منتديات المختلف المنتدى الأدبي الأول في الخليج العربي

منتديات المختلف المنتدى الأدبي الأول في الخليج العربي (http://m55f.com/vb/index.php)
-   شعراء المختلف (http://m55f.com/vb/forumdisplay.php?f=9)
-   -   الى جميع الشعراء المشاهيــــــر (http://m55f.com/vb/showthread.php?t=21731)

فرحان الدغماني 06-16-2011 01:19 PM

الى جميع الشعراء المشاهيــــــر
 
السلام عليكم ورحمة الله وبركاته
أتشرف بوضع أول قصيدة لي في هذا المنتدى الشامخ
الشاعر/فرحان الدغماني
وها أنا أكتبها باللون الاحمر
عندما تتصادم بوادر النجاح مع ظروف معاكسه
ينتج أحد الأمرين أما المواصله وزيادة العزم
وأما الخضوع والأستسلام.
[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=3 line=1 align=center use=ex num="0,black""]
الى جميع الشعراء المشاهير=أعلن بأني في قصايدكم أشرك

حنا نعم بشر ونخصص بخير=وأنا بكل الي تسوون مدرك

في منكم الي يدهن السير ويسير=ويقول ذكري بالشعر طاف ذكرك

عندي تحدي به مكاسب وتشهير=جرب وقارن بين شعري وشعرك

بس أنتبه يمكن تخسر الجماهير=وتضيع أمجادك وأسمك وصبرك

والشعر جمهوره لهم كل تقدير=ولعيونهم أوعد بنفيك ودحرك

ومن دون لانتعب ومن دون تكثير=عطنا قصايد لك من أيام صغرك

وأذا تريد أصور الشعر تصوير=جندي ولاقلت أجمع يقول أمرك

أما قصيدي مي من مية البير=وأن جيتني خذ حيطك وكل حذرك

هذا مع أني توي وعمري صغير=وشلون لامن طال وأصبحت كبرك

مشكلتي أني جيت في زحمة السير=وأعلامنا حاله على حال خبرك

وألاتلاقي شهرتي شهرة أبلير=لاكن نصيبي أني أصبح مفبرك

ومن قبل أودع وأرتحل كني الطير=أسف أذا أني لشعر صرت جمرك

حبيت أمتعكم وأبفرق عن الغير=ومن كان يبغاني اليا جيت يفرك

وياسامع أبياتي أبهديك تحذير=لاتبعد بظنك وينكبك فكرك

تدري متى تلقى باالأبيات تقصير=اليا نجت وقلت لي عدد شعرك[/poem]


أتمنى أن تكون نالت أعجابكم
تقبلوا تحياتي...


[/size][/font]

عبدالعزيز الحربي 06-16-2011 01:41 PM

رد: الى جميع الشعراء المشاهيــــــر
 
ياهلا فيك يافرحان وحياك الله



صح لسانك



والشاعر اللي يقيّمه الجمهور وانا اخوك

نايف بن جليغم 06-16-2011 01:45 PM

رد: الى جميع الشعراء المشاهيــــــر
 
فرحان

صح الله لساااانك وانا اخوك

والله يحييك

وكما قال اخوي ابو عمر الشاعر ليس من يقيم نفسه ولكن الجمهور هو الذي يقيم

ولكن يجوز لكل شاعر التفاخر بشعره وهذا من ابسط حقوقه

لاهنت وبيض الله وجهك

تقبل مروري

سلطان بن نادر 06-16-2011 04:49 PM

رد: الى جميع الشعراء المشاهيــــــر
 
صح الله لسآنك واعتلى شآنك ..

ابيات جميله وجزله .. لآهنت ..

تقبل مروري يافرحان ..

خالد العواد المغري 06-16-2011 07:49 PM

رد: الى جميع الشعراء المشاهيــــــر
 
.

تكفون تنسقون القصيده

ذي تستآهل تبقى في قسم الشعرآء

والله وآفيه من رآس وآفي صح لسآنك

يالقرم وعلا ربي شآنك ابدعت وامتعت

تقبل مروري المتوآضع وتحياتي

لك وخآلص تقديري






خآلدالعوآد

.

نايف بن جليغم 06-17-2011 03:49 AM

رد: الى جميع الشعراء المشاهيــــــر
 
اقتباس:

المشاركة الأصلية كتبت بواسطة خالد العواد المغري (المشاركة 638661)
.

تكفون تنسقون القصيده

ذي تستآهل تبقى في قسم الشعرآء

والله وآفيه من رآس وآفي صح لسآنك

يالقرم وعلا ربي شآنك ابدعت وامتعت

تقبل مروري المتوآضع وتحياتي

لك وخآلص تقديري






خآلدالعوآد

.



خالد العواد

تامر آمر وانا اخوك ماطلبت شي

وفرحان يستاهل التنسيق

تحياتي لكم

اماسي القمر 06-17-2011 03:56 AM

رد: الى جميع الشعراء المشاهيــــــر
 
مرحبابك اخوي ...

وصح لسااانك ..

لاهنتت ولاهان شعرك ..

حبيب الرزقي 06-17-2011 04:32 AM

رد: الى جميع الشعراء المشاهيــــــر
 

صح لسانك اخوي /فرحان

الشهرة سلاح له أكثر من حدّ ..
وفي هذا الزمن هجر دروبها ابرك .. في نظري
والشعراء المشهورين ليسوا كلّهم مبدعين .. فيهم الرائع ، والّذي دونه ، والّذي دونه .. وكم من متغطرسٍ رأيناه يتحدّث عن الشعر كأنّه سلطانه ، وفي واقع الحال ليس من أهله
نصيحتي الأولى ذكرتها لك يا غالي ، وإليك الثانية: أن تبتعد كلّ البُعد عن غرضين من أغراض الشعر حتى أمدٍ ليس بالقريب - باعتبار أنّك في مقتبل العمر - وهما: الفخر ، والمدح ، والثالثة: أن تجاري أشعار الكبار أمثال: ابن حميد ، والهزّاني ، وابن جدلان ، وابن عون ، وضيدان ، والزلامي .. وغيرهم كثير
وكلّ هذا لاكتساب الخبرة الكافية .. عندها ستجد باب الشهرة مفتوحاً لك على مصراعيه

هذي كلمات من محبّ لك ولموهبتك الجميلة .. من أخيك الأكبر منك سنّاً لا قدراً

أشكرك .. فقد أمتعتني بأبياتك الراقية
ولك أجمل تحيّاتي

..

عبدالرحمن الرشيدي 06-17-2011 05:23 PM

رد: الى جميع الشعراء المشاهيــــــر
 
اخوي فرحان صح لسانك وبيض الله وجهك والشعر لايعرف صغير او كبير يحق لشاعر ان يتفاخر ويكون واثق من مايقدمه وانت يحقلك وقصيدتك هاذي تثبت
يعجبني الشاعر اللي يتفاخر في شعره ويتحدا نفسه ولاكن لايهضم حقوق الغير الشعار كثر والمستشعرين اكثر
ورجع واقول الشعر مافيه كبير ولا صغير
انت وموهبتك اللي يعطيك الله
وااااااااااااااااااااااااااااااصل ابداعك ياولد الشيوخ

مبارك المسعري 06-18-2011 09:27 PM

رد: الى جميع الشعراء المشاهيــــــر
 
صح لسااااانك

تشفرفت بمصافحتك الكريمة

واتمنى تتأكد من سلامة الاملاء
لان القصيدة لن تقرأ بهذا الشكل
وانت من الصورة الرمزية وانا اخووك
شاعر منبري
لو اضفتها صوتها يمكن قدرنا نتفهم المكتوب..

بعد التأكد من قبل صاحبها
سوف ترجع لمكانها الصحيح...


جميع الأوقات بتوقيت GMT +3. الساعة الآن 05:09 PM.

Powered by vBulletin®
Copyright ©2000 - 2021, Jelsoft Enterprises Ltd
الآراء والكتابات لا تعبر عن رأي إدارة الموقع إنما تعبر عن وجهة نظر كاتبها