياتعبي
الخسارة ماتجي في فعل طيب

ذي عوايدنا وهذا مذهبي
وذي مذاهب كل رجالٍ عريب

جيتني مع ظلمة الليل تحبي
رحت من عندي ووضعك لي مريب

شرهتي عليك ماتسوى عتبي
دام تنكر معرفة وجه الحبيب

ماعرفتيني نسيتي ياعجبي
ماعليه العام جمعنا النصيب

ان ذكرت او ماذكرت انا الصبي
الصبي اللي لنخايه مجيب
لأبوسعد البقمي شاعرنا المتألق